Proverbios 20:18 - Dios Iwene

¹⁸ Ja̧danö, ju'wibi yötawa, wanedö: Bakwo̧ iteda ja̧akwa̧ omukwatobe, baikwö ja̧tobö jö̧ta̧la, jö̧ba̧lö. Ja̧danö, jo̧ba omukwati̧danö otiwanö baledobö, waisadö pjabatö jwetjebi̧ma a̧ja̧kwobö jo̧be. Ja̧danö, bakwemiinö guardia jojodöma ju'wedönö ölakwabikwawö tji'yakwa̧ abönö jweinö omukwatadö jwebebö yötjawi̧ma tja̧ja̧kwobö jo̧be, tjöpöjojodönö tjujuluwakobetjö̧.

Proverbios 20:18 Iomraidhean Croise

1 Reyes 1:12

Ja̧ baledi̧ma inesö labi̧ ökwönöbi, kwitji̧ Salomonnöbi Betsabe, jo̧kwajabetjö̧ otiwanö ja̧köbakwa̧ baikwö yötawakwö, ökwönöbi, kwitji̧nöbi kwabö lotjapji jö̧ba̧lö.

2 Reyes 18:20

Ökwöma yöba̧lo̧ja, -Asiria jojodökwö chölakwabikwawobö juluwo̧sa, chölakwabikwawakwa̧ma waisanö omukwatö omukwatö chujunajabe, -jö̧ba̧lö, jo̧kwaijayonö jobekwö yöka̧li̧ma omöna. Tinö kwo̧'wo wa̧na̧lö, -Asiria luwo̧ wei̧ katatibobö jo̧be, -jö̧ba̧lö kwomukwatinada?

Proverbios 11:14

Ja̧danö, ju'wibi yötawa: Inesö la'aka luwo̧ ömöayedöma jo̧banö jweinö omukwatobö öbibadöma ba̧jȩkwadö tjö̧jobö jo̧be. Jobekwö inesö la'aka luwo̧nö jweinö omukwatobö ötjibitjö̧ma jobe tjiteboma otiwanö jena. Ja̧danö, jobe ju̧kwadöma otiwanö tjö̧jena, tjöpöjojodötjö tjö̧jibinö, inesö la'aka luwo̧nö jweinö omukwatobö öbibadöma otiwanö öbibö yötjawobetjö̧.

Proverbios 15:22

Ja̧danö, ju'wibi yötawa, wanedö: Bakwo̧ma ju'wi jawabi ju'wi jawa otidakwa̧ omukwatobe. Ja̧danö, jo̧bama otidakwa̧ abönö ja̧ otikwa waisadönöma abebö a̧ja̧kwobö jo̧be, otiwanö chotidobö yöbawö pjabataduwitjö jö̧ba̧lö. Waisadöma ba̧jȩkwadö pjabatö yötjawitjö̧ma ja̧ otidakwa̧ma otiwanö laebakobe. Jobekwö baledökena waisadö pjabatadö deitjö̧ma. Jo̧ba otido̧ma otidobö omukwatijayonö waekwakobe, otikwa waisadöma pjabatö yötjawokobetjö̧.

Proverbios 24:6

Jo̧kwaobetjö̧ guardia jojodö tjuluwedöma ömöayedökwö ölakwabikwawö tji̧'yakwa̧ abönö, jweinö omukwatadö jwebebö yötja̧wi̧ma tja̧ja̧kwobö jo̧be, tjo̧'wo̧ okwanö juluwadö yötjawi̧ma. Ja̧danö, ba̧jȩkwadö waisadö, jweinö omukwatadö tjuluwedönö jwebebö yötjawitjö̧ma ölakwabikwawö 'ya̧jadöma tjöpöjododönö tjujuluwena. Jao chitji̧, jweinö omukwatadö, tjo̧'wo̧ okwanö juluwadö jwebebö yötjawi̧ma jwiinö mikwawobe, ja̧danö yötja̧wi̧ kwa̧ja̧kwobö jo̧be.

