Proverbios 4:12 - Dios Iwene

¹² Jobekwö jweinö omukwatö jweamanö kwi̧'yobetjö̧ jwaikwöda kwi̧'yakwo̧ja, waekwökönö. Ja̧danö, jweinö omukwatö jweamanö kwi̧'yobetjö̧ ju'wedöma kwi̧'yobe edinö tjötjeba̧lökakobe. Jwaikwöda kwi̧'yakwo̧ja. Ö'öbakwawö kwi̧'yenabi kwömasapa töbökönö kwi̧'yakwo̧ja jweinö omukwatö kwi̧'yobetjö̧.

Proverbios 4:12 Iomraidhean Croise

2 Samuel 22:37

Kwetachenama, otiwama jalamanö kwetachobö ökibajabe, pjusachibö metapji jö̧ba̧lö.

Proverbios 2:9

Ju'wibi yötawakwö chitji̧: Ötjö jwebebö yötawi̧ a̧ja̧kwö kwö̧jitjö̧ma kwöwaisachibakwo̧ja, a̧a̧a̧ Dios wei̧ a̧ja̧kwö chö̧jobö jo̧be, jö̧ba̧lö. Ja̧danö, ju'wibi: Ötjö jwebebö yötawi̧ a̧ja̧kwö kwö̧jitjö̧ma kwöwaisachibakwo̧ja̧, a̧a̧a̧ jojodönö chömöledönöbi ju'wedönöbi jweinöda omukwatö ja̧bö chö̧jobö jo̧be, jö̧ba̧lö. Ja̧danö ju'wibi: Ötjö jwebebö yötawi̧ a̧ja̧kwö kwö̧jitjö̧ma kwöwaisachibakwo̧ja, a̧a̧a̧ chömöledökwö, ju'wedökwöbi otiwanö ja̧nö, jweinöda yöba̧lö chö̧jobö jo̧be, jö̧ba̧lö. Chitji̧ jobekwö, ötjö yötawi̧ a̧ja̧kwö kwö̧jitjö̧ma jwaikwöda kwi̧'yakwo̧ja, otiwanö omukwatö.

Proverbios 3:23

Jao chitji̧, jobekwö jweinö omukwatö kwö̧jitjö̧ma jwaikwöda kwi̧'yakwo̧ja yebabökönö. Jao chitji̧, jwaikwöda kwi̧'yakwo̧ja bakwo̧ ömasapanö töbökönö i'yi̧danö, mebökönö.

Proverbios 4:19

Ja̧danö, jobekwö 'yö̧kö̧dö sulabenö omukwatadöma. Jobadöma yȩa'wo okwa kwetjachi̧danö kwebachadö, edökönö. Ja̧danö, mebabinöda kwebachadö, tjöbajale tjewawadödanö.

Proverbios 6:22

Chitji̧, kwebachö kwi̧’yenama ötjö kwabe'dobi kwojo'dobi jwebebö yödawi̧ma ökwönö öibi̧danö öibakobe, jweinö kwi̧’yobö. Ja̧danö, kwabenabi jwebebö yödawi̧ma te’ada̧lo̧danö te’ada̧lakobe ökwönöma. Ja̧danö, wiluköbena ökwödö jwebebö yödawi̧ma kwömöledöso̧ yöbawö pjaati̧danö ökwönö pjaatakobe otiwanö kwö̧jobö.

1 Pedro 2:8

Ja̧danö jelobe baikwö laebobe Dios iwene: Biwa inawama jojodö töbö metjakwawa baibanö ja̧kobe, jö̧ba̧lö laebobe. Jau chömöledö, jobadö Jesúsnö tjöpöjödijayonö, Diosma jo̧banöda ujuninobe inesö la'aka luwo̧ baibanö, ja̧danö jo̧banö öpöjödadöma Dios lȩebakwawö̧ tjö̧jobe. Jau chömöledö, Dios iwene tjöpöjödinobetjö̧, Jesúsnö öpöjödö töbö metjinobe, iteda iwene öpöjödadö töbö metjobö Dios omukwatö ujuninadanö.