Proverbios 1:22 - Dios Iwene

²² Baikwö jojodönöma yöbawuju: — Ökwödöma ina jweinö omukwatö kwö̧jaduwoböma kwomukwataduwokobe, kwöpöjödaduwobe, jo̧kwada omukwatökönö dö̧ja, jö̧ba̧lö. ¡Tjo̧wi̧! Babema kwö̧jaduwi̧ma kabatakwawaduwi— yöbawuju. Ina yöbawuju: —Ökwödöma sulabenö oböda obadöja̧. Jweinö omukwatö ja̧kwawa jawa yötjawi̧ oböda obadöja. Isabenö ököbaduwoböda ösödadöja̧. ¡Tjo̧wi̧! Babema jobekwö kwö̧jaduwi̧ma kabatakwawaduwi— yöbawuju. Ina yöbawuju: —Ökwödöma waisanö omukwatöködöja, ja̧danö jweinö omukwatö kwöwaisachibaduwoböma kwöpöjödaduwobe. ¡Tjo̧wi̧! Babema jobekwö omukwatö kwö̧jaduwi̧ma kabatakwawaduwi— jobekwö yöbawö jwöbuju, jweinö omukwatö ja̧kwawa wanekwachujuma.

Proverbios 1:22 Iomraidhean Croise

Diosnö ösödo̧ Job mikwo̧ usula emawina jawa 34:7

Bakwo̧bi Job yöa̧li̧danö yöba̧lo̧ma ö̧jenaji̧? Bakwo̧bi Job sulabenö Diosnö yöa̧li̧danö yöba̧lo̧ma ö̧jenaji̧? Kabatökönö jejenö sulabenö yöa̧lobö ösödo̧ ichejekwa, –Sulabenö ja̧tököjayonö, Dios sulabenö usula chemawinö weökwesa, –jö̧ba̧lö.

Éxodo 10:3

Jo̧kwaobetjö̧ Aarón, Moisés faraón ö̧bobekwö 'ya̧nö jo̧banö yöbawijadötö: —Isabenö Jo̧ma, hebreo jojodö tjuluwo̧ Diosma ökwönö baikwö yöawobe: —¿Dokwa lekwe ötjö weti̧ kwomajadenö jwiinö öpöjödö kwa̧ja̧kwökakwa̧da? Chömöledönö kabatakwawi ötjönö ösödö iyö tji̧'yo.

Éxodo 16:28

Jemi ikenama Isabenö Jo̧ma Moisésnö jö̧ba̧lijetö: —Israel jojodönö baikwö yöbawi: ¿Tajawedö kwa̧ja̧kwaduwokobeda ötjö weti̧ma? Ja̧danö, kwö̧jaduwobö yötawi̧bi ¿tajawedö a̧ja̧kwökönö kwö̧jaduwobeda?

Proverbios 1:21

Jao, jobuju jweinö omukwatö ja̧kwawa wanekwachujuma mö nöchachibö ja̧nö jojodönö jwebebö yöbawö jwöbuju. Ja̧danö, jojodö tjuju̧kwena teachakwawenabi, jobe ja̧nö jojodönö yöbawö jwöbuju, jweinö omukwatö ja̧kwawa wanekwachujuma.

Proverbios 1:29

Ja̧danö, ina yöbawuju: —Isabenö ötjönö abeba̧lö, pjabati, jö̧ba̧lö akeba̧laduwijayonö cha̧ja̧kwökakwujusa ökwödönöma, jwebebö yötawi̧ a̧ja̧kwö kwöwaisachibaduwobö kwöpöjödinaduwobetjö̧. Ja̧danö, Isabenö Jo̧nö yebabinö kwomukwatinaduwokobetjö̧ ökwödönö cha̧ja̧kwökakwujusa akeba̧laduwi̧ma —yöbawuju—.

Proverbios 1:32

Isabenö yötawaduwakwö: Ötjö yötawi̧ öpöjödö jelobekwö omukwatadöma wajwitjobe jweinö omukwatö tjö̧ji̧ma. Ja̧danö, yötawi̧ tjöpöjödobe, da̧ja̧kwobö jwiobe, da̧ja̧kwokobe, jö̧ba̧lö. Jo̧kwaobetjö̧ yelösöda söbebö lotjakwawö̧.

Proverbios 1:4

Ja̧danö ju'wibi yötawaduwakwö: Ökwödötjö ju'wedöma ina jweinö kwomukwataduwobö wajwibadöja. Salomón jwebebö yöawakwawa jawanö wanekwachi̧ jawa a̧ja̧kwö kwomajadeduwinö meitjö̧ma ökwödönö pjaatakobe ö'wiyawakwawönö kwö̧jaduwobö. Ja̧danö, Salomón jwebebö yöawakwawa jawanö wanekwachi̧ jawama ökwödötjö möayedönö öbibo̧danö jweinö öibakobe tjöwaisachibakobetjö̧ ju'wi jawabi ju'wi jawa. Ja̧danö, jobadönö jweinö öibakobe ja̧tjakwa̧ma ajayinö otiwanö tjo̧'wo̧nö tjo̧mukwatobö.

