Proverbios 11:5 - Dios Iwene

⁵ Ja̧danö, ju'wibi yötawa: Otiwanö omukwatadöma Dios wei̧ a̧ja̧kwö tjö̧jobetjö̧ jweinöda 'ya̧jadö. Jo̧kwaijayonö sulabenö omukwatadöma sulabenöda omukwatö tjö̧jobetjö̧ jweinöma 'yö̧kö̧dö. Wanedö yötawa: Jobadö sulabenö omukwatö tjö̧ji̧ma jwiinö ömöki tje'ewi̧danö ji̧. Ja̧danö, jobadöma ömöki̧ e'ewö metji̧danö mebadö, jweinö 'yö̧kö̧dö.

Proverbios 11:5 Iomraidhean Croise

2 Samuel 17:23

Ja̧danö, pebibajadö, Davidbi jo̧bakwö kwebachadöbi tupakwö Majanayin comunidadbe tji̧'yinobe. Ja̧danö, Ajitofel waisanö lȩebaja̧ Absalon a̧ja̧kwiökökwe, Ajitofelma öwaisinobe, Davidnö ujuluwobö omukwati̧ waekwakobe jö̧ba̧lö. Jo̧kwajabetjö̧ ajwi bulu oma'anö wanawaka wanajo̧, bulunö wa̧nö ȩwa̧jinobe itebo comunidad Guilobe. Jobe ichibö, woaja̧ ikena jawa ömöledönö weinobe, ö'wö batibaja̧ ikenama chitea jawa baikwö ja̧baduwi jö̧ba̧lö. Ikenama, webajo̧, nubawö ö'wö baibinobe. Ikenama ömöledöma Ajitofelnö tjödinobe, abe'donö tjödinemi ötölanö. Ja̧danö, Absalonma israel jojodö ölakwabikwawa jojodökwö Jordan ojwe peibinobe, Davidnö lubö.

Diosnö ösödo̧ Job mikwo̧ usula emawina jawa 18:7

Ja̧danö ajayinö otiwanö tjujulunö kwetjachinajayonö, tji̧me'dawachibanö tjo̧'omanö kwetjachakwedö. Ju'wibi, ju'wedönö suli̧ tjöwaedobö tjomukwataja̧ma, idönöda baledakobe, suli̧ tjöwaekwi̧nö.

Proverbios 1:18

Isabenö yötawa: Ökwönö öibotö jö̧ba̧lö ichadö, sulabenö ja̧tjobö omukwatadöma pjiyuwa ediakwawö kö̧bajo̧danöböködö. Wajwibadö, idöda debö tji̧'yakwa̧ma. Jobadöma jelo̧nöda kwabö lotjobö tjo̧mukwatijayonö idödada debö tji̧'yakwedö.

Proverbios 11:3

Ja̧danö, ju'wibi yötawa: Otiwanö omukwatö ju̧kwadöma jweinöda yöba̧lö ju̧kwadö. Jobekwö tjö̧ji̧ma jobadönö öibi̧danö öibobe jwaikwöda tji̧'yobö. Jobekwö tjö̧jokobe ju'wedönö sulabenö omukwatadöma. Jobadöma omöna yöba̧ladö jojodönö jelobekwö öbibö. Ja̧danö, jobekwö sulabenö omukwatö tjö̧jobetjö̧ idödada wene jwötjekwakwedö.

Proverbios 12:3

Ja̧danö, ju'wibi yötawa, wanedö: Dios wei̧ a̧ja̧kwö jo̧ma 'diinö ö̧jobe, yebabökönö. Jo̧bama towi bö'diya niji teebe okwa dötewowidanö jo̧, 'diinö ja̧nö, 'yeawaöködanö. Ja̧danö, sulabenö omukwatö jo̧ma jobekwö, 'diinö ö̧jokobe. Jo̧bama sulabenöda omukwatö ö̧jobetjö̧ yebabinö, o̧'wo̧ tjo̧bekwö jo̧.

Proverbios 13:6

Ja̧danö, ju'wibi yötawa, du̧ju̧tajanö wanedöma, Dios wei̧ a̧ja̧kwo̧nöbi, sulabenö omukwato̧nöbi: Dios wei̧ a̧ja̧kwö jo̧ma itedada a̧ja̧kwö ö̧ji̧ma pjaatobe sulabenö baledi̧tjö ö̧jibanö. Isabenö, itedada Dios wei̧ a̧ja̧kwö ö̧ji̧ma tjöeba̧li̧danö jo̧be, jo̧banö tjöeba̧lö. Jobekwö baledokobe sulabenö omukwato̧ma. Jo̧ba sulabenö omukwatö ja̧i̧ma itenöda wene jwöebakobe.

