Proverbios 16:15 - Dios Iwene

¹⁵ Ja̧danö, ju'wibi yötawa: Inesö la'aka luwo̧ma o̧'wo̧ ösöwanö ö̧jobetjö̧ itebonö ju̧kwadöbi otiwanö tjö̧jakwedö. Wanedö yötawa: Batjonö tju̧juninemima ojwiyo o̧bitjö̧ma pjaatena ¿jö̧tö̧? tju̧junina otiwanö pokwakobetjö̧. Ja̧ pjaati̧danö inesö la'aka luwo̧ma o̧'wo̧ ösöwanö ö̧jobetjö̧ itebonö ju̧kwadönö pjaatobe tjo̧'wo̧ ösöwanö tjö̧jobö, batjonö tju̧juninemi ojwiyo o̧bena pjaati̧danö.

Proverbios 16:15 Iomraidhean Croise

Proverbios 16:14

Ja̧danö, ju'wibi yötawa: Inesö la'aka luwo̧ma o̧'wo̧ sulawö ö̧jitjö̧ma jwiinö labo̧. O̧'wo̧ sulawö̧ ö̧jobetjö̧ ömöayedönö weena jojonö kwabö lotjobö. Jo̧kwaobetjö̧, jweinö omukwato̧ma o̧'wo̧ sulawö inesö la'aka luwo̧nö o̧'wo̧ suli̧ma söachobö pjaatakwo̧.

Proverbios 19:12

Ja̧danö, ju'wibi yötawa, wanedö, inesö la'aka luwo̧nö dötölataja jawa wanedö: Ju'wikwenama inesö la'aka luwo̧ma o̧'wo̧ sulekwö ö̧jena. Jobekwö o̧'wo̧ suliawö̧ itebonö ju̧kwadöma yebabidö, didiba labinö tuluiawö̧ yetjabi̧danö. Isabenö, didibama jwiinö labo̧, ¿jö̧tö̧? Jojodöma didiba labinö tuluobe tja̧ja̧kwena jwiinö yebabidö, ökwödönö ukwobö icha, jö̧ba̧lö. Ja̧ yetjabi̧danö yebabidö jojodöma, tjuluwo̧ inesö la'aka luwo̧ma o̧'wo̧ sulekwö jo̧nöma, jwiinö labo̧, jö̧ba̧lö. Jobekwö baledokobe inesö la'aka luwo̧ lȩlö̧jinö edo̧ yöbawö weitjö̧ma. Jao, ju'wikwenama inesö la'aka luwo̧ma itebonö ju̧kwadönö lȩlö̧jinö edö pjabato̧. Jobekwö pjaatiawö̧ itebonö ju̧kwadöma jwiinö tjösödena. Wanedö yötawa: Kwöwaisaduwobe, yȩayi̧ a̧delö tjo'yoli̧ lo̧be edö tjösödobe jojodöma, otiwa, jö̧ba̧lö. Ja̧ tjösödi̧danö ösödadö jojodöma tjuluwo̧ inesö la'aka luwo̧ma lȩlöjinö edö pjaatena, otiwa jö̧ba̧lö.

Proverbios 29:26

Ja̧danö, ju'wibi yötawa: Ba̧jȩkwadö jojodöma la'aka luwo̧nö abeba̧ladö, pjabatitjö, jö̧ba̧lö. Jo̧kwaijayonö, bö̧jȩnö la'aka luwo̧maö̧kö̧, Isabenö Jo̧da jweinö omukwatö webo̧, inesö pjabato̧ma.

Hechos 2:28

Ina yöta̧la Chuluwo̧nö: Ökwöma pjakatobetjö̧ ja̧kwawa mananö chichakwo̧sa, ba̧kwȩlö̧jatebö ja̧kwawa mananöma. Isabenö ötjökwö kwö̧jobetjö̧ jwiinö cho̧'wo̧ ösöwanö jo̧sa, jejenö yöta̧la Chuluwo̧ Diosnö.