Proverbios 27:7 - Dios Iwene

⁷ Ja̧danö, ju'wibi yötawa, wanedö: Bakwo̧ kwakwawa nöinö ukwajabetjö wa̧yo̧bi neoböma öpöjödo̧ jwiinö o̧tijayonö, tjo̧wi̧ chomeawa, jö̧ba̧lö. Jo̧kwaijayonö, a̧wi̧chi̧nö jo̧ma ju'wijaye lȩi̧ jawabi, o̧ta, söa jö̧ba̧lö kwo̧, a̧wi̧chi̧ lö̧jökweobetjö̧.

Proverbios 27:7 Iomraidhean Croise

Diosnö ösödo̧ Job mikwo̧ usula emawina jawa 6:7

Kwöködö la'akatjöda, ötjöbi ja̧jaye chukwobö öpöjödo̧sa, –Chöpöjöda chukwökö, –jö̧ba̧lö, ja̧danö ökwö yöka̧laja̧ma, ja̧ meyuwi̧ kwakwawadanö meyuwi̧ Elifaz, cha̧ja̧kwobö chöpöjöda.

Proverbios 24:13

Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧ wa̧yo̧ neköbi̧ma otiwa, pjaati̧ jawaobetjö̧ ¿jö̧tö̧? Jao, wayo̧ tja̧pji̧yatjö̧ ebawi̧ma jwiinö o̧ti̧.

Proverbios 27:6

Ja̧danö, ju'wibi yötawa: Kwömöledöso̧ma ökwönö jwebebö yöawena ju'wikwenama 'diena, jo̧ba jwebebö yöawi̧ma. 'Dii̧nö yöawobetjö̧ kwomajadenö niobe ¿jö̧tö̧? Jo̧bekwö niijayonö ökwöma kwömöledöso̧nö kwöwaisökwe, ba̧kwȩlö̧jatebö ötjönö pjabatöda pjabato̧, jö̧ba̧lö. Ökwönö jweinö yöba̧lö pjaatobö ösödobetjö̧ ökwönö jwebebö yöawi̧ma otiwobe. Ja̧danö, kwöpöjojoma ökwönö jweinö yöba̧lö̧kö̧. Jo̧bama ökwönö o̧'wo̧ sulinö edonö omöna ösödöda yöba̧lo̧, kwibekasa'wonö du̧batö. Du̧batö, ösödö yöa̧lijayonö o̧'wo̧ sulinö edöda edobe ökwönöma. Isabenö yötawa: Kwömöledöso̧ 'diinö jwebebö yöawi̧ma kwomajadenö niijayonö isabenö mikwawobe. Isabenö, kwömöledöso̧ 'diinö jwebebö yöawi̧ma kwöpöjojo ösödö du̧batö yöa̧li̧tjö̧ bajalekwönönö mikwawobe.

Proverbios 27:8

Ju'wibi yötawa, wanedö: Bakwo̧ iteda itebotjö jelobe ödö 'ya̧nö jo̧ma ömöledö deobe jo̧. Jo̧bama, pjiyuwa iteda a'do̧tjö ödö kö̧ba̧lo̧ ö̧ji̧danö jo̧.

Juan 6:9

—Bena bakwo̧ tjemu ujuna̧la pan, sebacatjö otikwa pan, bakwamu jawa ö̧pji̧ya. Ja̧danö, ba̧i̧ du̧ju̧tajanöbi ujuna̧la— jö̧a̧linobe—. Jo̧kwaijayonö ja̧ ujun, a̧li̧ma ja'yube. Okobe deinöma tjukwökena— jö̧a̧linobe Andrésma Jesúsnö.