Proverbios 23:12 - Dios Iwene

¹² Jemi ikena jweinö omukwatadö yötjawinama baikwö laebobe: Jweinö omukwatadö jwebebö yötjawi̧ma ö'wiyawakwawönö kwa̧ja̧kwo, chöwaisachibobö jo̧be jö̧ba̧lö. Ju'wi jawabi ju'wi jawa waisadötjobetjö jobadö jweinö omukwatadö yötjawi kwa̧ja̧kwobö jo̧be.

Proverbios 23:12 Iomraidhean Croise

Proverbios 22:17

Chömöledö, tupakwö yötawi̧ma jweinö omukwatadö yötjawina jawa. Ö'wiyawakwawönö a̧ja̧kwaduwi ötjö yötawi̧ma, jweinö omukwatadö yötjawina jawa.

Proverbios 23:11

Juluwo̧ Diosma jobadönö tjöbeba̧lö te'ada̧lo̧. Jo̧kwaobetjö̧ jobadönö sulabenö ja̧köbitjö̧ma Diosma ökwönö yöawobe, sulabenö omukwatö ja̧bo̧, jö̧ba̧lö. Juluwo̧ Diosma, tjöbeba̧lo̧ tjöeba̧li̧danö pjaatobe tjabe'do tjojo'do debadönö tjöbeba̧lö.

Proverbios 23:13

Jemi ikena jweinö omukwatadö yötjawinama baikwö laebobe: Tjemuma sulabenö omukwatö ja̧tjenama kwomukwatoko, jwebebö kwabö yötawökena. Isabenö, tjöwaisachibobö jwebebö kwabö yökawobö jo̧be. Jwebebö yötawa tjȩmu̧nö juna̧ladönö: Kwi̧tji̧mu̧duwinö jwebebö kwabö yökawaduwitjö̧ma ¿ö'wö batjibakwa̧ji̧, kwaköbaduwitjö? Ö'wö babiböködö.

Proverbios 23:19

Jemi ikena jweinö omukwatadö yötjawinama baikwö laebobe, bakwo̧ iteda itji̧nö yöawinadanö: Chitji̧, ötjö jwebebö yötawi̧ma ö'wöyawakwawönö a̧ja̧kwi̧ jweinö omukwatö kwö̧jobö. Böjȩnö ja̧nö, kwi̧'yakwa̧ma ö'wöyakwawönö kwomukwato otiwanö, jwaikwöda kwi̧'yobö.

Mateo 13:52

Tupakwö yöawinobe Jesúsma: —Chömöledö, Moisés iwȩyudina jawa ba̧ja̧dadötjö mölejȩbe jo̧ yöbawö weena jawabi waisachibajadöma, isabenö otiwanö tjöba̧ja̧dakwedö, damötjö tjiwȩyudina jawa nöinö mikwawi̧ jawakwö, 'yayi̧ jawa tja̧ja̧kwaja̧ jawakwö otiwanö tjöba̧ja̧dobetjö̧— jö̧ba̧lö.