Proverbios 3:11 - Dios Iwene11 Ja̧danö, ju'wibi jwebebö yötawakwö: Chitji̧, Isabenö Jo̧ ökwönö lȩebitjö̧ma kwöpöjödoko. Ja̧danö, Isabenö Jo̧ ökwönö jwebebö yöawi̧bi kwa̧ja̧kwo, otiwa jö̧ba̧lö. Faic an caibideil |
—Isabenö yötawakwö Job, babe ökwönö baledi̧ jawama: Sulabenö ja̧köbiökwe, Diosma ökwönö jweebotö jö̧ba̧lö lȩbebo̧. Ja̧danö, Dios jweebi̧ öpöjödökönö, otiwanö kwa̧ja̧kwitjö̧ma, isabenö kwo̧'wo ösöwachibanö kwö̧jakwo̧ja. Jau Job, Diosma bakwo̧nö jweebitjö̧ma, isabenö o̧'wo ösöwanö ö̧jobö jo̧be jweebökwema, –Dios otiwanö pjaatökwesa, –jö̧ba̧lö. Jo̧kwajabetjö̧ kwöpöjödoko Okobe Jwiinö Juluwo̧ Dios ökwönö jweebi̧ma, baikwö labebö lobö yötawa:
Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧, ökwönö nöinö wene ichena kwo̧'wo̧ kwujuluwobö jo̧be, budekwökwönö. Wene ichena, ayö ötjöwe, jö̧ba̧lö yebabinö tjö̧bawöda kwö̧jitjö̧ma ¿dakwö pjaatobeda? Pjaatokobe, ja̧danö kwujuluma jwiköbena yebabinö tjö̧bawö̧da kwö̧jitjö̧ma. Kwujuluwo chitji̧.
Isabenö chömöledö, Jesúsnöda kwomukwataduwo. Ökwödö me'dawachibö tjekachajaduwobö kwomukwataduwenama Jesúsnöda kwomukwataduwo, usula emawijayonö jwaikwöda me'dawachibökönö 'yi̧nanöda. Ja̧danö sulabedö, jo̧banö öpöjödadöma jwiinö tjöpöjödobetjö̧ labinö jwötjeba̧linobe. Yayonö Jesúsma jwaikwöda me'dawachibökönö i̧'yinobe. Chömöledö, ökwödönö labi̧ jawa baledenama jo̧ba me'dawachibökönö i̧'yinama kwomukwataduwo, ökwödöbi me'dawachibökönö kwo̧'wo̧ luwo̧duwi juluwachibanö kwi̧'yaduwobö. Ökwödönö labi̧ jawa baledijayonö me'dawachibökönö jwaikwöda kwi̧'yaduwo chömöledö, tjebachajökönö.