Proverbios 17:21 - Dios Iwene

²¹ Ja̧danö, ju'wibi yötawa: Tjemu omukwatökönö jo̧ma, omukwatökönö ö̧jobetjö̧ iteda abe'doma, ojo'doma tjo̧'wo̧ tjo̧achöda tjö̧jobe. Isabenö, tjo̧'wo̧ ösöwanö tjö̧joböma jwibadö tji̧tji omukwatökönö ö̧jobetjö̧.

Proverbios 17:21 Iomraidhean Croise

Génesis 26:34

Ja̧da̧nö Esaúma cuarenta a̧yo bo̧ma ilekwonö emijetö, Judit mikwujunö, heteo jojo Beeri mikwo̧ itjijunö. Ja̧danö jelujunöbi emijetö ilekwonö baibanö, Basemat mikwujunö, heteo jojo Elón mikwo̧ itjijunö.

2 Samuel 18:33

Jejenö yöawökwe, jwiinö o̧'wo tjo̧achinobe Davidma, ja̧danö o̧'wo tjo̧achö, apjude wamesȩko̧be budekwö önöchinobe. Ja̧danö 'ya̧nö, —Chitji̧ Absalonwe, chitji̧ Absalonwe, ökwö 'yaba̧lo̧ kwö̧jonö ötjöda ö'wö batibatjö̧ma, otiwo jö̧a̧lajena, chitji̧we, chitji̧we, —jö̧ba̧lö o̧'wo tjoachö ubudekwinobe Davidma.

Proverbios 10:1

Ju'wi Salomón jwebebö yöawina jawa baikwö laebobe: Isabenö yötawa: Tji̧tji̧mu̧ma jweinö omukwatö tjö̧jitjö̧ma tjabe'do tjojo'do tjo̧'wo̧ ösöwanö tjö̧jakwedö. Jo̧kwaijayonö tji̧tji̧mu̧ma jweinö omukwatökönö tjö̧jitjö̧ma tjabe'do tjojo'do tjo̧'wo̧ tjo̧bekwöda tjö̧jakwedö.

Proverbios 15:20

Ju'wibi yötawa: Tjemuma jweinö omukwatö ö̧jitjö̧ma abe'dobi ojo'dobi tjo̧'wo̧ ösöwanö tjö̧jena, ditji̧ma jweinö omukwatö jo̧, jö̧ba̧lö. Isabenö, jo̧ba tjȩmuma otiwanö omukwatö jo̧. Jo̧kwaijayonö tjȩmu jweinö omukwatö̧kö̧ma sulabenö omukwato̧. Jo̧bama ojodönö o̧'wo̧ sulinö edo̧, chöpöjödoko jö̧ba̧lö.

Proverbios 17:25

Ja̧danö, ju'wibi yötawa: Tjemu omukwatökönö jo̧ma, omukwatökönö ö̧jobetjö̧ iteda abe'doma o̧'wo̧ tjo̧achöda ö̧jobe. Ja̧danö, ojo'dobi jwiinö o̧'wo̧ tjo̧achöda jö̧jobe, jitji̧ omukwatökönö ö̧jobetjö̧.

Proverbios 19:13

Ja̧danö, ju'wibi yötawa: Isabenö, bakwo̧ itji̧ma, jweinö omukwatökönö ö̧jobetjö̧ abe'doma ba̧kwȩlö̧jatebö usula emawö jo̧. Ja̧danö, ju'wibi yötawa, wanedö: Bakwoma ilekwo ba̧kwȩlö̧jatebö jo̧banö jwöbeba̧lujukwö ö̧jobe. Isabenö yötawa: Jobuju ba̧kwȩlö̧jatebö jwöbeba̧lujuma jeju okwa mötjö̧ ba̧kwȩlö̧jatebö toi̧danö ba̧kwȩlö̧jatebö jwöbeba̧lö juju.

2 Corintios 2:3

Jau chömöledö, ökwödönö yötawo jö̧ta̧linama, kwialu wȩyudö wetijatö, ökwödökwö ja̧nö cho̧'wo̧ tjo̧achapji jö̧ba̧lö. Jau chömöledö, ökwödöma chösödawö̧ chömöledöja, ja̧danö ökwödönö chedenama, cho̧'wo̧ ösöwachibobö jo̧be, ¿jö̧tö? Jo̧kwaijayonö juluwanö ökwödönö edö chi̧'yinatjö̧ma, ökwödönö jwetebobetjö̧ bakobe do̧'wo̧ tjo̧acho jö̧a̧linena chömöledö, ja̧danö jejenö omukwatö, ökwödönö jwebebö kwialu wetijatö. Jau chömöledö, ökwödönö chöwaisa, yötawi̧ ösödadöja jö̧ba̧lö, ja̧danö jejenö omukwatö jwebebö chiwȩyudijatö, ja̧ edinö jwekekwaduwobö. Jau chömöledö, dediakwawakwa̧ abönö jejenö jwekekwaduwitjö̧ma, dediakwawenama do̧'wo̧ tjo̧achobö jwiakobe. Ja̧danö jobekwö chomukwatobetjö̧ kwialuda wȩyudö wetijatö, dediakwawenama jwaikwöda do̧'wo̧ ösödachibanö dö̧jakobetjö̧.

3 Juan 1:4

Isabenö chi̧tji̧mu, Dios isabenö ji̧ iwene a̧ja̧kwö tji̧'yobe, jö̧ba̧lö, yötjawi̧ cha̧ja̧kwena cho̧'wo̧ ösöwanö chö̧jobe. Jejenö cho̧'wo̧ ösöwanö chö̧jemitjö o̧penönö cho̧'wo̧ ösöwanö chö̧joböma jwiobe.

1 Samuel 8:3

Jo̧kwaijayonö, tjabe'do otiwanö omukwatö jwebebö yöawi̧danöma tjotidinokobe, idöda tjemotö jö̧ba̧lö tjomukwatinobe. Ja̧danö, wene jȩna, ju'wedö midö, dösödi̧danö jwekebaduwitjö̧ma dimidocha jö̧ba̧lö tjimidawö̧, jweinöma jwebebö yötjawinokobe, midajadönö pjabatö sulabenö wetjinobe.