Proverbios 3:1 - Dios Iwene

¹ Baikwö laebobe Salomón iteda itji̧nö möayo̧nö jwebebö yöawinama: Chitji̧ yötawakwö: Ötjö jwebebö yötawi̧ma kwo̧’wo̧ jwikiboko. Ja̧danö, weti̧ma kwomajadenö kwanawo, jwiinö mikwawobe jö̧ba̧lö.

Proverbios 3:1 Iomraidhean Croise

Éxodo 20:6

Jo̧kwaijayonö ötjönö ösödadötjö, ötjö weti̧ a̧ja̧kwadötjö tupadanö jojodönöma, ba̧kwelö̧jatebö balewachökönö chösödakwo̧sa.

Proverbios 1:8

Baikwö laebobe Salomón iteda itji̧nö möayo̧nö jwebebö yöawina jawa: —Chitji̧ ökwönö jwebebö yötawi̧ ösödö a̧ja̧kwi, ja̧ yötawi̧danö a̧ja̧kwö kwö̧jo. Ja̧danö, kwojo’do yöjawi̧bi ösödö kwa̧ja̧kwo, kabatibökönö.

Proverbios 16:31

Ja̧danö, ju'wibi yötawa: Damöma, tjöwö'ye dewadöma jobadö tjöwö'yema inesö la'aka luwo̧ otiwaka ubutjawakadanö ji̧. Jobekwö tjöwö'ye dewa'ye tjubutjawi̧ma öwawinö i̧sebobe, bidöma lekwe mölȩ jweinö omukwatö ja̧dö, jö̧ba̧lö.

Proverbios 2:1

Baikwö laebobe Salomón iteda itji̧nö möayo̧nö jwebebö yöawina jawa: Chitji̧, ökwönö weti̧ a̧ja̧kwö kwö̧jo. Ja̧danö, jwebebö yötawi̧ma kwomajadenö anawö kwö̧jo, jwiinö mikwawobe jö̧ba̧lö. Jobekwö ötjö jwebebö yötawi̧ a̧ja̧kwö kwö̧jitjö̧ma kwöwaisachibakobe, a̧a̧a̧, Isabenö Jo̧nö yebabinö chomukwatobö jo̧be, jö̧ba̧lö. Isabenö chitji̧, jobekwö ja̧nö kwöwaisachibakwo̧ja Diosnöma. Chitji̧, jweinö omukwatö kwö̧jobö yötawi̧ma ö'wiyawakwawönö omukwatö kwa̧ja̧kwo. Jao chitji̧, yötawi̧ma a̧ja̧kwö, kwöwaisobö kwisakwo, di̧ya sulojobö jö̧ba̧lö, di̧ya otiwojobö jö̧ba̧lö. Jobekwö ötjö jwebebö yötawi̧ a̧ja̧kwö kwö̧jitjö̧ma kwöwaisachibakobe, a̧a̧a̧ Isabenö Jo̧nö yebabinö chomukwatobö jo̧be, jö̧ba̧lö. Isabenö chitji̧, jobekwö ja̧nö kwöwaisachibakwo̧ja Diosnöma. Ju'wibi yötawakwö chitji̧: Diosnö akebo, pjabatitjö chöwaisachibobö di̧ya sulojobö jö̧ba̧lö, di̧ya otiwojobö jö̧ba̧lö. Jao chitji̧, Diosnö budekwö akebo, pjabatitjö jweinö omukwatö ja̧kwawama di̧yajö jö̧ba̧lö, chöwaisachibobö, jö̧ba̧lö. Jobekwö kwö̧jitjö̧ma kwöwaisachibakobe, a̧a̧a̧, Isabenö Jo̧nö yebabinö chomukwatobö jo̧be, jö̧ba̧lö. Isabenö chitji̧, jobekwö ja̧nö kwöwaisachibakwo̧ja Diosnöma. Jao chitji̧, jweinö omukwatö ja̧kwawa kwöwaisachibobö kwisakwo. Wanedö yötawakwö: Jwiinö mikwawi̧ jawa tjisakwi̧danö kwisakwobö jo̧be. Ja̧danö, jwiinö mikwawi̧ jawa niji okwabi sosobö tjisakwi̧danö kwisakwo kwöwaisachibobö ¿dakwöjö jweinö omukwatö chö̧joböma? Jobekwö jweinö omukwatö kwö̧jobö isakwö kwö̧jitjö̧ma kwöwaisachibakobe a̧a̧a̧, Isabenö Jo̧nö yebabinö chomukwatobö jo̧be, jö̧ba̧lö. Isabenö chitji̧, jobekwö ja̧nö kwöwaisachibakobe Diosnöma.

Proverbios 23:26

Jemi ikena jweinö omukwatadö yötjawinama baikwö laebobe, bakwo̧ iteda itji̧nö yöawi̧danö: Chitji̧, ötjö yötawi̧ma ö'wöyawakwawönö omukwatö kwö̧jo. Ja̧danö, ötjö chö̧ji̧ edö kwösödo, ötjöbi chabe'do ö̧ji̧danö chö̧jo, jö̧ba̧lö.

Proverbios 31:5

Inesö la'aka luwedöma nöinö tjowa̧loböma sulobe. Nöinö tjowitjö̧ma tju̧junina weawama tjo̧'wo̧ jwitjibakwedö. Ja̧danö, usulasedönö pjatjatobö tju̧junina weawama tjo̧mukwatökakwedö nöinö 'dukwachinö tjowa̧litjö̧ma.