Proverbios 25:8

Ju'wibi jwebebö yötawa: Ökwöma sulabenö baledobe kwedaja̧ma juluwanö yöbawö kwi̧'yoko lȩekwa yöbawo̧ ö̧bobekwö, jo̧banö yöbawö. Jelo̧ma ikena ichö, jweinö yöbawö, ökwö yökawaja̧danöma yöawökena. Jo̧bama jweinö yöawobetjö̧ lȩekwa yöbawo̧ma ökwönö, wajwibo̧ omöna yöba̧lo̧, jö̧ba̧lö, omukwatena. Ja̧danö, jobekwö baleditjö̧ma taba tjöbawöda kwö̧jena.

Lucas 14:31

Ja̧danö ju'wibi yötawa, chöba̧ja̧di̧ waisachadö bakibaduwakwa̧ abönö otiwanö kwomukwataduwo ötjökwö kwichaduwojobö kwichaduwokojobö jö̧ba̧lö. Baikwö wanedö yötawa: Bakwo̧ la'aka luwo̧, iteda ömöayedö guardia jojodökwö kwakwabö i̧'yakwa̧ abönö, isabenö öpöjojonö ujuluwojobö jö̧ba̧lö ¿omukwatökenaji̧? Isabenö omukwatena chömöledö, öpöjojoma iteda ömöayedö guardia jojodö veinte mil jenanö ömöayedökwö ichitjö̧ma, jo̧bakwö kwakwabö laebakwa̧ abönö bamatö omukwatena, iteda ömöayedö diez milbedökwö öpöjojonö ujuluwakwojobö jö̧ba̧lö, ¿jö̧tö?

Jueces 19:30

Ja̧danö, okobe deinö jiteba'o ubulabina jawa edadöma, —Tajijö, bi̧ya baledi̧jaye la'akatjöda edinöködösa ditebotjö̧ma, da'dödö Egiptotjö latjebinemi baikwö bajalenö la'akatjöda bi̧yajaye edinöködösa. Otiwanö omukwatö, waisanö yöa̧lakwawa da̧ja̧kwaduwo, otiwanö ja̧dakwa̧ döwaisakobetjö̧, —jö̧ba̧lö yötja̧lakwawinobe.

Jueces 20:18

Ja̧danö, tjölakwabikwawakwa̧ abönö, ju'wedö israel jojodöma Betel comunidadbe tji̧'yinobe, Dios oba a'o ichibö, abebö tja̧ja̧kwobö. Ja̧danö, Diosnö abebö tja̧ja̧kwinobe, —Ökwödö israel jojodötjö, diso jojodö abönö Benjamin jojodökwö tjölakabikwawobö jo̧beda? Diso jojodö abönö tjölakwabikwawobö weköbobeda? —jö̧ba̧lö. Atjebökwe, Isabenö Jo̧ma atadinobe, —Judasaso jojodöda abönö ölakwabikwawö tji̧'yobö jo̧be, —jö̧ba̧lö.

Jueces 20:7

Jo̧kwajabetjö̧, baledina wene waisachibajadö, ökwödö israel jojodöma omukwatö yöka̧lakwawaduwo, ja̧danö waisanö yöba̧lakwawajadö, otiwanö ja̧dakwa̧ yökawaduwo, —jö̧ba̧lö yöa̧linobe Levisaso jojoma.

Jueces 9:29

Ötjöma kwuluwo̧duwi chö̧jitjö̧ma, Abimelecnö a'dewö loto jö̧ta̧lena. Jo̧banö yötawena, isabenö ökwödönö weköbobö kwösöditjö̧ma, kwömöayedö ölakwabikwawa jojodönö ko̧ko̧dö, kwujuluwobö ichi, dölakwabikwawakobetjö̧, —jö̧ba̧lö yöa̧linobe Gaalma.