Proverbios 1:20 - Dios Iwene

²⁰ Salomón wanedö yöawinobe: Isuju, jweinö omukwatö ja̧kwawa wanekwachujuma jojodönö jwebebö yöbawuju. Jobujuma a̧petube ja̧nö, jojodö ko̧ko̧kwö ju̧kwadönö jweinö omukwatö ja̧kwawa jawa yöbawö jwöbuju. Ötjö jwebebö yötawi̧ a̧ja̧kwaduwi, jö̧ba̧lö jwöbuju.

Proverbios 1:20 Iomraidhean Croise

Proverbios 1:21

Jao, jobuju jweinö omukwatö ja̧kwawa wanekwachujuma mö nöchachibö ja̧nö jojodönö jwebebö yöbawö jwöbuju. Ja̧danö, jojodö tjuju̧kwena teachakwawenabi, jobe ja̧nö jojodönö yöbawö jwöbuju, jweinö omukwatö ja̧kwawa wanekwachujuma.

Proverbios 9:1

Baikwö laebobe Salomón wanedö yöawina jawa, jweinö omukwatö ja̧kwawa wanekwachujunö wanedö: Jweinö omukwatö ja̧kwawa wanekwachujuma o̧do otiduju, isuda jejuma. Ja̧danö, okwi'iju, jelemutjö̧ do'olataja o'iju jujunobö löbuju, mö yöeba̧li̧ okwi'iju.

Proverbios 9:3

Jemi ikenama jweinö omukwatö ja̧kwawa wanekwachujuma jömöayedö ya̧dönö webuju jejutjö labebö comunidad tjöekwemi mö nöchachibö ja̧nö jojodönö jwötjobö, baikwö:

Mateo 13:54

Jemi ikenama, Jesúsma yemidanö iteda ajayinö itebobe ȩwa̧jinobe, ja̧danö judío jojodö ba̧nö tja̧ja̧kwa̧leju tebachö, jojodönö yöawinobe. Yöawiawö̧, jojodöma tjöbajale jalaka baibanö yötja̧lakwawinobe: —Bitema ¿dakwö waisanö yöawobö öwaisachibinajö? ja̧danö, jojodö edajitjökö jawa ¿dakwö ja̧bo̧jö?

Lucas 11:49

Jo̧kwajabetjö̧ Diosma itedada waisanö omukwatö yöa̧linobe: Yötawi̧ yöbawadönöbi, chömöayedö ötjö webawedönöbi wetocha, ja̧danö jobadötjö ju'wedönö kwabö lotjakobe, ja̧danö ju'wedönö usula tjemawinö ja̧tjakobe, jö̧ba̧lö. Jejenö omukwatö ujuninobe Diosma, iteda ömöayedö ökwödö babe möle ju̧kwadönö yötjawobö, ja̧danö jobadönö kwabö loköbaduwakobe. Jejenö kwabö loköbaduwiökwe, isabenö Dios lȩebakwawö̧ja. Jau isabenö Dios lȩebakwawö̧ja, kwa'dödö ja̧tjinadanö ja̧köbaduwiökwe okobe deinö Dios yöawi̧ yöbawadönö kwabö lotjiökwe Dios lȩebakwa̧ma ökwödö babe möle ju̧kwadönö badekwachakobe,

Juan 7:37

Ja̧danö, pjiesta mölebiyatjö 'dö̧ibaji̧ möle, jwiinö mikwawi̧ möle Jesúsma jamatö labinö yöawinobe: —Ojwiyo o̧ti̧ tjöbö ja̧dönö jwöta, Ötjökwö ichaduwi kwowaduwo, jö̧ba̧lö.

1 Corintios 1:24

Jo̧kwaijayonö, Dios jwöinawö̧ma, judío jojodötjöbi, judío jojodöböködötjöbi Dios jwöinawö̧ma, döpöjödokobe ja̧ wenema. Ökwödönö ja̧ Cristo jawa wenema Dios ujulu i̧sebobe, ja̧danö Dios waisanö omukwati̧ i̧sebobe.

1 Corintios 1:30

Ja̧danö, Diosma ökwödönö Cristo Jesúskwö bakobe bakibaduwanö ja̧inobe. Ja̧danö Diosma Cristonötjö iteda öwaisi̧ waisakwawa ji̧ma ökwödönö iyobe. Jau chömöledö, Cristoda sulabe jwibadö badibanö ja̧binama, ja̧danö Cristoda Dios ömöledö badibanö ja̧binama, ja̧danö Cristoda dö̧jibobö midawö wobinama.

Colosenses 2:3

Jo̧ba Cristoda okobe jwiinö jojodö ajayinö wajwitjina jawa waiso̧ma, jo̧batjö waisanö omukwatakwawabi, ja̧danö waisakwawabi döwaisachibo jö̧ba̧lö.