Proverbios 24:13 - Dios Iwene

¹³ Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧ wa̧yo̧ neköbi̧ma otiwa, pjaati̧ jawaobetjö̧ ¿jö̧tö̧? Jao, wayo̧ tja̧pji̧yatjö̧ ebawi̧ma jwiinö o̧ti̧.

Proverbios 24:13 Iomraidhean Croise

Proverbios 16:24

Ja̧danö, ju'wibi yötawa: Tjo̧'omanö ösödö yöba̧lo̧ma yöa̧li̧ a̧ja̧kwadöma tjösödobe, otiwanö yöba̧lo̧, jö̧ba̧lö. Wanedö yötawa: Wa̧yo̧ nebö tjösödi̧danö, o̧ta, jö̧ba̧lö, tjo̧'omanö ösödö yöba̧lo̧ yöa̧li̧ma jwiinö tjösödobe. Ja̧danö, wa̧yo̧ netjaja̧ tjujuluwobö pjaati̧danö pjaatobe tjo̧'o̧manö ösödö yöba̧lo̧ yöa̧li̧ma jojodö tjujuluwachibanö.

Proverbios 25:16

Ja̧danö, ju'wibi jwebebö yötawa: Wa̧yo̧ kwöbadekwajitjö̧ma nöinöma neköboko kwetelö̧jachibapji jö̧ba̧lö.

Proverbios 25:27

Ju'wibi jwebebö yötawa: Wa̧yo̧ nöinö nȩköboböma sulobe. Ja̧danö, ju'wi jawabi sulobe, jö̧ba̧lö, wanedö yötawa: Bakwo̧ma ömöledönö itenöda otiwanö yöba̧lö tjösödoböda isakwobe. Jao, ömöledöma jo̧banö, otiwanö jo̧ja, jö̧ba̧lö, otiwanö omukwato̧ja, jö̧ba̧lö, waiso̧ja, jö̧ba̧lö yötja̧lobö isakwo̧. Isabenö yötawa: Jobekwö isakwi̧ma sulobe.

Proverbios 27:7

Ja̧danö, ju'wibi yötawa, wanedö: Bakwo̧ kwakwawa nöinö ukwajabetjö wa̧yo̧bi neoböma öpöjödo̧ jwiinö o̧tijayonö, tjo̧wi̧ chomeawa, jö̧ba̧lö. Jo̧kwaijayonö, a̧wi̧chi̧nö jo̧ma ju'wijaye lȩi̧ jawabi, o̧ta, söa jö̧ba̧lö kwo̧, a̧wi̧chi̧ lö̧jökweobetjö̧.

Isaías 7:15

Ja̧danö, jitji̧ jemajökwema, öda̧peachakobe, suli̧ jawa öpöjödö, otiwi̧ jawa ösödö omudawö ujunobö öwaisenanö baibanö, jadanö jobekwö omudawö ujunobö öwaisenama, babe jwii̧ kwakwawa lechesa'bebi, wayo̧bi otiwanö ukwakwo̧.

Mateo 3:4

Jo̧ba Juanma ajwikwawedö kameyu ötjabiwö̧ tjöwö'yetjö otikwado̧ 'duawinobe, ja̧danö koleasö̧jȩ ajwikwawedö tji̧sȩdo̧tjö ötikwö̧jȩ u'dumawinobe. U̧kwama, ma̧la̧kayunö ukwinobe, ja̧danö tebotjö emawa wa̧yo̧ owinobe.

Jueces 14:9

Badekwajo̧, ömamunö ko'dö eminobe wa̧yo̧ma, ja̧danö kweachonö, neinobe. Ja̧danö, abe'dobi ojo'dobi tjöba a'o ichibajo̧, jobadönöbi iyinobe, netjobö. Jo̧kwaijayonö, jobadönö yöawinokobe, —Wayo̧ma didiba iwe'ijutjö chemajabe, —jö̧ba̧lö.

1 Samuel 14:27

Jo̧kwaijayonö, ju'wedö netjokonö, Jonatanda wayo̧ neinobe, abe'do juwedönö weenama, deinobetjö̧. Jonatanma abe'do weaja̧ wene a̧ja̧kwinokobe, jo̧kwajabetjö̧ otokwa'o wa̧yo̧ tjö̧bebiya tibatö, wa̧yo̧ eminobe, ja̧danö emajo̧ neinobe. Jejenö nebö, ujuluwachibinobe Jonatanma 'yajibajinö.