Proverbios 3:17 - Dios Iwene

¹⁷ Jao chitji̧, jobujuma, jweinö omukwatö ja̧kwawa wanekwachujuma ökwönö öjibi̧danö öbibuju okobe jwiinö kwi̧'yenama kwo̧'wo̧ ösöwanö kwi̧'yobö.

Proverbios 3:17 Iomraidhean Croise

Proverbios 16:7

Ja̧danö, ju'wibi yötawa: Isabenö Jo̧ma jwiinö ösödobe otiwanö omukwatö jo̧nö, bite ö̧ji̧ma chösöda jö̧ba̧lö. Jobekwö ö̧jobetjö̧ Isabenö Jo̧ma jo̧banö pjaatobe, ite öpöjojodöbi jo̧bakwö wene jwiinö tjö̧jobö.

Proverbios 2:10

Jao chitji̧, jobekwö ötjö yötawi̧ a̧ja̧kwö otiwanö kwö̧jobetjö̧ kwomajade okwa kwöwaisakwo̧ja jweinö omukwatö kwö̧jobö. Ja̧danö, jobekwö jweinö omukwatö kwö̧jobetjö̧ kwo̧'wo̧ ösöwanö kwö̧jakwo̧ja.

Proverbios 22:18

Jobadö jweinö omukwatadö jwebebö yötjawina jawama kwomajadeduwi okwanö anawaduwi, ja̧ yötjawina ba̧kwȩlö̧jatebö kwomukwataduwobö. Jobekwö kwomukwataduwobetjö̧ ju'wedönö yöbawö pjakataduwakwedöja̧. Ja̧danö, ju'wedönö yöbawö pjakataduwobetjö̧ kwo̧'wo ösöwanö kwö̧jaduwakwedöja.

Isaías 26:3

Ökwönö omukwatö jo̧nö, otiwanö teada̧lo̧ja duluwo Dios. Ökwönö o̧'wo wa̧na̧lö ösödö ö̧jobetjö̧, bakwainö wene jwiinö ö̧jobö pjabato̧ja.

Isaías 57:19

Jau, otiwanö tjo̧'wo ösöwachibanö pjatatocha, tjo̧'wo ösöwachibanö ötjönö lo̧tjenanö baibanö. Ötjö Isabenö Jo̧ma baikwö yöta̧la: Chö̧jelö ödö ju̧kwadönöbi, yöne ju̧kwadönöbi, okobe deinö chömöledönö jobekwö pjatatakwo̧sa, wene jwiinö otiwanö tjö̧jakobetjö̧, ja̧danö tjö̧bibajinö otidö lotocha.

Lucas 1:79

yȩa'wo okwa ju̧kwadö woawa juluwawö̧nöma dewinö idejatobö, ja̧danö wene jwiama mana i̧sebobö, wene jwibö ja̧ mananöda otiwanö kwedachakobetjö̧, jö̧ba̧lö yöawinobe Zacaríasma itji̧ Juannö, tupakwö baledakwa̧ yöbawö.

Romanos 5:1

Ja̧danö, ökwödö Jesúsda dö̧jibinö pjabato̧, jö̧ba̧lö dösödiökwe, Diosma jö̧a̧linobe, Chedemi bidöma suli̧ jwibadö, jö̧ba̧lö. Jejenö jö̧a̧linobetjö̧, wene jwibadö otiwanö dö̧jobe Dioskwö. Ja̧ wene jwibadö dö̧ji̧ma, Duluwo̧ Jesucristoda ja̧ina.