Proverbios 13:2 - Dios Iwene

² Ja̧danö, ju'wibi yötawa: Bakwo̧ jojodönö otiwanö omukwatö yöbawo̧ma, iteda otiwanö omukwatö yöawi̧ mikwa baibanö böjȩnö ja̧nö otiwanö ö̧jakwo̧. Ju'wibi yötawa: Jojodönö o̧'wo̧ sulinö edö omöna yöbawo̧ma ölakwabikwawö ö̧jobö isakwo̧.

Proverbios 13:2 Iomraidhean Croise

Proverbios 1:18

Isabenö yötawa: Ökwönö öibotö jö̧ba̧lö ichadö, sulabenö ja̧tjobö omukwatadöma pjiyuwa ediakwawö kö̧bajo̧danöböködö. Wajwibadö, idöda debö tji̧'yakwa̧ma. Jobadöma jelo̧nöda kwabö lotjobö tjo̧mukwatijayonö idödada debö tji̧'yakwedö.

Proverbios 1:31

Jobekwö, ötjö jwebebö yötawi̧ öpöjödö, sulabenö omukwatö kwö̧jaduwobetjö̧ yelösöda usula kwemawaduwakwedöja, sulabenö omukwatö kwö̧jaduwi̧ mikwa baibanö. Isabenö, ökwödö kwo̧'woduwi̧ okwa suli̧da su̧'bȩ ji̧danö kwana̧laduwobe, sulabenö kwomukwataduwi̧ma.

Proverbios 10:11

Ja̧danö, ju'wibi yötawa: Dios wei̧ a̧ja̧kwo̧ yöawi̧ma yöawökwenö pjaatakobe otiwanö ö̧jobö. Wanedö yötawa: Dios wei̧ a̧ja̧kwo̧ yöawi̧ma ojwese'do su̧'bȩ babibö welache'dotjö tjowi̧danö wanekwachobe. Ja'dotjö ojwiyo welachojobuma pjaatobe jojodönöma, ojwiyo o̧ti̧lö̧jökönö tjö̧jobö. Ja̧ ji̧danö, Dios wei̧ a̧ja̧kwo̧ yöawi̧tjö ja̧akwawa jawa welachobe, yöawökwema otiwanö ö̧jobö. Isabenö, Dios wei̧ a̧ja̧kwo̧ yöawi̧ma jwiinö mikwawobe, ja̧kwawa jawa yöawobetjö̧. Jobekwö mikwawokobe sulabenö omukwato̧ yöawi̧ma. Jo̧bama, o̧'wo̧ sulinö edö omukwati̧ma öwawökönö omönada yöba̧lo̧ jojodö tjöwaisachibapji sulabenö omukwati̧ma. Isabenö, jo̧ba yöawi̧ma mikwawokobe.

Proverbios 11:23

Ja̧danö, ju'wibi yötawa: Dios wei̧ a̧ja̧kwö ju̧kwadönö otiwanö baledakwawö̧. Jobekwö baledokobe sulabenö omukwatadönöma. Jobadö sulabenö omukwatadönöma lȩebakwa̧da baledakwawö̧.

Proverbios 12:14

Ja̧danö, ju'wibi yötawa: Bakwo̧ jojodönö otiwanö omukwatö yöbawo̧ma, iteda otiwanö omukwatö yöawi̧ mikwa baibanö böjȩnö ja̧nö otiwanö juna̧lo̧. Ja̧danö, dösölö̧jinö otido̧ma iteda dösölö̧jinö otidi̧ mikwa baibanö böjȩnö ja̧nö otiwanö juna̧lo̧.

Proverbios 18:20

Ja̧danö, ju'wibi yötawa: Jojodöma otiwanö omukwatö yöbawo̧ yöawi̧ tja̧ja̧kwena jwiinö tjösödobe. Kwakwawa jwiinö söi̧ jawa tjukwena tjösödi̧danö tjösödobe. Isabenö, tjo̧'wo̧ ösöwanö tjö̧jobe otiwanö omukwatö yöbawo̧ yöawi̧ tja̧ja̧kwena.

Proverbios 18:21

Ja̧danö, ju'wibi yötawa: Jojo yöa̧li̧ma juluwobe, ju'wedönö kwabö loi̧danöbi, tjö̧jibinö pjaati̧danöbi. Jo̧kwaobetjö̧ nöinö yöba̧lo̧ma baikwö omukwatobö jo̧be: Nöinö yöta̧li̧tjö jelo̧nö niatibitjö̧ma ötjöda jawa, jö̧ba̧lö.

Proverbios 4:17

Chitji̧ jobadö sulabenö omukwatadönö wanedö yötawakwö: Jobadöma sulabenö ja̧badö. Ja̧danö, sulabenö ja̧tji̧ma idöda tju̧kwa kwakwawa tjukwi̧danö ji̧. Ja̧danö, jobadöma ölakwabikwawö ja̧dö. Ja̧danö, ölakwabikwawö tjö̧ji̧ma idöda tjowi̧danö ji̧. Isabenö, jobadö tjö̧ji̧ma sulabenöda omukwatö ja̧dö.

Apocalipsis 16:6

Bidö lȩkebawö̧ma, ökwö kwömöledö babibinadönö kwabö lobinadö. Ja̧danö, ökwö yökawi̧ yöbawinadönö kwabö lobinadö. Yelösöda, bidö lȩkebawö̧ma, ökwö kwömöledönö tjökwösobu ebawinö kwabö lobinadö. Jo̧kwaobetjö̧, ökwöma otiwanö balekwa mikwa ja̧köbajabe jobadönöma, tjökwösobuda tjowobö— ángel Diosnö yöa̧lobe cha̧ja̧kwijatö.