Proverbios 5:16 - Dios Iwene

¹⁶ Jao chitji̧ bakwuju, kwilekwokwöda kwö̧jo. Ju'wi wanedö yötawa: Bakwa'do ojwese'dotjö ya̧dö ba̧jekwadö ojwiyo tjowobö wabö tji̧'ye'do. Ökwöma ja'dodanö kwö̧joko chitji̧, ba̧jȩkwadö ya̧dö watje'dodanöma kwö̧joko. Ja̧ wanekwachi̧ma jeluju, jelujunöma ökwökwö jö̧joböma jwiobe jö̧ba̧lö wanekwachobe.

Proverbios 5:16 Iomraidhean Croise

Génesis 24:60

Ji̧'yakwa̧ abönö jömöledöma jö̧ba̧lijadötö Rebecanö: —Chömöledösuju, Diosnö adeba ökwönö ösödinö pjaatobö, ökwötjö tupadanö jojodöma nöinö ba̧ja̧dakwökenanö tjöba̧jekwachobö. Ja̧danö adebanö ökwönötjö̧ tupadanö jojodönö pjaatobö tjöpöjojodönö tjujuluwobö— jö̧ba̧lijadötö tjömöledösuju Rebecanö.

Proverbios 5:15

Chitji̧, jobujukwö kwö̧joko. Wanedö yötawakwö: ¿Ju'wedö tjeju a̧petu ojwese'dotjö kwowobö jo̧beji̧? Jwiobe. Ökwö kweju a̧petu ojwese'dotjöda kwowobö jo̧be. Ja̧ wanekwachi̧ma, kwilekwokwöda kwö̧jo, jelujukwömaökö, jö̧ba̧lö wanekwachobe.

Proverbios 5:17

Kwilekwoda ökwökwö jö̧jakwuju, ju'wedömaökö.

Proverbios 5:18

Chitji̧, kwilekwokwö, ina möayo̧köbayi kweminokokwöda kwö̧jo, kwo̧'wo̧ ösöwanö. Jobujunöda ösödö kwö̧jo, otiwuju, jwiinö chösödoko, jö̧ba̧lö. Ba̧kwȩlö̧jatebö kwo̧'wo̧ ösöwanö kwö̧jo jobujukwöda.

Proverbios 9:17

Jwiinö kwösödaduwena kwilekwobö̧kujukwö kwö̧jaduwoböma. Ojwiyo kwönaukwaja̧duwobu o̧tobudanö o̧tena kwilekwobö̧kujukwö kwö̧jaduwi̧ma. Ja̧danö, ju'wedöma tjedokonö emiba pan jo̧dawa'ye kukwi̧ pan söi̧danö söena kwilekwobö̧kujukwö kwö̧jaduwi̧ma, ichaduwi— jwöbeabuju sulabenö obujuma.

Isaías 48:21

Ja̧danö otiwanö pjaatawö̧, kököelö ö'wejenö tjöbaledijayonö, o̧ti̧ tjöbökönö kwebachadö, ojwiyo jwitjena, inawatjöda ojwiyo döobö webo̧, ojwiyo jwienama inawa 'dabebö, okwatjö ojwiyo isuwobö webo̧ Diosma, —jö̧ba̧lö yökawaduwo, jö̧ba̧lö yöawobe Diosma.

Deuteronomio 33:28

Jo̧kwajabetjö̧, israel jojodöma wene jwiinö tjö̧jobe, Jacob itji̧mu tupadanö jojodöma labokobe otiwanö tjö̧jobe. Israel nijima, si̧li̧'idö ti'oli otiwanö tjoduwemi, ja̧danö trigojaye waji̧bi, ubasobubi nöinö jȩmi niji̧.

Jueces 12:9

Ibsanma itji̧mu ömadönö treintabedönö ujuna̧linobe, ja̧danö itji̧mu ya̧dönö treintabedönö ujuna̧linobe. Jo̧bama itji̧mu ya̧dönö weinobe, israel jojodötjö jelesokwena jojodönö tjemobö, iteda ömöledösaso jojodöböködönö, ja̧danö ju'wibi jelesokwena jojodötjö ya̧dönö ichejebinobe, itji̧mu ömadö tjilekwamu batjibanö. Jo̧ba Ibsanma jelemutjö dötölataja o̧biya baledibanö israel jojodötjö la'aka luwo̧ ö̧jinobe.