Proverbios 22:7 - Dios Iwene

⁷ Ja̧danö, ju'wibi yötawa: Isabenö, balada juna̧ladöma jwibadö tjuluwedödanö tjuju̧kwobe, jwibadönö webadö. Ja̧danö, ju'wibi: Juna̧lo̧tjö balada balewo̧ma öbalewajökwenö umusidobetjö̧ midö eminökwedanö ö̧jobe.

Proverbios 22:7 Iomraidhean Croise

2 Reyes 4:1

Ju'wi möle, Dios yöawi̧ yöbawadötjö̧ bakwo̧ wobö ujunibinokoma Eliseo öba a'o ichibö budekwö yöja̧linobe: —Chuluwo̧ Eliseo, kwömöayo̧bina chilekweminema ökwö kwöwaisinökwe, Isabenö Jo̧ Diosnö isabenö yebabinö ösödina jö̧ba̧lö, jö̧tö? Ina 'yaalayi, jelo̧nö umusidinobe chilekweminema, ja̧danö dumusidina dimidiökökwe, umusidinökwema chitji̧mu du̧ju̧tajanö 'döbebö ichakobe, iteda ömöayedö batjibakobetjö̧, —jö̧ba̧lö.

Proverbios 14:31

Ja̧danö, ju'wibi yötawa: Usula jojodönö lȩlö̧jinö edökönö labo̧ma Diosnöda sulabenö labo̧, jobadö usulasedönö otidinanöma. Jobekwö jö̧kö̧ usulasedönö otiwanö pjabatö edo̧ma. Usula jojodönö otiwanö pjabatö edo̧ma Diosnö otiwanö edo̧, juluwo̧, jö̧ba̧lö.

Proverbios 18:23

Ja̧danö, ju'wibi yötawa: Jwibadöma juna̧ladönö pjatjatobö atjebena tjo̧'o̧manö otiwanö atjebobö jo̧be. Jobekwö tjatadokobe juna̧ladöma jwibadönöma. Juna̧ladöma labinö, sulabenö tjatadobe jwibadö abebadönöma.

Proverbios 22:16

Ja̧danö, ju'wibi yötawa, wanedö: Bakwo̧ jwibadönö usula tjȩmawinö sulabenö ja̧obe. Ja̧danö, itedada balada nöinö emobö, ja̧danö balada luwo̧ ö̧jobö, jwibadönö usula tjȩmawinö sulabenö ja̧obe. Isabenö yötawa: Jo̧bama ju'winö jwibo̧da ö̧jakwo̧. Ja̧danö, ju'wi wanedö yötawa: Bakwo̧ iteda ösödi̧danö baledobö balada luwo̧nö aebobe, pjakatitjö̧ma chiyocha, jö̧balö. Isabenö yötawa: Jo̧bama ju'winö jwibo̧da ö̧jakwo̧.

Proverbios 22:22

Ajayinö jweinö omukwatadö yötjawina jawa baikwö laebobe: Isabenö, usulaso̧nö, juna̧lö̧kö̧nö 'döbebö tjö̧naukwoböma waiyökena ¿jötö? ujuluwokobetjö̧. Jobekwö ji̧jayonö la'akatjöda usulaso̧nö 'döbebö kwönaukwoko. Ju'wibi ja̧köboko usulaso̧nöma: Lȩekwa yöbawo̧ öba a'o ja̧nö la'akatjöda sulabenö yökawoko usulaso̧nöma, lȩekwa luwo̧ma jo̧banö lȩebapji jö̧ba̧lö.

Isaías 24:2

Jobekwö lȩebenama, okobe deinö bö̧jȩnö ju̧kwadöma bakweminö usula tjemawakwedö, baikwö yöta̧la: Diostjö jojodötjö ö'weje pjabatadöbi, ju'wedö jojodö jo̧kwadabedöbi bakweminö usula tjemawakwedö. Ja̧danö bakwo̧ ömöayo̧bi, uluwo̧bi bakweminö usula tjemawakwedö. Ja̧danö bakwuju jömöayujubi, juluwujubi bakweminö usula tjemawakwedö. Ja̧danö tea emadöbi, tea iyadöbi bakweminö usula tjemawakwedö. Ja̧danö balada balewadöbi, tjöbalewawö̧bi bakweminö usula tjemawakwedö. Ja̧danö musido̧bi, umusidökwebi bakweminö usula tjemawakwedö.

Mateo 18:25

Jo̧bama umusidi̧ imidobö jwiinobe, jo̧kwajabetjö̧ la'aka luwo̧ma weinobe, jo̧banöbi, ilekwonöbi, i̧tji̧munöbi ju'wedö tjömöayedö batjibanö mikwanö iyö lotjobö, ja̧danö okobe jwiinö tjujuna̧li̧ iyö lotjobö, ja̧ baladanö tjumusidaja̧ma tjimidawobö.

Santiago 2:6

Chö̧ja̧wo̧dö, Diosma usulasedönö, Jwiinö mikwawadö, jö̧ba̧lö, edijayonö ökwödöma kwo̧'wo̧ luwo̧duwinö sulabenö kwedaduwobe, Mikwawöködö, jö̧ba̧lö. Jejenö kwomukwataduwobö jwiobe chö̧ja̧wo̧dö. Ja̧danö, ju'wi jawabi omukwataduwi: ¿Tijidöda ökwödönö sulabenö inia tjököbaduwinö baledobö webadöma? ¿Juna̧löködöji̧? Jobadömaökö, juna̧ladöda. Jau omukwataduwi. Juna̧ladöma ökwödönö lȩekwa yöbawo̧ ö̧jobekwö e'ewö jwötjeba̧lobe jo̧banöma, Lȩbebidönö, jö̧ba̧lö.

Santiago 5:1

Ja̧danö, juna̧ladönö yötawa, A̧ja̧kwaduwitjö, jö̧ba̧lö. Ju'winö jwiinö usula kwemawaduwakobe. ¡Ayö! ja̧ baledakwa̧ omukwatö budekwabinö jwöbeba̧laduwi, ¡Ökwödöwe! jö̧ba̧lö.

Santiago 5:4

Ina yötawa jobadö, juna̧ladönöma. Ökwödöma yelösöda sulabenö omukwatö kwömöayedö batjoduwinö 'wibadönö midö kwiyinaduwokobe. A̧ja̧kwaduwitjö. Jobadöma Diosnö budekwabinö jwötjeba̧linobe ökwödönöma, Tjimidinokobe, sula, jö̧ba̧lö. Ja̧danö, jwötjeba̧li̧ a̧ja̧kwiökwe jwiinö juluwo̧, Duluwo̧ Diosma ökwödö midöködönöma lȩbebo̧.