Proverbios 1:7

Chömöledö, isabenö yötawaduwakwö: Jweinö omukwatö kwö̧jaduwobö jö̧ka̧laduwitjö̧ma abönö baikwö kwomukwataduwobö jo̧be: Isabenö Jo̧nö yebabinö kwomukwataduwobö jo̧be, ökwöda, jö̧ba̧lö. Chömöledö, jweinö omukwatö kwö̧jaduwoböma kwisakwaduwo, ja̧danö jwebebö yötjawi̧ a̧ja̧kwö kwö̧jaduwo, otiwa jö̧ba̧lö. Sule sulabenö omukwatö ju̧kwadöda tjöpöjödobe jweinö omukwatö tjö̧joböma. Ja̧danö, sule sulabenö omukwatö ju̧kwadöda tjöpöjödobe jwebebö yötjawi̧ jawa tja̧jakwoböma.

Proverbios 14:6

Ja̧danö, ju'wibi yötawa: Bakwo̧, jweinö omukwatö ja̧kwawa yötjawi̧ öpöjödö obo̧ma la'akatjöda jweinö omukwatö ö̧joböma öwaisachibökakwo̧. Öwaisachiboböma waiya. Jobekwö waiyökökwe di̧ya sulojobö jö̧ba̧lö, di̧ya otiwojobö jö̧ba̧lö waiso̧ma. Jo̧ba waiso̧ma ju'wi jawabi ju'wi jawa öwaisachiboböma waiyökökwe.

Proverbios 15:12

Ja̧danö, ju'wibi yötawa: Ju'wedönö sulabenö obo̧ma jo̧banö jwebebö yötjawi̧ma öpöjödo̧. Ja̧danö, jwebebö yötjawi̧ öpöjödobetjö̧ jweinö omukwatadö tjö̧jelö ödökwönönö jo̧, jo̧banö jwebebö yötjawapji jö̧ba̧lö.

Proverbios 19:29

Ja̧danö, ju'wibi yötawa: Diosma itenöda obadönöma lȩebakwa̧ ida̧ökö ujuninobe. Ja̧danö ju'wibi yötawa: Jweinö omukwatökönö ja̧badönö kwakwabö lȩtjebobö jo̧be.

Proverbios 21:11

Ja̧danö, ju'wibi yötawa: Sulabenö obo̧nö kwakwabö lȩtjebobe edö wajwibo̧ma jo̧banö edinö öwaisachibena, jobekwö sulabenö omukwatö otoböma jwiobe, jö̧ba̧lö. Ju'wibi yötawa: Jweinö omukwato̧ma, ju'wedö jweinö omukwatadö yötjawi̧ a̧ja̧kwö waisachibo̧. Jobekwö öwaisachibobetjö̧ ajayinö öwaisinatjö bajalekwönönö waiso̧ ö̧jakwo̧.

Proverbios 21:24

Ja̧danö, ju'wibi yötawa, wanedö: Bakwo̧ okobe jwiinö otiwi̧ jawa öpöjödö obo̧ma ö̧jobe. Jo̧bama ju'wedönö nijakwönönö edö jo̧, ötjödasa, jö̧ba̧lö. Ba̧kwȩlö̧jatebö iteda ösödi̧ ja̧bo̧, ju'wedönö pjabatökönö.

Proverbios 22:3

Ja̧danö, ju'wibi yötawa: Isabenö, ö'wiyawakwawönö omukwato̧ma labi jawa baledakwa̧ waiso̧, chedemi labinö baledakobe, jö̧ba̧lö. Jobekwö öwaisasobetjö̧ itedada te'ada̧lo̧, labi̧ jawa baledobekwöma i̧'yapji jö̧ba̧lö. Jobekwö omukwatokobe jweinö omukwatobö wajwibo̧ma. Jo̧bama omukwatökönö labi̧ jawa baledobekwö 'yo̧. Ja̧danö, labobekwö i̧'yobetjö̧ yelösöda usula emawakwo̧.

Proverbios 3:34

Ja̧danö, ju'wibi yötawakwö chitji̧: Isabenö Jo̧ma sulabenö omukwatö obadönöma öpöjödö obo̧. Jo̧kwaijayonö öpöjödokobe Isabenö Jo̧ma baikwönönö ja̧dösa, jö̧ba̧lö omukwatadönöma. Jobadö baikwönönö ja̧dösa jö̧ba̧lö omukwatadönöma ösödö pjabato̧ Isabenö Jo̧ma.

Proverbios 5:12

Ja̧ möle baledena jöka̧lakobe: —Jojodöma ötjönö pjatjatobö jwebebö yötjawijayonö cha̧ja̧kwijökötö. Nöinö chöpöjödijatö jwebebö yötjawi̧ma—jö̧ka̧lakobe—.

Proverbios 6:9

Ja̧danö, ökwöma jobekwö ¿kwotidobeji̧? Kwotidokobe, ‘du̧wekwo̧ja. Aba̧löda kwaba̧lobe. ¡Wiluibö a̧la̧ibi!

