Proverbios 30:7 - Dios Iwene

⁷ Ja̧danö, ötjöma baikwö Diosnö atebobe: —Chuluwo̧ dötölataja jawa ötjönö pjakatobö atebobe ina 'ya̧ta̧layida. Baikwö dötölataja jawa:

Proverbios 30:7 Iomraidhean Croise

2 Reyes 2:9

Jemi ikenama, ojwe baledajadö, Eliasma Eliseonö abebö a̧ja̧kwinobe: —Eliseo, kwö̧jelö Dios ötjönö emakwa̧ abönö, abebö cha̧ja̧kwakwö, ökwönö pjabatö dakwö ja̧tobö akebobeda? —jö̧ba̧lö. Abebö a̧ja̧kwökwe, —Chuluwo̧ Elias, ökwö lakebaja̧ okobe, abönö pöe dötölatajanö emi̧danö, kwujulutjö dötölatajanö chemobö chösöda, ökwö Dios yöawi̧ yöbawo̧ kwö̧ji̧danö, ötjöbi yöbawo̧ juluwo̧ chö̧jakobetjö̧, —jö̧ba̧lö atadinobe.

Proverbios 30:6

Ja̧danö, ju'wibi yötawa: Dios yöawinama ju'wikwöma pjakata̧loko. Jobekwö Dios yöawinakwö ju'wi jawakwö pjakata̧litjö̧ma Diosma jwebebö lȩebakwo̧ ökwönöma, jojodö ökwönö tjöwaisachibakobetjö̧, omöna yöba̧lo̧, jö̧ba̧lö.

Proverbios 30:8

Pjabatitjö jweinö yötawobö, ja̧danö jojodönö jelobekwö tjo̧mukwatinö ö'öbönö yötawokobö. Ja̧danö, ju'wibi pjabatitjö: Jwibö chö̧joböma weköboko, ja̧danö, nöinö juna̧lö chö̧joböbi kwiyoko. Sule kwanö chö̧ji̧da chujuna̧linö pjabatitjö.

Lucas 10:42

Jau Marta, isabenö mikwawi̧ma yötawi̧ kwa̧ja̧kwaduwoböda, ja̧danö kwöjawuju Maríama ja̧ isabenö mikwawi̧ jöwaisobetjö̧, yötawi̧ ja̧ja̧kwobö otiwanö 'da̧batö jujunajabe. Jau Marta, kwöjawuju Maríama isabenö mikwawi̧da 'da̧batö jujunajabe, jo̧kwajabetjö̧ ja̧ isabenö mikwawi̧ma jobujutjö 'döbebökönuwijö, wainö ba̧nö a̧ja̧kwuju— jö̧ba̧lö atadinobe Jesúsma.