Proverbios 5:10 - Dios Iwene

¹⁰ Ja̧o chitji̧, jobujukwö kwö̧jitjö̧ma usula emawö kwö̧jakwo̧ja. Ja̧danö, jobuju jömöledö, wajwiköbawö̧ma ökwö lekwe otidö emiaköbina kwu̧kwa baladabi, kwiteabi, jobadöda otiwanö tjö̧jobö tju̧juna̧lakwedö.

Proverbios 5:10 Iomraidhean Croise

Proverbios 29:3

Ja̧danö, ju'wibi yötawa: Bakwo̧ jweinö omukwatö ö̧jobö ösödö isakwitjö̧ma abe'do ojo'do tjo̧'wo̧ ösöwanö tjö̧jena, ditji̧ma otiwanö omukwatö jo̧, jö̧ba̧lö. Jobekwö otiwanö ö̧jokobe jelo̧, ya̧dö 'da'dabakwawadökwö ö̧jobö ösödo̧ma. sulabenö alewö, 'da̧'da̧bö ö̧jobetjö̧ okobe jwiinö u̧kwa baladama iyö lobo̧.

Proverbios 31:3

Chitji̧, jwebebö yötawakwö: Kwujuluma iyö loköboko kwilekwobökujunö, jobujukwö 'da̧bawö. Isabenö yötawa: Inesö la'aka luwedötjö ba̧jȩkwadö söbekwö lobinadöma tjö̧jobe, ya̧dökwö 'da̧bawö tjösödobetjö̧.

Proverbios 5:11

Chitji̧, jobujukwö kwö̧jitjö̧ma debö kwi̧'yena, jobujutjö kwönekwobetjö̧. Ja̧danö, ju'winö, debö kwi̧'yakwa̧ abönö jwiinö niiökwe labinö kwubudekwabikobe, okobe jwiinö kwitebiyama 'dolobö tjoduwobetjö̧.

Proverbios 5:9

Isabenö yötawa chitji̧: Jobujukwö kwö̧jitjö̧ma jojodö ajayinö ökwönö otiwanö omukwatinadöma ökwönö sulabenö tjo̧mukwatakwo̧ja. Ja̧danö, jobuju jömöledöma ökwönö lȩ lö̧jökönö edö kwabö lotjena ökwönöma, okobe jwiinö kwujuna̧li̧ baladabi, kwiteabi emö.

Proverbios 6:26

Ja̧danö chitji̧, kwöwaisa, bakwo̧ jilekwe debuju jitebiya weokokwö ö̧jitjö̧ma nöinö wene jwiena. Ja'yubeda imidobö ajebena jobujuma, pankö̧, baladakö̧ ¿jö̧tö̧? Jo̧kwaijayonö jobekwö baledökena jelo̧ ilekwokwö bakwobe kwö̧jitjö̧ma chitji̧. Yelösöda nöinö wene kwujuna̧lena. Jobujukwö bakwobe kwö̧jobö mikwa jwiobe, jö̧ba̧lö kwomukwatijayonö isabenö, mikwa baibanö debö kwi̧'yakwo̧ma. Jelo̧ ilekwokwö kwö̧jinobetjö̧ jobuju jilekwema ökwönö kwabö loena chitji̧.

Proverbios 6:35

Ja̧danö, jilekwenö juna̧lujukwö ji̧nama omukwatena, jilekwenö balada chimiditjö̧ma ödameakwi̧ söawena, jö̧ba̧lö. Jo̧kwaijayonö jilekwema jwiinö öpöjödo̧, chemökö, jö̧ba̧lö, ilekwokwö ji̧nanö lȩbeböda lȩtebakwo̧, jö̧ba̧lö omukwato̧. Nöinö baladabi emokobe jilekwema, ja̧ ilekwokwö sulabenö ja̧ina o̧'wo̧ jwiiboböma.

Lucas 15:30

Jo̧kwaijayonö ötjö kwitji̧ otiwanö ja̧bö jo̧ pjiesta chukwobö kwiyököjayonö, bite kwitji̧ sulabenö ja̧bö jo̧ ȩwa̧jenama, nöinö mikwawo̧ o̧tewo̧ pakayaso̧nö kwaköbajabe, pjiesta ukwobö. Bite kwitji̧ma okobe jwiinö kwitea balada putabedönö midabinö 'dö̧ekwajijayonö, jo̧banöda ösödö pjiesta kwujunajabe, jö̧ba̧lö o̧'wo̧ sulinö yöa̧linobe abönö pöema.