Proverbios 7:7

Ja̧danö, chedemi möayedö ömadö tjö̧jinobe, waisanö tjo̧mukwatobö wajwibadöma. Ja̧danö, jobadötjö bakwo̧ jwiinö omukwatö̧kö̧ ö̧jinobe.

Proverbios 8:5

Ökwödötjö ju'wedöma ö'wiyawakwawönö kwomukwatakwawaduwobö ina wajwiköbaduwobe. Ökwödö wajwibadönö yötawa: Ö'wiyawakwawönö kwomukwataduwobö kwöwaisachibaduwakobetjö̧ a̧ja̧kwaduwitjö. Ja̧danö, ökwödö jweinö omukwatöködönö yötawa: Di̧ya sulojobö jö̧ba̧lö, di̧ya otiwojobö jö̧ba̧lö kwöwaisachibaduwakobetjö̧ ¡a̧ja̧kwaduwitjö!

Mateo 17:17

Jejenö yöa̧lökwe, Jesúsma yöa̧linobe: —Ökwödö babe möle ju̧kwadöma sulabenö omukwatadöja, ja̧danö Dios ujulu otiwanö ösödöködöja. ¿Dokwa lekwe ökwödökwö chö̧jakwa̧jö, otiwanö jweinö kwomukwataduwenanö kabatöma?— jö̧ba̧lö. Ikenama Jesúsma weinobe: —Tjemunö baikwö ichejebinö— jö̧ba̧lö.

Mateo 23:37

Jesúsma Jerusalénnö ju̧kwadönö o̧'wo̧ tjo̧achö yöa̧linobe: —Ökwödö Jerusalénnö ju̧kwadöwe. Ökwödöma Dios yöawi̧ yöbawadönö kwabawö lobadöja, ja̧danö ökwödönö yötjawobö Dios weawö̧nö inawiya ikwawö lobadöja. Isabenö nöinö ökwödönö wo̧batö chite'ada̧lobö chösödijatö, akalasuju ji̧tji̧munö jo̧wa̧ja̧pa̧ teebe ko̧ko̧dö junö jite'ada̧li̧danö, jo̧kwaijayonö kwöpöjödaduwobe.

Mateo 9:13

Ja̧danö jemi tupakwö weinobe jobadönö: —Biya̧ Dios iwene laebi̧ jawa waisachajaduwi, okwanö laebi̧ kwöwaisachibaduwobö, baikwö laebi̧ma: Inesö chösödi̧ma ajikwakwawedönö kwabö juwö kwiyaduwobömaökö, inesö chösödi̧ma lȩlö̧jinö edö jojodönö pjakataduwobö, jö̧ba̧lö laebobe. Ja̧danö, ötjöma otiwadösa jö̧ba̧lö omukwatadönö jwöböma ichö̧kö̧sa. Sulabedösa jö̧ba̧lö waisadönö jwöbö icho̧sa— jö̧ba̧lö yöawinobe.

Lucas 19:42

—Ayö, ökwödö Jerusalénnö ju̧kwadöwe. Isabenö kwo̧'wo̧ ösöwanö wene jwiinö kwö̧jaduwobö ji̧nobe, ja̧danö babebi otiwanö Dios pjaati̧ edö kwöwaisachibaduwitjö̧ma otiwo jö̧a̧lena. Jo̧kwaijayonö kwöpöjödaduwobetjö̧ Dios pjaati̧ma tojawobedanö ichejekwa, waisachibö kwö̧jibaduwapji jö̧ba̧lö.

Juan 3:20

Ja̧danö, okobe deinö sulabenö ja̧badöma, dewinö dejati̧danö idejatobekwö 'ya̧wiböködö, sulabenö ja̧tji̧ öwaitjöda öwawapji jö̧ba̧lö.

2 Pedro 3:3

Jau chömöledö, inesö kwöwaisaduwobö ji̧ma biya̧: 'Dö̧ibaji̧ mölema, sulabenö obadö tjichakobe, idöda tjösödi̧ jawada ja̧bö ju̧kwadöma. Jobadöma ökwödönö obö

Apocalipsis 22:17

Ikenama Dios O̧'wo̧ Luwo̧ma, Obeja Itji̧danö Jo̧ ilekwo baibanö emakwujukwö Jesúsnö jwötjobe cha̧ja̧kwijatö, Baikwö ichi, jö̧ba̧lö. Ja̧danö, jojodönöbi jwöobe cha̧ja̧kwijatö, Ökwödöbi bi'ye yöawi̧ a̧ja̧kwadöma, Jesúsnö jwöbaduwi, Ichi, jö̧ba̧lö. Jejenö cha̧ja̧kwijatö. Ja̧danö, Dios O̧'wo̧ Luwo̧ma yöawijatö: —Bakwo̧ ojwiyo o̧tinö jo̧nö ojwiyo iyo̧sa, mikwa jwiinö, ba̧kwȩlö̧jatebö ja̧kwawa ojwiyoma— yöawijatö, Dios O̧'wo̧ Luwo̧ma.