Proverbios 4:9 - Dios Iwene

⁹ Ja̧danö, ju'wi jawabi yöawijatö, wanedö: —Chitji̧, ökwö jweinö omukwatö kwö̧ji̧ma jojodönö öwawobe. Kwuunö muchekwado̧ otiwado̧ öwawi̧danö, ja̧danö butjawaka otiwaka kwuunö kwubutjawaka öwawi̧danö öwawobe ökwö kwö̧ji̧, jweinö omukwatö kwö̧ji̧ma. Otiwanö öwawobe ökwö kwö̧ji̧ma jojodö ökwönö tjösödinö, bitema jweinö omukwatö jo̧, jö̧ba̧lö̧—. Chi̧tji̧mu̧, jobekwö yöawijatö chabe'doma ötjönöma. Jobekwö laebobe Salomón yöawina jawama.

Proverbios 4:9 Iomraidhean Croise

1 Reyes 3:13

Ja̧danö, ju'wibi akebajökö jawabi chiyakwö Salomon. Jwiinö noinö kwiteabi chiyakwö, ja̧danö okobe deinö otiwanö tjomukwatökwe kwö̧jobö chiyakwö Salomon. Jau, ina 'yaba̧lo̧ kwö̧jayi, ju'wedö la'aka luwedötjö bakwobi deakobe, ökwö kwujuna̧li̧danö nöinö juna̧lo̧ma, ja̧danö bakwo̧bi deakobe, ökwönö otiwanö tjomukwati̧danö otiwanö tjomukwatökwema.

Proverbios 1:9

Wanedö yötawakwö chitji̧: Isabenö, kamijido̧sa'ye, jwiinö otiwa'ye kwuunö kwöwanawena otiwanö öwawobe ¿jö̧tö̧? Jobekwö otiwanö kwöwanawi̧ öwawi̧danö ökwö jweinö omukwatö kwö̧ji̧ma otiwanö öwawobe ökwönö jwebebö yödawi̧ma do̧katinobetjö̧. Ja̧danö, ju'wibi wanedö yötawakwö: La̧wo̧sopja jwiinö otiwopja kwölawobe otiwanö öwawi̧danö ökwö jweinö omukwatö kwö̧ji̧ma otiwanö öwawobe, ökwönö jwebebö yödawi̧ma do̧katinobetjö̧.

Proverbios 14:18

Ja̧danö, ju'wibi yötawa: Jweinö omukwatöködöma la'akatjöda tjöwaisachibökakwedö. Jobadö tjö̧ji̧ mikwa baibanö ba̧kwȩlö̧jatebö omukwatökönöda tjö̧jakwedö. Jobekwö baledokobe ö'wiyawakwawönö omukwatadönöma. Ö'wöyawakwawönö omukwatadöma jobadö tjö̧ji̧ mikwa baibanö ba̧kwȩlö̧jatebö ju'wi jawabi ju'wi jawa tjöwaisachibakwedö.

Proverbios 16:31

Ja̧danö, ju'wibi yötawa: Damöma, tjöwö'ye dewadöma jobadö tjöwö'yema inesö la'aka luwo̧ otiwaka ubutjawakadanö ji̧. Jobekwö tjöwö'ye dewa'ye tjubutjawi̧ma öwawinö i̧sebobe, bidöma lekwe mölȩ jweinö omukwatö ja̧dö, jö̧ba̧lö.

Proverbios 3:22

Ja̧danö, jobekwö kwö̧jitjö̧ma kwo̧'wo̧ ösöwanö lekwe kwö̧jakwo̧ja. Wanedö yötawakwö: La̧wo̧sopja jwiinö otiwopja kwölawobe otiwanö öwawi̧danö ökwö jweinö omukwatö kwö̧ji̧ma öwawinö kwö̧jakwo̧ja, jweinö omukwatö jo̧ jö̧ba̧lö.

Proverbios 4:10

Baikwö laebobe Salomón iteda itji̧nö möayo̧nö jwebebö yöawina jawama: Chitji̧, yötawakwö: Ökwönö jwebebö yötawi̧ma ösödö kwa̧ja̧kwobö jo̧be. Ja̧ yötawi̧ kwa̧ja̧kwitjö̧ma lekwe mölȩ kwö̧jakwo̧ja.

Isaías 28:5

Jobekwö Efrainsaso jojodö tjösödaka butjawakadanö ji̧ma söbebö lotjakobe. Jemi ikenama, Isabenö Jo̧ Okobe Jwiinö Juluwo̧ Diosda tjösödaka butjawakadanö ö̧jakwo̧ma, iteda ömöledötjö ina ji̧badönöma. Ja̧ möle jo̧ba Diosnöda ösödö tjomukwatakwedö, —Duluwo̧ Diosma dejatinö juluwo̧, inesö mikwawi̧ butjawakadanö ichejekwo̧ma, dösödökwe Isabenö Jo̧ Diosda, —jö̧ba̧lö.

1 Pedro 3:4

Ju'wida chömöledö ya̧dö inesö kwotikwaduwi̧ma, kwo̧'wo̧ luwo̧duwi jawada, dösölö̧jinö ja̧danö jwöjwöakwawa jwiinö ja̧kwawada. Jejenö tjotikwi̧ma, damö jawa jwöachökö ji̧ chömöledö, ja̧danö Dios edemi, inesö mikwawi̧ chömöledö.

1 Pedro 5:4

Jejenö ja̧bö kwite'ada̧laduwo chömöledö, ja̧danö inesö la'aka te'ada̧lakwawa luwo̧ yemidanö ichenama, ökwödönö inesö otiwaka salöinö bötjawaka iyakobe chömöledö, la'akatjöda salöi̧ tiibököka.

Apocalipsis 3:21

Chömöledö, bakwo̧ sulabetjö juluwinanöma chö̧jobekwö ichibena, ötjö la'aka luwo̧ webö chö̧bemi pjeanö ö̧bobö wetakwo̧. Ötjöma wobajaletjö chujuluwina ikena Chabe'do ö̧bemi pjeanö chöbamatijatö, ba̧kwȩlö̧jatebö jenada chö̧bobö. Ja̧danö, sulabetjö juluwinanöbi, chö̧jobekwö ichibena chipjeanö ö̧bobö, la'aka luwo̧ baibanö.