Proverbios 18:13 - Dios Iwene

¹³ Ja̧danö, ju'wibi yötawa, wanedö: Bakwo̧ ina jwaikwöda yöa̧lonö yöa̧lökwema juluwanö atadobe yöba̧lo̧nöma, yöba̧lo̧ma ina okobe jwiinö yöa̧li̧ma kaatakwawököjayonö. Isabenö, jobekwö atado̧ma jweinö omukwatö̧kö̧, ja̧danö ju'wedöma sulabenö tjedökwe, omukwatö̧kö̧ jö̧ba̧lö.

Proverbios 18:13 Iomraidhean Croise

2 Samuel 14:8

Ajebökwe, la'aka luwo̧ Davidma atadinobe, —Jau, pjatatocha. Kwejube daji̧, ja̧danö weawa wetocha, jo̧banö kwabö lotjapji jö̧ba̧lö.

2 Samuel 16:4

Jejenö yöa̧lökwe, la'aka luwo̧ Davidma Sibanö yöa̧linobe, —Mefiboset jejenö ötjönö öpöjödö ö̧jibinobetjö̧, okobe jwiinö jo̧ba ujuna̧linama, ökwönö chiyakwö, —jö̧ba̧lö. Yöa̧lökwe, Sibama atadinobe, —Chuluwo̧, kwöba a'o bȩbachibö chösödakwö, ba̧kwelöjatebö kwösödi̧nö ja̧bö chö̧jobö chösöda, —jö̧ba̧lö.

Diosnö ösödo̧ Job mikwo̧ usula emawina jawa 29:16

Jwibadö tjabe'dodanö chichejekwijatö, otiwanö jobadönö pjatatobetjö̧, ja̧danö jojodö lȩekwa luwedö tjöba a'o tjichibenabi, otiwanö pjatatijatö. Jau, jelobetjö ichajadö, wajwitawö̧nöbi pjatatotö jö̧ba̧lö, otiwanö chöwaisachibobö chisakwijatö, lȩekwa otiwanö jweinö yötawakobetjö̧.

Proverbios 20:25

Ja̧danö, ju'wibi yötawa, wanedö: Bakwo̧ juluwanö Diosnö yöbawö ujunobe, Chuluwo̧ ötjö chujuna̧li̧tjö̧ wainö junö chiyocha ökwönöma, jö̧ba̧lö. Jobekwö yöawijayonö jemi ikenama, ayö waiya dakwö chiyakwajö̧ jö̧ba̧lö, yöbawö ujuni̧danö badekwachinö i̧sebokobe. Isabenö yötawa: Diosnö chiyocha jö̧ba̧lö yöbawö kwujunakwa̧ abönö ö'wiyawakwawönö kwomukwatobö jo̧be. , yötawi̧danö badekwachinö chi̧seboböma chujuna̧lojobö, chujuna̧lokojobö jö̧ba̧lö. isabenö, yöbawö kwujuninadanö kwiyobö jwiitjö̧ma kwo̧'wo̧ tjo̧bekwö kwö̧jena, sula jö̧ba̧lö.

Daniel 6:14

Jejenö yötja̧li̧ a̧ja̧kwö, jwiinö o̧'wo̧ tjoekwinobe Daríoma, ja̧danö möle baledibanö omukwatö isakwinobe, ja̧ weaja̧tjö̧ Daniel ö̧jibobö. Yö̧te baibenanö kabatö, Danielnö pjaatobö omukwatinobe Daríoma, jo̧kwaijayonö waekwinobe.

Daniel 6:9

Jejenö yötja̧liökwe, Daríoma ösödinobe, ja̧danö atjebaja̧danö weawa iwȩyudinobe, ja̧danö wȩyudajo̧ sello dobö ödinobe, balewö loawa jwiinö weawa baibanö.

Juan 7:51

—Chömöledö, da'dödömine wetjinama ökwödönö weobe, bakwo̧nö lȩdebakwa̧ abönö jo̧ba yöawi̧ a̧ja̧kwö döwaisobö jo̧be. Ina wajwida jo̧ba yöawi̧ma, ¿Dakwö yöawobö? jö̧ba̧lö— jö̧a̧linobe Nicodemoma.

Deuteronomio 13:14

Jejenö kwa̧ja̧kwaduwitjö̧ma, jweinö abebö a̧ja̧kwö kwisakwaduwo, isabenö yötja̧laja̧danö sulabenö ju'wedö tjösödadawö̧nö ösödö tjö̧jojobö jö̧ba̧lö. Ja̧danö, teada̧lönö abebö a̧ja̧kwajadö, –Jau, isabenö inesö suli̧ jawa ja̧bö, ju'wedö tjösödawö̧nö tjösödobe, –jö̧ba̧lö kwöbadekwaduwitjö̧ma,