Proverbios 18:23 - Dios Iwene

²³ Ja̧danö, ju'wibi yötawa: Jwibadöma juna̧ladönö pjatjatobö atjebena tjo̧'o̧manö otiwanö atjebobö jo̧be. Jobekwö tjatadokobe juna̧ladöma jwibadönöma. Juna̧ladöma labinö, sulabenö tjatadobe jwibadö abebadönöma.

Proverbios 18:23 Iomraidhean Croise

Génesis 42:30

—Jobe niji la'aka luwo̧ma labinö jwöeba̧lijatö ökwödönöma, Ökwödöma abönö niji isakwö kwichajaduwena dena 'waobö teachakwawemi, tjite'ada̧lökena, jö̧ba̧lö.

Génesis 42:7

Ja̧danö, Joséma öpöedönö edö waisijetö, chöpöedö, jö̧ba̧lö. Jo̧kwaijayonö wajwiawö̧danö ji̧jetö, jobadö tjöwaisachibapji jö̧ba̧lö. Jobadönö labinö abebö a̧ja̧kwijetö: —Ökwödöma ¿detjö kwichaduwa?— abebö a̧ja̧kwawö̧: —Canaán nijitjö dichatö kwakwawa emö— atadijadötö.

1 Reyes 12:13

Tjichibiökwe, labinö sulabenö atadinobe Roboanma. Damö waisanö, —Dösölö̧jinö kwatadodönö, —jö̧ba̧lö yötjalina öpöjödibö,

Diosnö ösödo̧ Job mikwo̧ usula emawina jawa 41:3

Kwujuluwajökwe, jo̧banö kwejatobö aeba̧lenaji̧? Jo̧banö lȩlöjinö kwedobö, budekwö aebenaji̧?

Éxodo 5:2

—Jo̧ba Isabenö Jo̧ma ¿tida? Jo̧ba wei̧, Israel jojodönö kakatakwawo, jö̧ba̧lö, ¿cha̧ja̧kwiji̧? ¡Cha̧ja̧wökö! Jo̧ba, Isabenö Jo̧nöma wajwitökwe. Isabenö yöta̧la: Israel jojodönö katatakwawökakobe— yöba̧lijetö faraónma.

Proverbios 19:7

Ja̧danö, ju'wibi yötawa: Isabenö, okobe deinö tjöpöjödobe jwibo̧nö, yö̧ne ömöledöbi. Ja̧danö, jo̧ba yö̧ne ömöledöbi tjöpöjöditjö̧ma ¿dakwö tjösödoböda yö̧ne ömöledöböködöma? Tjöpöjödobe jo̧ba jwibo̧nöma jo̧ba ö̧jobekwö 'yö̧könö. Ja̧danö, jwibo̧ma ömöledönö yöa̧lobö isakwijayonö deobe jo̧banö ösödo̧ma.

Proverbios 22:7

Ja̧danö, ju'wibi yötawa: Isabenö, balada juna̧ladöma jwibadö tjuluwedödanö tjuju̧kwobe, jwibadönö webadö. Ja̧danö, ju'wibi: Juna̧lo̧tjö balada balewo̧ma öbalewajökwenö umusidobetjö̧ midö eminökwedanö ö̧jobe.

Isaías 66:2

Okobe jwiinö mölejȩnö ji̧bi, bö̧jȩnö ji̧bi, ötjöda chotidijatö chömöledö, ja̧danö okobe jwiinö kwedaduwi̧ma, ötjö chiteada edadöja. Jo̧kwajabetjö̧ cheju baibanö kwiyaduwobö jwibadöja chömöledö. Jobekwö ötjö Isabenö Jo̧ma yötawaduwakwö. Ju'wibi baikwö yötawaduwakwö: Ötjö otiwanö edö pjatatakwawö̧ma, bidö: Tjomajadenö, —Mikwawöködösa, —jö̧ba̧lö omukwatadö, yötawi̧ a̧ja̧kwö, yebabinö tjö̧bawö, sulabenö tjomukwati̧ kabatibö balewachadöma.

