Proverbios 14:8 - Dios Iwene

⁸ Ja̧danö, ju'wibi yötawa: Ö'wiyawakwawönö omukwato̧ma jweinö 'ya̧kwawa di̧yajö jö̧ba̧lö, jelobekwö 'ya̧kwawa di̧yajö̧ jö̧ba̧lö waiso̧, jweinöda i̧'yakobetjö̧. Jobekwö i̧'yokobe jweinö omukwatö̧kö̧ma. Jo̧bama chi̧'yoböma chöwaisa, jö̧ba̧lö yöa̧lijayonö wajwibo̧. Itedada omöna yöba̧lo̧ chi̧'yakwa̧ma chöwaisa, jö̧ba̧lö. Jobekwö yöa̧lijayonö wajwiobetjö̧ jelobekwöda 'yo̧.

Proverbios 14:8 Iomraidhean Croise

Proverbios 11:18

Ja̧danö, ju'wibi yötawa: Sulabenö ja̧bo̧ma balada nöinö ujuna̧lobetjö̧, ötjöma ba̧kwȩlö̧jatebö otiwanö chö̧ja̧kwo̧sa, jö̧ba̧lö omukwato̧. Jobekwö omukwatijayonö jweinö omukwatokobe, u̧kwa baladama ba̧kwȩlö̧jatebö ujuna̧lö̧kakwo̧obetjö̧, 'dö̧ibakwa̧ jawa. Jo̧kwaijayonö Dios wei̧ a̧ja̧kwo̧ma jo̧ba otiwanö ö̧ji̧ mikwa baibanö Isabenö Jo̧ma jo̧banö ba̧kwȩlö̧jatebö otiwanö iyakwo̧. Ja̧danö, Isabenö Jo̧ iyi̧ma 'dö̧ibajökönö jawa.

Proverbios 12:5

Ja̧danö, ju'wibi yötawa: Dios wei̧ a̧ja̧kwö ju̧kwadöma jojodönö otiwanö, bakwemiinö edö omukwatadö. Jo̧bekwö tjo̧mukwatokobe sulabenö omukwatadöma. Jobadö sulabenö omukwatö ju̧kwadöma jojodönö omöna yöba̧lö, suli̧ tjöwaedoböda omukwatadö.

Proverbios 15:21

Ja̧danö, ju'wibi yötawa: Bakwo̧, jweinö omukwatö̧kö̧ma iteda ba̧kwȩlö̧jatebö omukwatökönö ö̧ji̧ma jwiinö ösödobe, otiwa, omukwatökönö chö̧ji̧ma chösöda, jö̧ba̧lö. Jo̧kwaijayonö otiwanö omukwato̧ma otiwanö omukwatö ö̧jobetjö̧ otiwanö jwaikwöda 'yo̧.

Proverbios 2:9

Ju'wibi yötawakwö chitji̧: Ötjö jwebebö yötawi̧ a̧ja̧kwö kwö̧jitjö̧ma kwöwaisachibakwo̧ja, a̧a̧a̧ Dios wei̧ a̧ja̧kwö chö̧jobö jo̧be, jö̧ba̧lö. Ja̧danö, ju'wibi: Ötjö jwebebö yötawi̧ a̧ja̧kwö kwö̧jitjö̧ma kwöwaisachibakwo̧ja̧, a̧a̧a̧ jojodönö chömöledönöbi ju'wedönöbi jweinöda omukwatö ja̧bö chö̧jobö jo̧be, jö̧ba̧lö. Ja̧danö ju'wibi: Ötjö jwebebö yötawi̧ a̧ja̧kwö kwö̧jitjö̧ma kwöwaisachibakwo̧ja, a̧a̧a̧ chömöledökwö, ju'wedökwöbi otiwanö ja̧nö, jweinöda yöba̧lö chö̧jobö jo̧be, jö̧ba̧lö. Chitji̧ jobekwö, ötjö yötawi̧ a̧ja̧kwö kwö̧jitjö̧ma jwaikwöda kwi̧'yakwo̧ja, otiwanö omukwatö.

Proverbios 8:20

Ötjöma Dios wei̧ a̧ja̧kwö, ja̧danö, jweinöda omukwatö ja̧bö jujusa.

1 Corintios 3:19

Jau chömöledö, böjȩ jojodö Aaa, biya̧ma waisakwawa ji̧ jö̧ba̧lö tjomukwati̧ma, Dios edemi waisakwawa jwii̧ jawaobe. Baikwö laebobe Dios iwene: Diosma böjȩtjö waisadönö ja̧bo̧, waisanö tjomukwati̧ma 'daliwa baibanö, jö̧ba̧lö laebobe.

Efesios 4:22

Chömöledö, ajayinöma kwomajadeduwinö ju'wida ba̧kwȩlö̧jatebö omukwatö ju̧kwiaköbinaduwobe. Ja̧danö, sulabenö ja̧köbaduwoböda jelobe omukwatinadöja, Aaa, sulabenö ja̧titjö̧ma otiwena, jö̧ba̧löda. Chömöledö, ja̧ kwomukwatinaduwama omönada kwomukwatinaduwobe. Babema ja̧ ajayinö kwomukwatinaduwama kabatakwawaduwi, balekwa, otiwi̧, 'yayi̧ jawa omukwatakwawa omukwatö.

Efesios 5:17

Jo̧kwaobetjö̧ mikwawökö jawama ja̧köbaduwa chömöledö. Dios ösödi̧da ja̧bö kwöwaisachibaduwo jö̧ba̧laduwi.

2 Timoteo 3:13

Jau Timoteo, sulabedöbi, Jesúsnö ösödadösa jö̧ba̧lö omöna yöba̧ladöbi ida̧ökö sulabenö ja̧tjobe babema, jo̧kwaijayonö 'dö̧ibaji̧ mölema jemi bajalekwönönö jwiinö sulabenö ja̧tjakobe, jojodönö omöna yöba̧löbi, omöna yöa̧lakwawa ösödöbi.

Santiago 3:13

Chö̧ja̧wo̧dö ökwödötjö bakwo̧, waisanö omukwato̧ma, ja̧danö, Dios iwene jweinö waiso̧ma jo̧ba öwaisi̧ma i̧sekwobö jo̧be. Ja̧danö ¿dakwö i̧sekwobö jo̧beda? Biya̧ chö̧ja̧wo̧dö: Bakwo̧, jweinö waiso̧ma jojodönö dösölö̧jinö pjabato̧. Jejenö dösölö̧jinö pjabatö i̧sekwobe, Ötjöma Dios öibökwesa waisanö chomukwatobö, jö̧ba̧lö.