Proverbios 26:2 - Dios Iwene

² Ja̧danö, ju'wibi yötawa: Ökwönö suli̧ jawa wetjachijayonö sulabenö ja̧köbökötjö̧ma ja̧ suli̧ wetjachaja̧ma baledökena. Wanedö yötawa: Pjiyuwa köba̧löda köba̧lo̧ nijakwö jwibacha̧löködanö ökwönö suli̧ jawa wetjachijayonö ökwönö jwibacha̧löködanö baledökena, sulabenö ja̧köbokobetjö̧.

Proverbios 26:2 Iomraidhean Croise

2 Samuel 16:12

Ja̧danö ju'wibi yöta̧laduwakwö, Bite ötjönö sulabenö ja̧i̧ edö, Isabenö Jo̧ma edö, lȩlöinö edö pjaatena ötjönö. Simi usula chemawinö sulabenö yöa̧liökwe, Isabenö Jo̧ma lȩlöinö edö otiwanö pjaatena, —jö̧ba̧lö yöa̧linobe Davidma.

2 Samuel 16:8

Ökwöma Saul ömöledönö kwabö lobajo̧, jo̧ba la'aka luwo̧ ö̧binemi kwönaukwinobe. Ja̧danö jejenö ja̧köbiökwe, babe Isabenö Jo̧ma balekwa mikwa ökwönö lȩebobe. Jau, ökwönö lȩbebö, luwo̧ kwö̧binemi kwitji̧ Absalonda ö̧bobö iyajabe. Ökwö jojodönö kwabawö lobö sulabenö ja̧köbinama, babe balekwa mikwa ökwönöda otiwanö baibajabe, —jwöbeba̧lö sulabenö yöa̧linobe Simima Davidnö.

Proverbios 27:8

Ju'wibi yötawa, wanedö: Bakwo̧ iteda itebotjö jelobe ödö 'ya̧nö jo̧ma ömöledö deobe jo̧. Jo̧bama, pjiyuwa iteda a'do̧tjö ödö kö̧ba̧lo̧ ö̧ji̧danö jo̧.

Isaías 16:2

—Isabenö tjo̧'wo tjo̧bekwö tjö̧jakwedö, Moabitas jojodöma. Pji̧yu tja̧'do̧tjö tja'dewajawö̧danö̧, tjitebo bakwachobesödö Arnon mikwödötjö budekwö tjö̧jakwedö Moabitas jojodötjö ya̧döma,

1 Samuel 17:43

Ja̧danö, Davidnö obö yöa̧linobe, —Ökwöma tajawedö towi ösö̧'a kwikwotö jö̧ba̧lö kwichobeda? Kwedemi awili chö̧jobeji̧, ösö̧'a ikwö a'dewö loköboböma? —jö̧ba̧lö. Ja̧danö Goliatma ösödawö̧ diosbedö omukwatawö̧nö aebinobe, Davidnö suli̧ tjöwaedobö.