Proverbios 13:15 - Dios Iwene

¹⁵ Ja̧danö, ju'wibi yötawa: Jojodöma otiwanö omukwato̧nö ösödadö, waiso̧, jö̧ba̧lö. Ja̧danö, ju'wibi yötawa: Jojodö tjo̧ma'apekwönö omöna yöba̧lo̧ma itedada wene jwöekwakwo̧.

Proverbios 13:15 Iomraidhean Croise

Proverbios 14:35

Ja̧danö, ju'wibi yötawa: Inesö la'aka luwo̧ma ömöayo̧nö, ö'wiyawakwawönö jo̧nö ösödo̧. Jobekwö ösödokobe inesö la'aka luwo̧ma jelo̧ ömöayonö, ö'wiyawakwawönö jö̧kö̧nöna. Jo̧banöma jwiinö ödameakwobe. Jo̧ba ömöayo̧ma ö'wiyawakwawönö ö̧jokobetjö̧ jojodöma sulabenö tjedobe la'aka luwo̧nöma. Jobekwö tjedobetjö̧ inesö la'aka luwo̧ma ömayo̧nö, ö'wiyawakwönö jö̧kö̧nöma lȩebobö jo̧be.

Proverbios 15:10

Ja̧danö, ju'wibi yötawa: Isabenö, bakwo̧, ajayinö Dios wei̧ a̧ja̧kwö ö̧jinatjö kabatibö jelobekwö omukwatö i̧'yajo̧nöma Dios jwiinö lȩebakwo̧. Ja̧danö, ju'wibi yötawa: Jwebebö yötjawi̧ öpöjödo̧ma isabenö debö i̧'yakwo̧.

Proverbios 3:4

Jobekwö kwö̧jitjö̧ma, Diosbi, jojodöbi ökwö kwö̧jobe edinö tjösödakobe kwö̧ji̧ma, otiwanö omukwatö jo̧ jö̧ba̧lö.

Proverbios 4:19

Ja̧danö, jobekwö 'yö̧kö̧dö sulabenö omukwatadöma. Jobadöma yȩa'wo okwa kwetjachi̧danö kwebachadö, edökönö. Ja̧danö, mebabinöda kwebachadö, tjöbajale tjewawadödanö.

Lucas 2:52

Ja̧danö Jesúsma otiwanö da̧peachöbi öda̧peachinobe, waisakwawa waisachöbi otiwanö öwaisachibinobe. Jo̧kwajabetjö̧ Diosbi, jojodöbi otiwanö omukwatö Jesúsnö tjösödinobe.

Hechos 7:10

José usula emawijayonö usula emawi̧tjö ö̧jibinö pjabatijetö Diosma. Ja̧danö, Egipto la'aka luwo̧ faraón, Josénö otiwanö edobö, Bitema waiso̧, jö̧ba̧lö, pjabatijetö Diosma. Ja̧danö, faraónma junijetö Josénöma iteda eju otikwa weawa jojo baibanö. Egiptonö ju̧kwadö tjuluwo̧ baibanöbi junijetö faraónma Josénöma—yöbawijetö Estebanma.

Romanos 6:21

Jejenö kwö̧jinaduwama, ¿taji mikwawinada chömöledö? Babema, ajayinö ja̧köbinaduwi̧ omukwatö, kwötabakwaduwobe, ¿jö̧tö? Ja̧danö, ju'wibi, jejenö ja̧awa mikwawi̧ma wobaleda.