Mateo 5:3

—Do̧'wo̧ luwo̧nö usulasedösa jö̧ba̧lö omukwatadöma, isabenö tjo̧'wo̧ ösöwanö tjö̧jakwedö, Dios la'aka luwo̧ ö̧jakwa̧ tjö̧jakobetjö̧.

Santiago 2:3

Ja̧danö, ökwödöma otiwanö 'dubawo̧nö edö, Bena ba̧wi, jwiinö otiwakanö, jö̧ba̧lö, kwösödaduwobe nöinö. Jo̧kwaijayonö usulaso̧nö, Yena jamataji, ja̧danö, bena chömasapa la'akanö bamati, weköbaduwobe, jo̧banö nijakwönönö edö.

Santiago 2:6

Chö̧ja̧wo̧dö, Diosma usulasedönö, Jwiinö mikwawadö, jö̧ba̧lö, edijayonö ökwödöma kwo̧'wo̧ luwo̧duwinö sulabenö kwedaduwobe, Mikwawöködö, jö̧ba̧lö. Jejenö kwomukwataduwobö jwiobe chö̧ja̧wo̧dö. Ja̧danö, ju'wi jawabi omukwataduwi: ¿Tijidöda ökwödönö sulabenö inia tjököbaduwinö baledobö webadöma? ¿Juna̧löködöji̧? Jobadömaökö, juna̧ladöda. Jau omukwataduwi. Juna̧ladöma ökwödönö lȩekwa yöbawo̧ ö̧jobekwö e'ewö jwötjeba̧lobe jo̧banöma, Lȩbebidönö, jö̧ba̧lö.

1 Samuel 2:36

Ja̧danö jobadöma ötjötjö jojodötjö dö'da̧de pjabatö tjö̧jonö, ökwö kwi̧tji̧mu tupadanö jojodötjö ina 'ya̧baladöma usula tjemakwedö. Usula emawö, kwö̧bajena balekwo̧ chujunajökwenö bȩbachibö atjeba̧lakobe, ja'yubeda baladabi, kwakwawabi tjujuna̧lobö, ja̧danö jo̧banö atjeba̧lakobe, Ötjönö Diostjö jojodötjö tjö'da̧de pjabatadötjö bakwo̧ ömöayo̧ batibanö junitjö, ötjöbi ja'yubeda kwakwawa chukwakobetjö̧, —jö̧ba̧lö yöawinobe Dios yöawi̧ yöbawo̧ma Elinöma.

1 Samuel 25:10

Yötja̧lökwe, Nabalma atadinobe: —Jo̧ba Davidma tida, jo̧banö chiyobö? Jo̧ba Isai itji̧ma, luwo̧sa jö̧ba̧lö omukwatö chiyobö aebobeji̧? Ditebotjö ba̧jȩkwadö tjömöayedö tjuju̧kwobe, tjuluwedö wetji̧ öpöjödö, tjuluwo̧nö kabatibö sulabenö döbibajadöma, ja̧danö chedemi Davidma jobadöja̧yo̧ ö̧jena.

1 Samuel 25:17

Ja̧ wene kwöwaisobö jo̧be chuluwuju, ja̧danö otiwanö ja̧köbakwa̧ omukwatö kwujuno. Isabenö chuluwo̧ kwilekwe sulabenö ja̧ajabetjö̧, wene baibakobe. Chöwaisa, isabenö chuluwo̧nöbi, okobe deinö ömöledönöbi suli̧ tjöwaedobö ja̧kobe. Jo̧kwaijayonö, jejenö chöwaisijayonö, chuluwo̧nö lȩbebö yötawobö jwiobe, jo̧ba kwilekwema isabenö mikwawö̧kö̧ sulabo̧obetjö̧, ja̧danö jo̧banö pjabatö yötja̧li̧ma a̧ja̧kwö̧kö̧, —jö̧ba̧lö yöa̧linobe.