Proverbios 1:5 - Dios Iwene

⁵ Ja̧danö, ju'wibi yötawaduwakwö chömöledö: Sule möayedönödamaökö, ökwödö damönöbi, ida̧ökö jweinö omukwatö ju̧kwadönöma, Salomón jwebebö yöawakwawa jawa kwa̧jakwaduwobö jo̧be, ajayi jweinö omukwatö kwö̧jaduwaja̧tjö̧ bajalekwönönö jweinö omukwatö kwö̧jaduwobö. Ja̧danö, ökwödötjö ju'wedöma ju'wi jawabi ju'wi jawa, di̧ya sulojobö jö̧ba̧lö, di̧ya otiwojobö, jö̧ba̧lö waisadöja. Ja̧ kwöwaisaduwi̧ma jweeba̧lobedanö ökwödönö öbibö jwȩeba̧lobe,

Proverbios 1:5 Iomraidhean Croise

Diosnö ösödo̧ Job mikwo̧ usula emawina jawa 34:10

—Jo̧kwajabetjö̧ ökwödö okwa jawa waisanö omukwatadöma, baikwö yöta̧lakwa̧ kwa̧ja̧kwaduwo: Diosma la'akatjöda sulabenö ja̧bö̧kö̧, Okobe Jwiinö Juluwo̧ma ja'yubebi sulabenö ja̧bö̧kö̧.

Diosnö ösödo̧ Job mikwo̧ usula emawina jawa 34:16

Tupakwö yöa̧linobe Eliuma: —Job, ökwöma okwa jawa waisanö omukwato̧ kwö̧jitjö̧ma, bi̧ya yötawakwa̧ a̧ja̧kwö kwomukwato, chiwene ökwöi̧ a̧ja̧kwö, otiwanö kwomukwato:

Diosnö ösödo̧ Job mikwo̧ usula emawina jawa 34:2

—Ökwödö –Waisanö omukwatadösa, nöinö waisakwawa jawa waisachadösa, –jö̧baladöma, yöta̧li̧ kwa̧ja̧kwaduwo.

Diosnö ösödo̧ Job mikwo̧ usula emawina jawa 34:34

—Ju'wedö okwa jawa waisanö omukwatadöma, yöta̧li̧ a̧ja̧kwö yötja̧lena,

Proverbios 12:1

Salomónma ju'wi jawa, ju'wi jawabi jwebebö yöawakwawa jawanö wanekwachi̧ma baikwö laebobe: Isabenö yötawa: Bakwo̧ jweinö omukwatö ö̧jobö isakwo̧ma jwebebö yötjawi̧ma ösödo̧. Ja̧danö, jwebebö yötjawi̧ öpöjödo̧ma jweinö omukwatokobe.

Proverbios 14:6

Ja̧danö, ju'wibi yötawa: Bakwo̧, jweinö omukwatö ja̧kwawa yötjawi̧ öpöjödö obo̧ma la'akatjöda jweinö omukwatö ö̧joböma öwaisachibökakwo̧. Öwaisachiboböma waiya. Jobekwö waiyökökwe di̧ya sulojobö jö̧ba̧lö, di̧ya otiwojobö jö̧ba̧lö waiso̧ma. Jo̧ba waiso̧ma ju'wi jawabi ju'wi jawa öwaisachiboböma waiyökökwe.

Proverbios 18:15

Ja̧danö, ju'wibi yötawa: Waisanö omukwato̧ma iteda ida̧ökö öwaisi̧tjö bajalekwönönö öwaisachibakwo̧. Jao, jo̧ba jweinö omukwato̧ma ba̧kwȩlö̧jatebö jemi bajalekwönönö öwaisachibobö isakwo̧.

Proverbios 19:25

Ja̧danö, ju'wibi yötawa: Sulabenö obo̧nö kwakwabö lȩtjebobe edö wajwibo̧ma jo̧banö edinö öwaisachibena, jobekwö sulabenö omukwatö otoböma jwiobe, jö̧ba̧lö. Ja̧danö, ju'wibi yötawa: Di̧ya sulojobö jö̧ba̧lö, di̧ya otiwojobö waiso̧ma, itenö jwebebö yötjawi̧ma ösödobe, otiwa jö̧ba̧lö. Isabenö jo̧bama belö öwaisinatjö bajalekwönönö öwaisakwo̧ jo̧banö jwebebö yötjawi̧ ösödobetjö̧.

Proverbios 21:11

Ja̧danö, ju'wibi yötawa: Sulabenö obo̧nö kwakwabö lȩtjebobe edö wajwibo̧ma jo̧banö edinö öwaisachibena, jobekwö sulabenö omukwatö otoböma jwiobe, jö̧ba̧lö. Ju'wibi yötawa: Jweinö omukwato̧ma, ju'wedö jweinö omukwatadö yötjawi̧ a̧ja̧kwö waisachibo̧. Jobekwö öwaisachibobetjö̧ ajayinö öwaisinatjö bajalekwönönö waiso̧ ö̧jakwo̧.

Proverbios 8:33

Jwebebö yötawi̧ma ö'wiyawakwawönö a̧ja̧kwaduwi, jweinö omukwatö ja̧kwawama kwöwaisachibaduwobö. Ja̧ yötawi̧ma kwöpöjödaduwoko.

Proverbios 9:8

Jo̧kwaobetjö̧, jwebebö yötawaduwakwö: Jelo̧nö edö obo̧nöma jwebebö yökawaduwoko, o̧'wo̧ sulinö edöda ökwödönö jwiinö öpöjödakwo̧. Jo̧banö jwebebö yökawaduwoböma jwiyobe. Jobekwö omukwatokobe jweinö omukwato̧ma. Jweinö omukwato̧nö jwebebö yökawaduwitjö̧ma ökwödönöma otiwanö edö ösödakwo̧, otiwanö pjakataduwobe, jö̧ba̧lö.

Proverbios 9:9

Isabenö, jweinö omukwatö jo̧nö jwebebö yökawaduwitjö̧ma jweinö omukwatemitjö̧ bajalekwönönö jweinö omukwatakwo̧. Ja̧danö, Dios wei̧ a̧ja̧kwö jo̧nöbi pjabatö yökawaduwitjö̧ma öwaisemitjö̧ bajalekwönönö öwaisachibakwo̧.

1 Corintios 10:15

Waisadöja chömöledö, waisanö kwomukwataduwo jö̧ba̧lö. Jo̧kwajabetjö̧, baikwö labebö lobö yötawa, ja̧danö ökwödöma a̧ja̧kwö kwomukwataduwo, jweinö yötawojobö, ö'öbönö yötawojobö jö̧ba̧lö chömöledö.

Deuteronomio 4:6

Isabenö teada̧lönö yötawi̧ jawa a̧ja̧kwö kwö̧jaduwobö jo̧be chömöledö, suli̧ jawa öpöjödö, waisanö otiwi̧ jawada do̧balö̧ kwö̧jaduwi̧ wene öwawakobetjö̧. Jau chömöledö, otiwanö Dios wei̧ ökwödönö yötawi̧ jawa a̧ja̧kwö kwö̧jaduwitjö̧ma, ju'wedö tjitebokwena jojodöma Dios wei̧ a̧ja̧kwö kwö̧jaduwi̧ma tja̧ja̧kwakwedö. Ja̧danö, a̧ja̧kwö, ökwödönö yötja̧lakwedö, –Israel jojodöma isabenö waisanö omukwatadötjobetjö̧, Dios wei̧ otiwanö a̧ja̧kwadö, –jö̧ba̧lö.