Proverbios 21:15 - Dios Iwene

¹⁵ Ja̧danö, ju'wibi yötawa: Lȩekwa yöbawo̧ma sulabenö ja̧binanö lȩtjebobö weobetjö̧ Dios wei̧ a̧ja̧kwadöma tjo̧'wo̧ ösöwanö tjö̧jobe. Jobekwö tjö̧jokobe ju'wedö sulabenö ja̧badöma. Jobadöma jwiinö yebabidö, ayö ökwödöwe, ökwödönöbi lȩtjebena, jö̧ba̧lö.

Proverbios 21:15 Iomraidhean Croise

Proverbios 10:29

Ja̧danö, ju'wibi yötawakwö: Isabenö Jo̧ma otiwanö omukwatö ju̧kwadönöma tjöbeba̧lönö te'ada̧lo̧. Jobekwö ite'ada̧lokobe sulabenö omukwatö ja̧badönöma. Isabenö Jo̧ma jobadö sulabenö omukwatö ja̧badönöma söbebö loakwo̧.

Proverbios 21:12

Ja̧danö, ju'wibi yötawa: Suli̧ Jwibo̧ Diosma okobe jwiinö edo̧ ¿jö̧tö̧? Ja̧danö, sulabenö ja̧badö tjeju okwa baledi̧bi edö waiso̧ Diosma. Jobadö sulabenö ja̧badönö lȩebakwo̧, jwiinö labi̧ jawa jobadönö baledobö weakwo̧.

Proverbios 21:16

Ja̧danö, ju'wibi yötawa: Bakwo̧ ajayinöma otiwanö omukwatö ji̧nama, otiwanö omukwati̧ kabatibö jelobekwö sulabenö omukwatitjö̧ma wobinadö tjö̧jobe ichibakwo̧.

Proverbios 5:20

Chitji̧ ¿jeluju, jelo̧kwö jelo̧kwö jö̧jobö obujunö kwösödobö jo̧beji̧, jo̧do'bi̧ wo̧ba̧lö ösödö? Jwiobe. ¡Kwösödoko!

Isaías 64:5

Jau chuluwo̧, tjo̧'wo ösöwanö ökwö weköbi̧ a̧ja̧kwö ju̧kwadönö, otiwanö ja̧bö ju̧kwadönö otiwanö pjabatö jo̧ja. Jobekwö ji̧nöködösa chuluwo̧, ja̧danö sulabenö ja̧bö dö̧jiökwe, ökwödönö dameakwö ji̧naja chuluwo̧. Jo̧kwaijayonö, kwödameakwijayonö, yayonö jwaikwöda sulabenö ja̧bö dö̧jijatö, ida̧ökö lekwe möle sulabenö ja̧bö dö̧jajabe chuluwo̧, ¿dakwö dö̧jibakwajö?

Mateo 7:23

Jejenö yötja̧lijayonö, baikwö chatadakwo̧sa jobadönö: Chö̧jelö döbibajaduwi, la'akatjöda wajwitawö̧ja ökwödö sulabenö ja̧badönöma, jö̧ba̧lö chatadakwo̧sa— jö̧ba̧lö yöawinobe Jesúsma.

Juan 4:34

Ja̧danö Jesúsma yöawinobe jobadönö: —Ötjö chukwi̧ kwakwawama biya̧: Ötjönö webo̧ ösödi̧ma, iteda wei̧ a̧ja̧kwo̧sa. Jejenö iteda wei̧ a̧ja̧kwö chö̧jena, otiwanö chö̧ja, jojodö tjukwaja̧ ikena otiwanö tjö̧ji̧danö— yöawinobe.

Romanos 7:22

Isabenö chösödobe Dios weinama, Biya̧da ja̧bö chö̧jo, jö̧ba̧lö.