Proverbios 12:1 - Dios Iwene

¹ Salomónma ju'wi jawa, ju'wi jawabi jwebebö yöawakwawa jawanö wanekwachi̧ma baikwö laebobe: Isabenö yötawa: Bakwo̧ jweinö omukwatö ö̧jobö isakwo̧ma jwebebö yötjawi̧ma ösödo̧. Ja̧danö, jwebebö yötjawi̧ öpöjödo̧ma jweinö omukwatokobe.

Proverbios 12:1 Iomraidhean Croise

Proverbios 10:8

Ja̧danö, ju'wibi yötawa: Jweinö omukwatö jo̧ma jo̧banö jwebebö yötjawi̧ma ösödo̧ otiwa jö̧ba̧lö. Jwebebö yötjawi̧danö a̧ja̧kwö ö̧jakwo̧. Jo̧kwaijwayonö, jweinö omukwatö̧kö̧ma jo̧banö jwebebö yötjawi̧ a̧ja̧kwökönö iteda omukwati̧ nöinö yöba̧lo̧. Jobekwö ö̧jobetjö̧ itedada wene jwöekwakwo̧.

Proverbios 11:31

Ja̧danö, ju'wibi yötawa: Dios wei̧ a̧ja̧kwadöma, bö̧jenö ja̧nö otiwanö tjö̧ji̧ mikwa baibanö iyawa emadö. Jobekwö Dios wei̧ a̧ja̧kwadö otiwanö tjȩmitjö̧ma sulabenö omukwatadöma ¿tajida tjȩmakwa̧jö? Isabenö yötawa: Sulabenö ja̧badöma sulabenö tjö̧ji̧ mikwa baibanö lȩekwada tjȩmakwedö.

Proverbios 12:2

Ja̧danö, ju'wibi yötawa: Isabenö Jo̧ma jwiinö ösödobe otiwanö omukwatadönöma. Jo̧kwaijayonö ösödokobe sulabenö omukwatadönöma. Jao, Isabenö Jo̧ma jwiinö öpöjödobe sulabenö omukwatadönö, ju'wedönö sulabenö tjöwaedakwa̧ jawa omukwatö tjo̧'wo̧ junadönöma. Isabenö Jo̧ma lȩtebocha jö̧ba̧lö jwiinö öpöjödobe jobadönöma.

Proverbios 15:10

Ja̧danö, ju'wibi yötawa: Isabenö, bakwo̧, ajayinö Dios wei̧ a̧ja̧kwö ö̧jinatjö kabatibö jelobekwö omukwatö i̧'yajo̧nöma Dios jwiinö lȩebakwo̧. Ja̧danö, ju'wibi yötawa: Jwebebö yötjawi̧ öpöjödo̧ma isabenö debö i̧'yakwo̧.

Proverbios 18:1

Salomón ju'wi jwebebö yöawakwawa jawanö wanekwachi̧ jawa baikwö laebobe: Isabenö yötawa: Bakwo̧ma, jojodötjö 'da̧bachibö, jo̧dawa'ye ö̧jobö ösödo̧ma otiwanö omukwatökönö jo̧. Jobekwö omukwatö jo̧ma iteda ösödi̧ omukwatö jo̧. Ju'wedö, jweinö omukwatadö jo̧banö jwebebö yötjawena jwiinö öpöjödö, ölakwabikwawöda ö̧jobe.

Proverbios 30:2

¡Ötjöwe! Ja'yubebi waisö̧kö̧sa, wajwibo̧sa. Jojo ichejekwö̧kö̧sa, jojo waisanö omukwati̧danö chomukwatokobetjö̧.

Proverbios 8:17

Ju'wibi yöbawuju: Ötjö, jweinö omukwatö ja̧kwawa wanekwachujuma ötjönö ösödadönö ösödujusa. Ja̧danö, ötjönö isakwadöma isabenö ötjönö tjöbadekwajakwedö.

Proverbios 8:32

Ina yöbawuju jweinö omukwatö ja̧kwawa wanekwachujuma, tjȩmu juna̧luju ji̧tji̧mu̧nö yöjawi̧danö. Baikwö yöbawuju: — Chitji̧mu̧, ajayitjöda jinujuchobetjö̧ ökwödönö yötawi̧ma kwa̧ja̧kwaduwobö jo̧be. ¡A̧ja̧kwaduwitjö! Yötawi̧ma a̧ja̧kwö kwö̧jaduwitjö̧ma kwo̧'wo̧ ösöwanö kwö̧jaduwakwedöja.

Proverbios 8:36

Jo̧kwaijayonö jelobekwö omukwatö 'yo̧ma, ötjönö öpöjödö itedada söbekwö loakwo̧. Isabenö, ötjönö öpöjödo̧ma woawa ösödöda jo̧— jobekwö yöbawuju isudada jweinö omukwatö ja̧kwawa wanekwachujuma.

Isaías 1:3

Isabenö ötjönö tjösödo jö̧tja̧lajabe Juda jojodöma, baikwö yötawa, Pakayadöma idöda tjuluwo̧nö waisadö, ja̧danö bu̧lu̧döma idöda tjuluwo̧ kwakwawa iyajiemi waisadö, jö̧tö? Ja̧danö, jobadö tjöwaisi̧danö, chömöledö israel jojodöma ötjönö tjöwaiso jö̧tja̧lajabe, Isabenö Jo̧ Diosda duluwo̧bo̧ma, jö̧ba̧lö, jo̧kwaijayonö wajwibadö. Jau, chömöledö israel jojodöma okwa jawa ja'yubebi omukwatöködö, pakayadötjöbi, buludötjöbi baikwönönö wajwibadö israel jojodöma.

2 Tesalonicenses 2:10

Ja̧danö, okobe jwiinö sulabenö omöna yöa̧lakwawama omöna yöa̧lakwo̧, Dios lȩebakwawö̧ jo̧banö tjösödakobetjö̧. Jau chömöledö, jobadö Dios lȩebakwawö̧ma isabenö wene tjösödinatjö̧ma tjö̧jibo jö̧tja̧linena, jo̧kwaijayonö tjöpöjödinobetjö̧ Dios lȩebakwawö̧ tjö̧jobe.