Proverbios 10:7 - Dios Iwene

⁷ Ja̧danö, ju'wibi yötawa: Dios wei̧ a̧ja̧kwö ji̧abina debö i̧'yajabe okobe jojodöma tjo̧'wo̧nö omukwatabinö omukwatadö jo̧banöma, otiwanö ji̧abina, jö̧ba̧lö. Jobekwö tjo̧mukwatokobe sulabenö omukwatö ji̧abinanöma. Sulabenö omukwatö ji̧abina debö i̧'yajabe okobema jojodöma jo̧banöma tjo̧mukwatokobe, juluwanö tjo̧'wo̧ sötjibökwe.

Proverbios 10:7 Iomraidhean Croise

1 Reyes 11:36

Jo̧kwaijayonö jwiinö 'dötebökakwo̧sa, Salomon itji̧ la'aka luwo̧ ö̧ji̧ma, ina bakwaso la'aka luwo̧ ö̧jobö chujunibakwo̧sa. Jau, Jerusalen comunidad 'da̧batö chujunajabe, ötjö Isabenö Jo̧ chitebo comunidad baibanö, ja̧danö chömöayo̧mine David itji̧mu tupadanö jojodö ba̧kwelöjatebö jobe Jerusalentjö chöba a'otjö luwedö tjö̧jobö chösödobetjö̧, ina jobe bakwaso la'aka luwo̧ ö̧jobö wetakwo̧sa.

Diosnö ösödo̧ Job mikwo̧ usula emawina jawa 18:17

—Ökwödajayo̧ sulabo̧nö, bakobenö tjo̧'wo jwitjibakwo̧ bö̧jetjöma, iteda itebotjö bakwo̧bi omukwatibökakwo̧ jo̧banöma.

Diosnö ösödo̧ Job mikwo̧ usula emawina jawa 24:20

Ja̧danö, juluwanö debi batjibiawö̧, okobe deinö juluwanö tjo̧'wo jwitjibakwedö jobadönö, idöda tjojo'dodöbi juluwanö tji̧tji̧mu sulabedönö tjo̧'wo jwitjibakobe. Jau, towi juluwanö jubö lotji̧danö, juluwanö ö'wö babibö, sa̧dö tjukwakwawö̧ batjibakwedö sulabedöma, –jö̧ba̧lö yöka̧laduwobe, jo̧kwaijayonö juluwanö lȩebö̧kö̧wö̧.

Diosnö ösödo̧ Job mikwo̧ usula emawina jawa 27:23

Jejenö döibajotö jö̧ba̧lö ö'öakwawijayonö, jwa̧lȩ'epjoma jo̧banö oakobe ichejekwa, ja̧danö jo̧banö so̧wia̧lakobe ichejekwa, –Döibakwawa jwibo̧ja, —jö̧ba̧lö wanedö yöa̧linobe Jobma.

Proverbios 22:1

Salomón ju'wi jwebebö yöawakwawa jawanö wanekwachi̧ jawa baikwö laebobe: Isabenö yötawa: Jojodöma ökwönö edö, otiwanö omukwatö jo̧ jö̧ba̧lö tjöwaisachibi̧ma jwiinö mikwawobe. Isabenö, balada, kwitea nöinö kwujuna̧li̧tjö̧ bajalekwönönö mikwawobe jojodö ökwönö edö, otiwanö omukwatö jo̧ jö̧ba̧lö tjöwaisachibi̧ma. Ja̧danö, oro, plata nöinö kwujuna̧li̧tjö̧ bajalekwönönö mikwawobe jojodö ökwönö edö tjösödi̧ma, Otiwanö omukwato̧, jö̧ba̧lö.

Isaías 14:22

Jau, isabenö Dios lȩebakobe Babilonia jojodönö, baikwö laebobe Isabenö Jo̧, Okobe Jwiinö Juluwo̧ Dios yöawi̧ma: —Ötjöma a̧la̧ibö jobadönö chölakwabikwawakwo̧sa, ja̧danö babe Babilonia comunidad imi a̧ja̧kwö, –Inesö juluwadö tjö̧jemi, –jö̧ba̧lö tjomukwatijayonö, imi söbebö lotajobedanö ja̧kobe, bakobe Babilonia jojodö tjujulu söbebö lotakobetjö̧, ja̧danö ji̧badö deinö jobadönö söbebö lotakobetjö̧. Jau, jobe ju̧kwadö tji̧tjimunöbi, tji̧tji̧mu tupadanö jojodönöbi söbebö lotocha, Babilonia comunidadma bakobe ji̧badö deinö ja̧kobetjö̧.

Marcos 14:9

Isabenö jö̧ta̧la ökwödönö. Böjȩ bakwameachibanö Dios jawa otiwa wene yötjawenama, bisu tojebaja̧ yötjawakwedö, jojodöma jobuju otiwanö ji̧sebina tjomukwato jö̧ba̧lö—jö̧ba̧lijetö Jesúsma.

Lucas 1:48

Diosma ötjö jo̧ba ömöayuju mikwawökujunö lȩlö̧jinö edobetjö̧. Ja̧danö jejenö lȩlö̧jinö ötjönö edobetjö̧, tupakwö bajalenö okobe deinö tji̧tji̧mu tupadanö jojodöma ötjönö ötjabikobe, Dios otiwanö pjaatinoko jö̧ba̧lö.