Proverbios 13:23 - Dios Iwene

²³ Ja̧danö, ju'wibi yötawa: Ju'wikwenama usulaso̧ öbatjonö nöinö wa̧jobe, otiwanö. Jo̧kwaijayonö ja̧ wa̧ji̧ma sulabedöma tjö̧naukwobe.

Proverbios 13:23 Iomraidhean Croise

Proverbios 12:11

Ju'wibi yötawa: Batjo dösölö̧jinö otido̧ma ukwakwa̧ma juna̧lo̧, a̧wi̧chi̧ tjöbökönö jo̧. Jobekwö ujuna̧lokobe dösölö̧jinö otidö̧kö̧ma. Jo̧bama ju'wi jawabi, ju'wi jawa omukwatö jo̧ma. Jobekwö ju'wi jawa omukwatö, chotidobö jo̧be, jö̧ba̧lö omukwatokobetjö̧ jwiakwo̧.

Proverbios 12:14

Ja̧danö, ju'wibi yötawa: Bakwo̧ jojodönö otiwanö omukwatö yöbawo̧ma, iteda otiwanö omukwatö yöawi̧ mikwa baibanö böjȩnö ja̧nö otiwanö juna̧lo̧. Ja̧danö, dösölö̧jinö otido̧ma iteda dösölö̧jinö otidi̧ mikwa baibanö böjȩnö ja̧nö otiwanö juna̧lo̧.

Proverbios 27:18

Ju'wibi yötawa, wanedö: Higo towi te'ada̧lo̧ma ¿taji emakwo̧da? Jo̧bama higo towinö wa̧ji̧ opobiya 'döbö emo̧, ukwakwa̧ma. Ja̧danö, bakwo̧ tjuluwo̧nö otiwanö te'ada̧lo̧ma ¿dakwö emakwo̧da? Jo̧bama tjuluwo̧ ösödi̧ emakwo̧, bitema ötjönö otiwanö te'ada̧lo̧, jö̧ba̧lö ösödi̧ma.

Proverbios 28:19

Ja̧danö, ju'wibi yötawa: Batjo otiwanö otido̧ma ukwakwa̧ma juna̧lo̧, a̧wi̧chi̧ lö̧könö. Jobekwö ujuna̧lökakwo̧ jelo̧, ju'wi jawabi, ju'wi jawa omukwatö o̧'wo̧ tjö̧dekwö jo̧ma. Jo̧bama ujuna̧lobö otidokobetjö̧ kwakwawabi, baladabi jwibo̧da ö̧jakwo̧.

Deuteronomio 21:4

Ja̧danö omudawö junajadö, pakayasujunö öbibö tji̧'yobö ja̧kobe, jobe pjeanö wabeko, ojwe lȩkobe, ja̧danö ina batjo soböbi, ödebiya lödöbi tjotidokobema. Ja̧danö, jobe wabekobe ichibajadö, pakayasuju ju̧lu̧mea 'debatö lotjobö ja̧kobe, pakayasuju ö'wö bajibanö.