Jejenö 'ya̧jo̧, Hebrontjö Absalonma kwabö juwö Diosnö iyinobe. Ja̧danö, jobe Hebronnö ö̧jonö, ju'wibi ja̧inobe, bakwo̧ waiso̧nö jwöinobe, Guilo comunidad jojo Ajitofel mikwo̧nö, Guilotjö ichö, Absalonnö la'aka luwo̧ baibakwa̧ jawa pjaatobö. Jo̧ba Ajitofelma, jwiinö waiso̧, ja̧danö ajayinö Davidnö pjabatina, otiwanö ja̧akwa̧ öwaisobö. Ja̧danö, ajayitjö bajalekwönönö Absalonnö ösödadöma tjö̧ba̧jekwachinobe, Davidnö kabatibö Absalonnöda la'aka luwo̧ baibanö tjujunobö omukwatadöma.
Proverbios 15:8 - Dios Iwene8-9 Ja̧danö, ju'wibi yötawa: Isabenö Jo̧ma jwiinö öpöjödo̧ sulabenö omukwatadö tjö̧ji̧ma. Jobadö jo̧banö kwabö juwö tjiyi̧bi edö jwiinö öpöjödo̧ Isabenö Jo̧ma, sulabenöda omukwatö tjö̧jobetjö̧. Jobekwö öpöjödokobe Isabenö Jo̧ma, Dios wei̧ a̧ja̧kwö ju̧kwadönöma. Isabenö Jo̧ma Dios wei̧ a̧ja̧kwö ju̧kwadönö jwiinö ösödo̧. Jobadö Diosnö atjebi̧ma a̧ja̧kwö jwiinö ösödo̧. Jobadöma ba̧kwȩlö̧jatebö Dios wei̧ a̧ja̧kwö tjö̧jobö isakwadötjobetjö̧ Isabenö Jo̧ma jwiinö ösödobe jobadönöma. Faic an caibideil |
Proverbios 15:8
26 Iomraidhean Croise
Chöwaisa chuluwo̧ Dios, ökwöma domajadenö domukwati̧ edö isakwo̧ja, isabenö otiwanö jweinö domukwatojobö jö̧ba̧lö. Ja̧danö, otiwanö omukwatö, otiwanö ja̧do jö̧da̧lidanö ja̧bö dö̧jenama, kwo̧'wo ösöwachibanö edo̧ja chuluwo̧. Ja̧danö chuluwo̧, baikwö yöta̧lakwö: Isabenö chomajadenö otiwanö omukwatö, a̧'dȩlökönö okobe jwiinö bi̧ya 'da̧batö chujunaja̧ jawa ökwönö chiyajabe ötjö Davidma. Ja̧danö ju'wibi, bidö kwöba a'o ju̧kwadö kwömöledö israel jojodö ökwönö tjiyobe chedajabe, a̧'dȩlökönö tjo̧'wo ösöwachibanö ökwönö tjiyaja̧jama.
Ja̧danö, ju'wibi yötawa: Sulabenö omukwato̧ Isabenö Jo̧nö juwö iyi̧ma öpöjödobe Isabenö Jo̧ma. Ja̧danö, ju'wibi öpöjödobe: Jo̧ba sulabenö omukwato̧ma omajadenö omukwatena, juwö chiyitjö̧ma Isabenö Jo̧ma ötjönö pjaatena sulabenö ja̧temitjö̧ balekwa mikwa ötjönö baledokobö. Ja̧ omukwati̧ma jwiinö öpöjödobe Isabenö Jo̧ma. Sulabenö omukwato̧ juwö iyi̧tjö bajalekwönönö öpöjödobe Isabenö Jo̧ma ja̧ omukwati̧ma.
Ja̧danö, ju'wibi yötawa: Isabenö Jo̧ma ökwödö dö̧joböma baikwö ösödo̧: Iteda wei̧ a̧ja̧kwö dö̧jobö ösödo̧. Ja̧danö, otiwanö ja̧bö dö̧jobö ösödo̧ Isabenö Jo̧ma. Isabenö, jojodö jo̧banö juwö tjiyi̧tjö̧ bajalekwönönö ösödo̧ Isabenö Jo̧ma iteda wei̧ a̧ja̧kwö, ja̧danö, otiwanö ja̧bö dö̧joböma. Ja̧ dö̧ji̧ma isabenö mikwawobe.
Baikwö laebobe Isabenö Jo̧ yöa̧li̧ma chömöledö: Ötjö Isabenö Jo̧ma, jweinö lȩekwa jawa ösödo̧sa. Ötjöma naukwakwawabi, ju'wi sulabenö ja̧awabi öpöjödo̧sa. Jo̧kwajabetjö̧ ju'wedö tjitebokwena jojodö jobadönö sulabenö ja̧tjina omukwatö, jweinö lȩekwa wetakwo̧sa, balekwa mikwa otiwanö chömöledö israel jojodönö tjiyobö wetakwo̧sa. Ja̧danö ötjöma chömöledö israel jojodökwö ba̧kwelöjatebö pjatatakwa̧ wene yöbawö chujunocha.
Jo̧kwaijayonö idöda tjösödi̧ jawa omudawö junadö inesö sulabenö ja̧awa ja̧tjobö ösödadönö, ösödö̧kö̧sa. Jobadönö baikwö yöta̧la: Pakayaso̧nö kwabö juwö ötjönö tjiyijayonö, ju'wibi jojodönö kwabö lobadö. Ja̧danö obejanö kwabö juwö ötjönö tjiyijayonö, ju'wedö o̧'wo jawa tjösödawönöbi ösödö, awili u̧lu̧me'a 'debatö iyadö. Ja̧danö trigoso̧pja̧ iyawa ötjönö tjiyijayonö, ju'wibi ju'wedö o̧'wo jawa tjösödawö̧nö kusi̧ ökwösobu iyadö. Ja̧danö chöba a'o omewi̧ jawa juwadöma, ju'wibi o̧'wo jawa ösödadö. Jau, —Diosnö ösödadösa, —jö̧ba̧lö tji̧sȩbijayonö, weti̧ a̧ja̧kwöködö, ja̧danö la'akatjöda tjiyi̧ chösödökakwo̧sa, —Otiwanö iyadö, —jö̧ba̧löma.
Ajayinö Diosnö lȩlö̧jinö edobö jamatö akebenama, Diosma iteda yöawi̧ ökwönö weatö, ja̧danö ökwönö yöbawö chichajabe. Jau Daniel, Dios jwiinö ösödökweja, ja̧danö ökwönö yötawobö weajabe. Jo̧kwajabetjö̧ Dios ökwönö yöawi̧ a̧ja̧kwi, ja̧danö Dios i̧sebina jawa kwöwaisachibobö labebö lobö yötawocha— jö̧ba̧lö yöawinobe Gabrielma.
Sanasan