Proverbios 15:10 - Dios Iwene

¹⁰ Ja̧danö, ju'wibi yötawa: Isabenö, bakwo̧, ajayinö Dios wei̧ a̧ja̧kwö ö̧jinatjö kabatibö jelobekwö omukwatö i̧'yajo̧nöma Dios jwiinö lȩebakwo̧. Ja̧danö, ju'wibi yötawa: Jwebebö yötjawi̧ öpöjödo̧ma isabenö debö i̧'yakwo̧.

Proverbios 15:10 Iomraidhean Croise

1 Reyes 18:17

Ja̧danö, Eliasnö edenama, jo̧banö abebö a̧ja̧kwinobe Acabma, —Ökwöma isabenö israel jojodönö suli̧ waedo̧ Eliasköbiji̧? —jö̧ba̧lö.

1 Reyes 21:20

Weökwe, i̧'yinobe Eliasma, ja̧danö ichibiökwe, Acabma Eliasnö edö yöa̧linobe, —Ökwö chöpöjojoma, ötjönö lubö kwöbadekwaji̧? —jö̧ba̧lö. Yöa̧lökwe, —Jau, ökwöma jwaikwöda Isabenö Jo̧ öba a'otjö sulabenö ja̧köbobö omukwato̧ja, jokwajabetjö̧ ökwönö isakwö chöbadekwajabe.

1 Reyes 22:8

Abebö a̧ja̧kwökwe, Acabma atadinobe: —Ina bakwo̧ ö̧jobe, Isabenö Jo̧ yöawi̧ yöbawo̧ma. Jo̧kwaijayonö, jo̧banö chöpöjödökwe, kabatökönö sule sulabenö baledakwa̧da ötjönö yöawobetjö̧, jayubebi ötjönö otiwanö baledakwa̧ jawa yö̧bawö̧kö̧ jo̧bama, jo̧kwajabetjö̧ chöpöjödökwe jo̧banö. Jo̧ba Isabenö Jo̧ yöawi̧ yöbawo̧ma, Imla itji̧ Micaias mikwo̧, —jö̧ba̧lö atadinobe la'aka luwo̧ Acabma. Yöa̧liökwe, —La'aka luwo̧ Acab, jejenö yöka̧loböma sula, yöka̧loko jejenöma, —jö̧ba̧lö atadinobe Josafatma.

Diosnö ösödo̧ Job mikwo̧ usula emawina jawa 34:27

iteda wei̧ tja̧ja̧kwobö tjöpöjödobetjö̧. Jau, jobadönö weijayonö, mikwawökö ji̧ jö̧ba̧lö a̧ja̧kwö tjö̧jobö tjöpöjödinobe,

Proverbios 1:25

Ja̧danö, pjabatö yötawijayonö kwöpöjödinaduwobe, ja̧danö jwebebö yötawijayonö kwa̧ja̧kwinaduwokobe —yöbawuju—.

Proverbios 1:30

Isabenö jwebebö yötawijayonö öpöjödö a̧ja̧kwinöködöja.

Proverbios 10:17

Ja̧danö, ju'wibi yötawa, wanedö: Bakwo̧, jwebebö yötjawi̧ ösödö a̧ja̧kwo̧ma ja̧kwawa mananö i̧'yakwo̧, o̧'wo̧ ösöwanö. Jobekwö i̧'yokobe jwebebö yötjawi̧ öpöjödo̧ma. Jo̧ba jwebebö yötjawi̧ öpöjödo̧ma tjo̧'wo̧ ösöwanö ja̧kwawa mananö 'yö̧könö jelobekwö i̧'yakwo̧.

Proverbios 12:1

Salomónma ju'wi jawa, ju'wi jawabi jwebebö yöawakwawa jawanö wanekwachi̧ma baikwö laebobe: Isabenö yötawa: Bakwo̧ jweinö omukwatö ö̧jobö isakwo̧ma jwebebö yötjawi̧ma ösödo̧. Ja̧danö, jwebebö yötjawi̧ öpöjödo̧ma jweinö omukwatokobe.

Proverbios 13:1

Salomón ju'wi jwebebö yöawakwawa jawanö wanekwachi̧ jawa baikwö laebobe: Du̧ju̧tajanö, tjȩmunö wanedö yötawa, tjȩmu jweinö omukwato̧nöbi, tjȩmu obo̧nöbi. Tjemu jweinö omukwato̧ma abe'do jwebebö yöawenama ösödö a̧ja̧kwo̧. Jobekwö a̧ja̧kwokobe tjȩmu oböda obo̧ma. Tjemu oböda obo̧ma ösödokobe abe'do jwebebö yöawena. Jo̧bama abe'do jwebebö yöawena, ötjönö yöbawökönuwi, cha̧ja̧kwobö chöpöjöda, jö̧ba̧lö, a̧ja̧kwokobe.

Proverbios 15:11

Ja̧danö, ju'wibi yötawa: Isabenö Jo̧ma okobe jwiinö edö waiso̧. Jo̧bama ö'wö babibinadö tjö̧jemi baledi̧bi edö waiso̧, jojodö bakwo̧bi edökemima. Isabenö yötawa: Jobe jojodö tjedökemi baledi̧ma edö öwaisobetjö̧ jojodö tjo̧majade okwa tjo̧mukwati̧ ¿wajwibo̧ji̧? ¡Waiso̧! Jojodö tjo̧majade okwa tjo̧mukwati̧bi edö waiso̧ Isabenö Jo̧ma.

Proverbios 23:35

Ja̧danö, 'dukwachökwema wilubö wajwibo̧ itenöda baledaja̧ma. Wajwibö yöba̧lo̧, jelo̧ ötjönö kwakwaajabe ichejekwijayonö, ja̧danö ötjönö 'do'doajabe ichejekwijayonö omukwatökösa, jö̧ba̧lö. Otiwanö chomukwatibanö yemidanö o̧'do̧bu chowobö isakwö chi̧'ya, jö̧ba̧lo̧ 'yo̧. Jobekwö wilubö yöba̧lo̧ 'dukwachökwema. Chitji̧, jwebebö yötawakwö: ¡'Dukwachawö̧ tjowa̧li̧danöma kwowoko!

Proverbios 5:12

Ja̧ möle baledena jöka̧lakobe: —Jojodöma ötjönö pjatjatobö jwebebö yötjawijayonö cha̧ja̧kwijökötö. Nöinö chöpöjödijatö jwebebö yötjawi̧ma—jö̧ka̧lakobe—.

Juan 3:20

Ja̧danö, okobe deinö sulabenö ja̧badöma, dewinö dejati̧danö idejatobekwö 'ya̧wiböködö, sulabenö ja̧tji̧ öwaitjöda öwawapji jö̧ba̧lö.

Juan 7:7

Böjȩ jojodöma ökwödönö tjöpöjödokobe. ¿Tajawedö tjöpöjödobö ökwödönöma? Tjöpöjödoböma jwiobe. Jo̧kwaijayonö ötjönö yelösöda tjöpöjödobe. Jobadö sulabenö omukwatö ja̧tji̧ kabatökönö yötawobetjö̧ yelösöda tjöpöjödobe ötjönöma.