Proverbios 30:8 - Dios Iwene

⁸ Pjabatitjö jweinö yötawobö, ja̧danö jojodönö jelobekwö tjo̧mukwatinö ö'öbönö yötawokobö. Ja̧danö, ju'wibi pjabatitjö: Jwibö chö̧joböma weköboko, ja̧danö, nöinö juna̧lö chö̧joböbi kwiyoko. Sule kwanö chö̧ji̧da chujuna̧linö pjabatitjö.

Proverbios 30:8 Iomraidhean Croise

Génesis 28:20

Ikenama Jacobma iwene yöbawö junijetö Diosnö: —Dios, ötjökwö kwö̧jitjö̧ma, ja̧danö, chi̧'yobe kwakwawabi, kamisibi kwiyitjö̧ma ja̧danö, sulabe baledökönö chabe'do ejube otiwanö tjebachajö chichibitjö̧ma baikwö yöbawö chujunena: Ökwönö, Isabenö Jo̧ Diosnöma ötabena, Chuluwo̧ Dios jö̧ba̧lö. Ja̧danö ju'wibi yöbawö chujunena: Biwa inawa ökwönö omukwatö chujunaja̧wa jemima jojodö ökwönö ösödö tjichakwemi, bemima Dios ö̧jemi, jö̧ba̧lö. Ja̧danö, ju'wibi yöbawö chujunena: Ökwö okobe jwiinö kwiyi̧ma domulataja jawa o'wiju kwiyi̧tjö bakwa'wo 'da̧batö tjetatocha ökwönöma. Jao, ötjökwö kwö̧jitjö̧ma, ja̧danö, chi̧'yobe kwakwawabi, kamisibi kwiyitjö̧ma, ja̧danö, sulabe baledökönö chabe'do ejube otiwanö tjebachajö chichibitjö̧ma jejenö yöbawö chujunena— yöbawö junijetö Jacobma Diosnöma.

2 Reyes 25:30

Ja̧danö, ju'wibi Babilonia la'aka luwo̧ma ba̧kwelöjatebö tjömöledönö iyawa balada otiwanö iyinobe Joaquinnö. Mölekwena jwii̧tenia ba̧jekwachinö, otiwanö iyinobe, ö'wö baibenanö kabatö.

Diosnö ösödo̧ Job mikwo̧ usula emawina jawa 23:12

Isabenö Dios wei̧ a̧ja̧kwö jo̧sa, jwaikwöda jo̧ba wei̧ ja̧bö jo̧sa, wainö ja̧bökönö. Isabenö Dios yöawi̧ ösödö jo̧sa, a̧wi̧chi̧ tjöbö chö̧ji̧tjö̧bi, yayonö chu̧kwa kwakwawa chukwobö chösödi̧tjö̧ bajalekwönönö, Dios yöawi̧da cha̧ja̧kwobö ösödo̧sa, –Kwakwawa mikwawi̧tjö bajalekwönönö mikwawi̧ma, Dios yöawi̧da, –jö̧ba̧lö.

Éxodo 16:15

Israel jojodöma tjedemi wajwibö, tajijö jö̧ba̧lö, yöba̧lakwawijadötö, ja̧ ichejekwi̧ jawadanö la'akatjöda edaitjokobetjö̧. Ja̧danö, Moisés jö̧ba̧lijetö: —Ja̧ma kwakwawa, pan kwukwaduwi̧danö ja̧ ö̧pi̧bi̧ya kwukwaduwakwa̧. Isabenö Jo̧ma ökwödönö iyajabe kukwaduwobö.

Éxodo 16:18

Ja̧danö, e'dajadö tje'daja̧kwena ba̧ja̧dö tjedemi nöinö e'dajadöbi ja'yubenö e'dajadöbi tjukwakwa̧da e'dijadötö. Nöinö e'dajadöma tjukwakwa̧da baibijetö u'yukwökönö. Ja̧danö, ja'yubenö e'dajadöma okobe deinö tjukwakwa̧ma baibijetö, bakwo̧bi kwö̧kö̧ deinö. Bakwo̧nökwena ömöledö tjukwakwa̧da e'dijadötö.

Éxodo 16:29

Omukwataduwi, ötjö, Isabenö Jo̧ma ökwödönö pjabatö kwö'wachaduwi̧ möle 'da̧batö chujunijatö. Jejenö chujunajobetjö̧ jelemutjö bakwöta möle baibena kwakwawa chiyocha, dötölataja möle kukwaduwakwa̧ma. Jejenöobetjö̧ jelemutjö dötölataja möle baibena kwejuduwi okwa, bakwo̧bi labeböknö. Jejenö yökawo Israel jojodönö— webijetö Isabenö Jo̧ma Moisésnö.

Éxodo 16:35

Ja̧danö, Israel jojodöma lekwe möle, cuarenta o̧bi̧ya̧ baledibanö mölekwena kwiabijadötö ja̧ kwakwawa, maná mikwi̧ma, jojodö tjuju̧kwobekwö, Canaán niji ö'öbö tjichibenanö kabatö.

Proverbios 13:5

Ja̧danö, ju'wibi yötawa: Dios wei̧ a̧ja̧kwö jo̧ma omöna yöa̧lakwawa jwiinö öpöjödo̧. Ju'wibi yötawa: Sulabenö omukwato̧ma jwiinö taba̧lö̧jinöda i̧sekwö jo̧.

