Proverbios 22:16 - Dios Iwene

¹⁶ Ja̧danö, ju'wibi yötawa, wanedö: Bakwo̧ jwibadönö usula tjȩmawinö sulabenö ja̧obe. Ja̧danö, itedada balada nöinö emobö, ja̧danö balada luwo̧ ö̧jobö, jwibadönö usula tjȩmawinö sulabenö ja̧obe. Isabenö yötawa: Jo̧bama ju'winö jwibo̧da ö̧jakwo̧. Ja̧danö, ju'wi wanedö yötawa: Bakwo̧ iteda ösödi̧danö baledobö balada luwo̧nö aebobe, pjakatitjö̧ma chiyocha, jö̧balö. Isabenö yötawa: Jo̧bama ju'winö jwibo̧da ö̧jakwo̧.

Proverbios 22:16 Iomraidhean Croise

Proverbios 14:31

Ja̧danö, ju'wibi yötawa: Usula jojodönö lȩlö̧jinö edökönö labo̧ma Diosnöda sulabenö labo̧, jobadö usulasedönö otidinanöma. Jobekwö jö̧kö̧ usulasedönö otiwanö pjabatö edo̧ma. Usula jojodönö otiwanö pjabatö edo̧ma Diosnö otiwanö edo̧, juluwo̧, jö̧ba̧lö.

Proverbios 28:22

Ja̧danö, ju'wibi yötawa: Balada nöinö emotö jö̧ba̧lö isakwo̧ma juluwanö emobö isakwo̧. Jo̧bama wajwiobe jo̧banö ju'winö baledakwa̧, iteda balada jwibo̧ baibanö badekwachakwa̧ma.

Proverbios 28:3

Ja̧danö, ju'wibi yötawa: Bakwo̧ balada jwibo̧ma ju'wedö balada jwibadönö usula tjȩmawobö ja̧itjö̧ma jwiinö sulena. Wanedö yötawa: Ojwiyoma lekwe labinö o̧bitjö̧ma batjonö tju̧junina söbebö loena ¿jö̧tö̧? Sulobe yelösöda jobekwö baledena. Isabenö yötawa: Ja̧ suli̧danö sulobe balada jwibo̧ma ju'wedö jwibadönö usula tjȩmawobö ja̧i̧ma.

Lucas 16:24

Jobadönö edö, jwöinobe: Chabe'do Abraham, ötjönö lȩlö̧jinö edö, Lázaronö webi, ichö ötö'anö ojwiyo dobeibö, chinenenö 'dȩebobö, ötjöma bola ökwölanö ja̧nö jwiinö usula chemawobetjö̧, jö̧ba̧lö aebinobe Abrahamnö.

Santiago 2:13

Chö̧ja̧wo̧dö, Diosma le jwiinö lȩebakobe jojodönö lȩlö̧jino edökönöma. Jo̧kwaobetjö̧ jojodönö lȩlö̧jino edö dö̧jobö jo̧be. Ja̧danö, jojodönö lȩlö̧jino dedenama di̧sekwobe, Böjȩnö ja̧nö jojodönö lȩlö̧jino dedobetjö̧ Dios ö̧jobekwö dichibenama lȩebökakwawö̧sa, jö̧ba̧lö.