Proverbios 4:2

Ötjö yötawi̧ma ökwödönö otiwanö öbibö yötawobetjö̧ kakatibaduwoko, kwösödaduwo, otiwa, jö̧ba̧lö.

Proverbios 4:21

Ja̧ yötawi̧ma kabatibökönö kwomukwato, ba̧kwȩlö̧jatebö. Ja̧danö, kwomajadenö kwanawo ba̧kwȩlö̧jatebö kwomukwatakobetjö̧.

Proverbios 4:5

Ja̧danö chitji̧, ötjö jwebebö yötawi̧ma kwo̧'wo̧ jwikiboko, ja̧danö, kakatiboko. Ja̧danö, jweinö omukwatö kwö̧jobö yötawi̧ma do̧batö kwöwaisachibo chitji̧. Ja̧danö, di̧ya sulojobö jö̧ba̧lö, di̧ya otiwojobö jö̧ba̧lö yötawi̧ma do̧batö kwöwaisachibo chitji̧— jobekwö yöawijatö ötjö chabe'doma ötjönöma.

Proverbios 8:1

Baikwö laebobe Salomón wanedö yöawina jawa, jweinö omukwatö ja̧kwawanö wanekwachujuma jojodönö yöbawö jwöbuju, jö̧ba̧lö: Jweinö omukwatö ja̧kwawa wanekwachujuma jojodönö jwöbö yöbawuju a̧ja̧kwaduwitjö, jö̧ba̧lö. Jobuju, di̧ya sulojobö jö̧ba̧lö̧, di̧ya otiwojobö jö̧ba̧lö waisujuma jojodönö jwöbuju, yötawi̧ma a̧ja̧kwaduwitjö, jö̧ba̧lö.

Proverbios 9:1

Baikwö laebobe Salomón wanedö yöawina jawa, jweinö omukwatö ja̧kwawa wanekwachujunö wanedö: Jweinö omukwatö ja̧kwawa wanekwachujuma o̧do otiduju, isuda jejuma. Ja̧danö, okwi'iju, jelemutjö̧ do'olataja o'iju jujunobö löbuju, mö yöeba̧li̧ okwi'iju.

Isaías 51:17

Ökwödö 'dukwachawö̧danöbedö Jerusalen jojodöma, wilubaduwi, wilubö a̧la̧ibaduwi. Wanedö yöta̧laduwakwö, Isabenö Jo̧ma iteda ödameakwi̧ a̧ja̧'do̧ deja'do̧tjö kwowaduwobö iyinobe, ja̧danö iyajawö̧, okobe jwiinö kwowaduwajabe, ja'yubebi ji̧bökönö kwowaduwajabe, inesö yeabikwawa jawa deja'do̧ a̧ji̧ma.

Deuteronomio 4:23

Jo̧kwajabetjö̧ teada̧lönö kwö̧jaduwo, a̧ja̧kwö kwö̧jaduwo jö̧ba̧lö kwuluwo̧duwi Isabenö Jo̧ Dios ökwödönö weina kwo̧'wo jwikibaduwapji jö̧ba̧lö. Ja̧danö teada̧lönö kwö̧jaduwo, kwuluwo̧duwi Isabenö Jo̧ Dios weöködanö, ju'wi jaye o̧'wo jawa kwösödaduwobö kwotidaduwapji jö̧ba̧lö.

Deuteronomio 4:9

Tupakwö yöawinobe Moisesma, israel jojodönö: —Teada̧lönö kwö̧jaduwo chömöledö, ökwödö kwedinaduwa jawama kwo̧'wo jwikibaduwapji jö̧ba̧lö. Jau chömöledö, ba̧kwelöjatebö kwo̧'woduwi jwibibökönö, ina kwö̧jaduwayi ja̧ jawa omukwatö kwö̧jaduwobö jo̧be, ja̧danö kwitji̧muduwinöbi, kwö̧'dödöduwinöbi yökawaduwobö jo̧be, jobadöbi ba̧kwȩlöjatebö omukwatö tjö̧jakobetjö̧.

Deuteronomio 5:16

—Tupakwö weinobe Diosma chömöledö: –Ötjö kwuluwo̧duwi Isabenö Jo̧ Dios ökwödönö wetinadanö, Kwabe'donö, kwojo'donö otiwanö omukwatö yebabinö kwö̧jaduwo. Jejenö otiwanö kwomukwataduwo, lekwe wene jwiinö kwuju̧kwaduwakobetjö̧ niji chiyakwemi nijinö, ötjö kwuluwo̧duwi Isabenö Jo̧ Dios kwiteboduwi baibanö chiyakwemima.

Deuteronomio 8:1

Tupakwö yöawinobe Moisesma, israel jojodönö: —Chömöledö, okobe jwiinö babe Dios wei̧ ökwödönö yötawi̧ma, teada̧lönö a̧ja̧kwö kwö̧jaduwo, otiwanö debö 'yö̧könö kwö̧ba̧jȩkwachaduwakobetjö̧, ja̧danö Isabenö Jo̧ kwa'dödönö yöbawö ujuninemi nijibe tebachö, otiwanö kwiteboduwi baibanö kwö̧jaduwakobetjö̧.