Proverbios 4:6 - Dios Iwene

⁶ Ja̧danö, ju'wi jawabi jwebebö yöawijatö chabe'doma ötjönöma, baikwö: —Chitji̧, jweinö omukwatö kwö̧jo, jwaikwöda. Ja̧ kwö̧ji̧ma kakatiboko otiwanö kwö̧jakobetjö̧. Wanedö yötawakwö: Jobekwö jweinö omukwatö kwö̧ji̧ma isuju te'ada̧lujudanö ji̧. Jobuju jweinö omukwatö kwö̧ji̧ wanekwachujunö a̧ja̧kwö kakatibökötjö̧ma otiwanö jite'ada̧lobe ökwönöma otiwanö kwö̧jobö. Ja̧danö, tjöbeba̧lö jite'ada̧lobe ökwönöma jobujunö kwösöditjö̧ma, jweinö omukwatö kwö̧ji̧ wanekwachujunöma. Jobekwö jö̧ba̧löma ökwö jweinö omukwatö kwö̧ji̧ma ökwönö te'ada̧lobe, jö̧ba̧lö wanekwachobe— yöawijatö chabe'doma ötjönöma.

Proverbios 4:6 Iomraidhean Croise

Proverbios 3:21

Ja̧danö, ju'wibi jwebebö yötawakwö chitji̧: Ba̧kwȩlö̧jatebö jweinö omukwatö kwö̧jo. Ja̧danö, ba̧kwȩlö̧jatebö ajayinö otiwanö kwomukwato jweinö kwomukwatina badekwachinö.

Proverbios 8:17

Ju'wibi yöbawuju: Ötjö, jweinö omukwatö ja̧kwawa wanekwachujuma ötjönö ösödadönö ösödujusa. Ja̧danö, ötjönö isakwadöma isabenö ötjönö tjöbadekwajakwedö.

Efesios 3:17

Ja̧danö, Diosnö atebobe, Cristo otiwanö ö̧jobö kwo̧'wo̧ luwo̧duwinö, jo̧banö kwösödinaduwobetjö̧. Ja̧danö Diosnö atebobe chömöledö, ökwödönö pjaatobö tupakwö, ba̧kwȩlö̧jatebö ösödabikwawö kwö̧jaduwobö ju'wedökwöbi Dioskwöbi.

2 Tesalonicenses 2:10

Ja̧danö, okobe jwiinö sulabenö omöna yöa̧lakwawama omöna yöa̧lakwo̧, Dios lȩebakwawö̧ jo̧banö tjösödakobetjö̧. Jau chömöledö, jobadö Dios lȩebakwawö̧ma isabenö wene tjösödinatjö̧ma tjö̧jibo jö̧tja̧linena, jo̧kwaijayonö tjöpöjödinobetjö̧ Dios lȩebakwawö̧ tjö̧jobe.