Proverbios 14:32

Ja̧danö, ju'wibi yötawa: Dios wei̧ a̧ja̧kwö jo̧ma, otiwanö ja̧bö ö̧ji̧ma jo̧banö ite'ada̧li̧danö te'ada̧lobe labi̧ jawatjö ö̧jibinö. Jobekwö baledokobe sulabenö omukwato̧nöma. Sulabenö omukwato̧ ö̧ji̧ma itenöda nöinö wene jwöebakwa̧, wene ujuna̧li̧tjö̧ ö̧jibökönö.

Proverbios 15:19

Ju'wibi yötawa, du̧ju̧tajanö wanedö, 'du̧wekwo̧nöbi, Dios wei̧ a̧ja̧kwo̧nöbi: Ja̧danö, 'du̧wekwo̧ma otidobö ji̧jayonö, dakwö chotidakwa̧jö nöa, jö̧ba̧lö, chotidökena, jö̧ba̧lö otidokobe. Jo̧ba 'du̧wekwo̧ma sȩa'wonö kwebachö, ba̧ja̧ ö̧'i̧ya tjöeba̧lökwedanö wanekwacho̧, dakwö kwetachakwa̧jö sȩa, jö̧ba̧lö. Okobe jwiinö, chotidoböma waiya jö̧ba̧lö omukwatobetjö̧ otidokobe. Jo̧kwaijayonö, Dios wei̧ a̧ja̧kwo̧ma dösölö̧jino otidobetjö̧ jweamanö, suli̧ tjöeba̧lakwawa jwii̧ mananö jweinöda kweachobedanö wanekwacho̧.

Proverbios 21:29

Ja̧danö, ju'wibi yötawa: Sulabenö omukwato̧ma ju'wi jawabi ju'wi jawa chöwaisa, jö̧ba̧lö yöa̧lijayonö wajwibo̧. Wajwiijayonö omöna yöa̧lobe, chöwaisa jö̧ba̧lö. Wajwibo̧. Jobekwö omukwatokobe otiwanö omukwatö jweinö yöba̧lo̧ma. Jo̧bama ajayinö ö'wiyawakwawönö omukwatobe, baledakwa̧ öwaisakobetjö̧.

Proverbios 28:18

Ja̧danö, ju'wibi yötawa: Otiwanö omukwatö, jweinö yöba̧lö jo̧nöma labi̧ baledi̧tjö ö̧jibinö pjatjatökwe. Jobekwö baledokobe sulabenö omukwatö jo̧nö. Sulabenö omukwatö jo̧nöma ö̧jibi̧ jwibo̧, juluwanö söbebö lotjakwo̧.

Proverbios 3:6

Okobe jwiinö kwi̧'yenabi Isabenö Jo̧nö kwo̧'wo̧ wa̧na̧lö kwö̧jo, jo̧ba ökwönö öiboböda kwösödo. Jobekwö Isabenö Jo̧nöda kwo̧'wo̧ wa̧na̧lö kwö̧jitjö̧ma jweinö kwi̧'yobö, jwei̧ mananöda öibakwo̧.

Proverbios 5:22

Ju'wibi yötawakwö chitji̧, wanedö: Bakwo̧ ö̧jobe ba̧kwȩlö̧jatebö sulabenö omukwatö ja̧baibo̧ma. Ja̧danö, jo̧ba sulabenö ja̧inama jo̧banö do̧tja̧li̧danö do̧a̧lobe jo̧banöma. Ja̧danö, a̧la̧chi'bonö tjunu'yajökwedanö bo̧, ejachibö dilachibökönö, sulabenö ja̧inobetjö̧.

Isaías 26:7

Jo̧kwaijayonö otiwadösa jö̧ba̧ladö tjitebo comunidad pjolö loijayonö, Dios wei̧ a̧ja̧kwö ja̧dönö pjabato̧ Diosma, ba̧ba̧lawobe kwetjachobö pjabato̧. Jau chuluwo̧ Dios, weköbi̧ a̧ja̧kwadönö pjabatö, mana ba̧ba̧lawamanö kwetjachobö pjabato̧ja.

Jueces 20:41

Ja̧danö ju'wedö israel jojodöma jalachibö metji̧benama, Benjaminsaso jojodöma waisachibö yetjaibinobe, —¡Ökwödöwe! Isabenö söbebö lotjakwawö̧sa, —jö̧ba̧lö.