Proverbios 21:6

Ja̧danö, ju'wibi yötawa, wanedö: Bakwo̧ sulabenö omukwato̧ma omöna yöawi̧tjö̧ balada emobe, juluwanö. Jao, balada juluwanö emijayonö ja̧ baladama juluwanö 'dö̧ibajobetjö jwiakobe. Ja̧danö, wanedö yötawa: Ojwiyo imiyu'wo omönanö lamatibö ikenama juluwanö jwiyobe ¿jö̧tö̧? Ja̧ jwiya'wo jwiyi̧danö sulabenö omukwato̧ omöna yöbawö emi̧ baladama juluwanö 'dö̧ibajobetjö̧ jwiakobe. Ja̧danö, ju'wibi yötawa: Jo̧bama omöna yöawi̧tjö balada emobetjö̧ lekwokobetjö debö i̧'yakwo̧.

Proverbios 22:8

Ja̧danö, ju'wibi yötawa, wanedö: Bakwo̧ öbatjonö sulejewa ujunitjö̧ma sulejewada pokwena ¿jö̧tö̧? Ja̧ ji̧danö bakwo̧ jojodönö sulabenöda ja̧itjö̧ma weneda baledena jo̧banöma, nöinö. Ja̧danö, jo̧bama itedada wene jwöebakwo̧, jojodönö sulabenö ja̧obetjö̧. Jobekwö wene nöinö baledökwema usula emawobetjö̧ jojodönö sulabenö ja̧i̧ma bajaliyanöma kaatibakobe.

Proverbios 23:5

Isabenö yötawa: Ja̧ baladama juluwanö 'dö̧ibaji̧ jawa. Wanedö yötawakwö: Kwu̧kwa̧ baladama, pjiyuwa köa̧li̧danö o̧wa̧ja̧pa̧ juluwanö pokwibö jelobekwö köa̧li̧. Jao, juluwanö 'dö̧ibaji jawa. Ja̧danö, kwujuna̧li̧ baladadama juluwanö 'dö̧ibaji̧ jawaobetjö̧ kwemobö ö'wachökönö kwotidoko.

Proverbios 30:7

Ja̧danö, ötjöma baikwö Diosnö atebobe: —Chuluwo̧ dötölataja jawa ötjönö pjakatobö atebobe ina 'ya̧ta̧layida. Baikwö dötölataja jawa:

Isaías 5:18

Isabenö usula tjemawakwedö, sulabenö ja̧tjotö jö̧ba̧lö omöna yöba̧ladöma. Ja̧bö tjö̧ji̧ma baikwö wanedö yöta̧la, omöna yöa̧lakwawa yöba̧lö, sulabenö ja̧awa tötjobedanö ichejekwa, koluka a̧la̧chi'bonö bö'ödö tötjebi̧danö, sulabenö ja̧awa tötjebobedanö ichejekwa.

Isaías 59:4

Lȩekwa luwedö tjöba a'o tjö̧jobö jojodönö ökibaduwenama, jweinö lȩekwa yötjawoböma isakwöködöja. Ökibaduwajökwenö lȩekwa yötjawobö jwiijayonö, tjöba a'o ja̧nö, omöna yöba̧ladöja. Ökwödöma ba̧kwelöjatebö ju'wedönö suli̧ kwöwaedaduwakwa̧ omukwatö junadöja, ja̧danö omukwatö kwujunaduwaja̧danö badekwachinö sulabenö ja̧badöja.

Mateo 6:11

Ja̧danö, ju'wibi, mölekwena du̧kwa kwakwawa kwiyobö adeba Dabe'do.

Mateo 6:33

Jo̧kwajabetjö̧ ja̧ jawa omukwatökönö kwö̧jaduwo chömöledö. Ja̧ jawa omukwatökönö jwaikwöda Dios la'aka luwo̧ ö̧jakwa̧ jawada isakwö kwö̧jaduwo. Ja̧danö chömöledö, jwaikwöda Dios la'aka luwo̧ ö̧jakwa̧ jawa isakwö kwö̧jaduwiökwe, Kwabe'doma isabenö ökwödönö ite'ada̧lakobe. Jau chömöledö, kwakwawabi, owawabi, 'dukawaduwakwa̧bi jo̧bada ökwödönö te'ada̧lö iyakobe.

Lucas 11:3

Ja̧danö ju'wibi, mölekwena du̧kwa kwakwawa kwiyobö adeba Dabe'do.

Juan 2:8

Ikenama Jesús weinobe: —Babema wa'yebö iyaduwi kwakwawa, owawa iyabo̧nö— weawö̧, wa'yebö e'ewö tjiyinobe iyabo̧nö.

Hechos 14:15

—Ökwödöma ¿tajawedö jejenö kwösödaduwa ökwödönöma? Ökwödöma woawedösa, ökwödödanö. Kwo̧'wo̧ kwöwana̧laduwawö̧böködösa. Ökwödöma otiwa jawa wene yöbawö dichajabe baima, ökwödönöma yöbawö. Mikwa jwii̧ jawa kwösödaduwi̧ma kabatibö Diosnö kwösödaduwobö yöbawö dichajabe. ¿Wajwiköbaduwiji̧? Diosma 'yabayo̧. Jo̧banöda kwösödaduwo, mikwa jwii̧ jawa kwösödaduwi̧ma kabatibö. Jo̧bama mölejȩbi, mölejȩnö köba̧ladönöbi, ojwe nöödöbi, ojwe okwa ju̧kwadönöbi, böjȩbi, böjȩnö ju̧kwadönöbi otidina. Okobe jwiinö böjȩnö ju̧kwi̧ma Diosda otidijetö—yöbawijetö Pabloma.