Proverbios 20:8 - Dios Iwene

⁸ Ja̧danö, ju'wibi yötawa, wanedö: Inesö la'aka luwo̧ma, wa̧kwawaka̧nö wa̧nö, jojodönö lȩbebö yöawi̧bi, jojodönö ji̧bakwawa yöawi̧bi yöbawo̧. Ja̧danö, jo̧banö yötjawi̧ omukwata̧lö, sulabenö ja̧inojobö, sulabenö ja̧inokojobö jö̧ba̧lö öwawinö öwaisaCHIBAkwo̧. Ja̧danö, jobekwö öwawinö waisö yöawakwo̧ sulabenö ja̧binanö lȩbebö, sulabenö ja̧binö̧kö̧nö ö̧jibinö pjabatö.

Proverbios 20:8 Iomraidhean Croise

2 Samuel 23:4

Jau, la'aka luwo̧ otiwo̧ma, jawo̧ yȩayi̧ ojwiyo'wo jwiena dejato̧danö ichejekwo̧, ja̧danö ojwiyo o̧bi̧danö ichejekwo̧, ja̧tjö̧ meje'ye otiwanö pokwi̧danö, iteda ömöayedö otiwanö tjö̧da̧peachobö öibobetjö̧.

1 Reyes 7:7

Ja̧danö jeleju Lȩekwa Yöawakwaweju ötjabejubi otidinobe, inesö la'aka luwo̧ iteaka jȩjuma, jobe ba̧nö, lȩekwa yöawakobetjö. Jeju otiweju baibanö, okobe jwiinö tjöekwemitenia, nijitjö möakwö bajalenö cedro ötebiyanö pöchö tjotidinobe.

Proverbios 16:12

Ja̧danö, ju'wibi yötawa: Bakwena ju̧kwadöma tjö̧möledökwö wene jwiinö, sulabenö ja̧bökönö tjö̧jitjö̧ma jobe inesö la'aka luwo̧ma, otiwanö webö ö̧jena. Ja̧danö, iteboma juluwobe, jobe ju̧kwadöma otiwanö tjö̧jobetjö̧. Jo̧kwaobetjö̧ inesö la'aka luwo̧ma jwiinö ösödobe itebonö ju̧kwadöma otiwanö tju̧jukwena. Jo̧kwaijayonö öpöjödobe sulabenö ja̧bö ju̧kwadönö, iteboma suli̧ jwöachapji jö̧ba̧lö, ja̧danö wei̧ma kaatibapji jö̧ba̧lö.

Proverbios 20:26

Ja̧danö, ju'wibi yötawa: Inesö la'aka luwo̧, jweinö omukwato̧ma jojodötjö sulabenö omukwato̧nö waisachibo̧, bitema sulabenö omukwato̧ jö̧ba̧lö. Ja̧danö, jo̧ba jweinö omukwatö inesö la'aka luwo̧ma sulabenö omukwato̧nö lȩ lö̧jökönö lȩtjebobö weakwo̧.

Proverbios 25:5

Ja̧ ji̧danö, inesö la'aka luwo̧ma iteda yö̧ne ömöayedötjö sulabenö ja̧badönö a'dewö loitjö̧ma otiwanö yöbawö webo̧ ö̧jena. Jao, sulabenö ja̧badö deobetjö̧ inesö la'aka luwo̧ma otiwanö yöbawö webo̧.

Proverbios 29:14

Ja̧danö, ju'wibi yötawa: Inesö la'aka luwo̧ma jwibadö atjeba̧li̧ a̧ja̧kwö jweinö yöbawö ujunitjö̧ma lekwe yöbawö weena.

Isaías 32:1

Baikwö yötawaduwakwö chömöledö: Yadakwö inesö la'aka luwo̧ jwaikwöda Dios wei̧ a̧ja̧kwö jo̧ma webö ö̧jakwo̧, ja̧danö ömöayedö la'aka luwedöma, otiwanö lȩekwa yötjawo jö̧tja̧li̧danö, otiwanö yötjawakwedö.

Mateo 12:30

Tupakwö yöawinobe Jesúsma: —Okobe deinö ötjö chömöledöböködöma, isabenö chöpöjojodö tjö̧jobe, ja̧danö okobe deinö ötjökwö otidöködöma, isabenö otiwanö chotidapji jö̧ba̧lö tjöbeba̧lö otidadö.