Proverbios 1:11 - Dios Iwene

¹¹ Jao chitji̧, jobadö sulabenö omukwatadöma ökwönö jelobekwö omukwatö ötjibotö jö̧ba̧lö yötja̧lena: —Ökwödökwö ichi ju'wedönö kwabö lodo, mana ö’öbö ju̧kwawö dite’ada̧lo. Ikenama, jamanö kwebachadönö, sulabenö ja̧böködönöbi jo̧kwadanö kwabö lodo.—

Proverbios 1:11 Iomraidhean Croise

Proverbios 1:16

Jobadöma kabatökönö ju'wedönö sulabenö tjöwaedoböda isakwadö. Sulabenö omukwatadö, ja̧danö jo̧kwada omukwatökönö jojonö kwabö lobadö. Jobadökwö pjabachibö kwi̧'yoko.

Proverbios 1:18

Isabenö yötawa: Ökwönö öibotö jö̧ba̧lö ichadö, sulabenö ja̧tjobö omukwatadöma pjiyuwa ediakwawö kö̧bajo̧danöböködö. Wajwibadö, idöda debö tji̧'yakwa̧ma. Jobadöma jelo̧nöda kwabö lotjobö tjo̧mukwatijayonö idödada debö tji̧'yakwedö.

Proverbios 12:6

Ja̧danö, ju'wibi yötawa: Sulabenö omukwatadö yötjawi̧ma jojodönö kwabö lotji̧danö sulobe. Wanedö yötawa: Sulabenö omukwatadöma mana ö'öbö jukwawö te'ada̧ladö jojodö tjöbaledena mebibö kwabö lotjobö. Jobekwö wanekwachobe sulabenö omukwatadö yötjawi̧ma, jojodönö sulabenö baledobö yötjawobetjö̧. Jobekwö yötjawokobe Dios wei̧ a̧ja̧kwadöma. Jobadö, Dios wei̧ a̧ja̧kwadö yötjawi̧ma jojodönö pjatjati̧danö ji̧, sulabenö omukwatö yöbawadötjö tjö̧jibobö.

Proverbios 24:15

Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧, naukwabo̧ma otiwanö omukwatadönö, Dios wei̧ a̧ja̧kwadö tjitea naukwabo̧. Jobadö tjeju a̧petunö jukwawö te'ada̧lo̧, naukwabo̧ma, tjeju okwa tebachö tjitea önaukwobö. Chitji̧, naukabidö tjitea 'dölanö tjö̧ji̧danöma kwö̧joko.

Proverbios 29:24

Ja̧danö, ju'wibi yötawa: Naukwabidökwö pjabacha̧lo̧ma itedada nöinö wene jwöekwakwo̧, naukwabidökwö kweachobetjö̧. Ju'wi mölȩ lȩekwa yöbawo̧ öba a'o ja̧nö, tjö̧naukwina edina yöawobö aebakwo̧ jo̧banöma. Ja̧danö, jobe ja̧nö Diosnö yöbawö ujunobö jo̧be, jweinöda yötawocha, jö̧ba̧lö. Jo̧kwaobetjö̧ jobe ja̧nö, jo̧ba naukwabidökwö pjabacha̧lo̧ma 'wiinö yöa̧lokobe, naukwabidönö lȩekwa yöbawo̧ma lȩebapji jö̧ba̧lö. Jweinö yötawocha, jö̧ba̧lö Diosnö yöbawö ujunaja̧jayonö yöawokobetjö̧ Diosma jo̧ba naukwabidökwö pjabacha̧lo̧nöma lȩebakobe. Isabenö yötawa: Naukwabidökwö pjabacha̧lö kwekwachoko.

Proverbios 30:14

Jojodötjö ju'wedöma jwibadönö, jwiinö usulasedönöma usula tjȩmawobö webadö. Wanedö yötawa: Jobadö, usulasedönö sulabenö ja̧badöma tjo'ye kwölöte'odanö sȩbadö, ja̧danö, tjaakama sȩapi̧danö sȩbadö usulasedönö usula tjȩmawobö. Ja̧ wanedöma usulasedönö debö tji̧'yakobetjö̧ ja̧badö, tjitebonö deinö, jö̧ba̧lö wanekwachobe. Jobekwö ja̧ ö'wejemu jawa, jojodö sulabenö omukwatö tjö̧ji̧ jawama Agur yöawinobe.

Juan 15:25

Ja̧danö, jobadöma damötjö Dios wei̧ wȩyudadö tjiwȩyudinadanöbedö. Baikwö laebobe Dios iwenetjö: Jojodöma, ötjönö tjöpöjödoböma jwiijayonö, tjöpöjödinobe, jö̧ba̧lö, tjiwȩyudinobe damötjöma. Ja̧danö ja̧ tjiwȩyudinadanö badekwachinö tjöpöjödobe ötjönöma, jö̧ba̧lö laebobe Dios iwenetjö— yöawinobe Jesúsma, Dios wei̧ wȩyudadö tjiwȩyudinama.

Hechos 23:15

Pabataduwi. Ökwödö, ju'wedö la'aka luwedökwö bakobe omukwatö bakwo̧nö webaduwi guardia jojodö la'aka luwo̧ ö̧jobekwö i̧'yo. Jobe ichibö la'aka luwo̧nö aebobö webaduwi, Pablonö ökwödö kwöbaduwi a'o tjujunobö öbibö tjichejebo. Omöna yöawobö webaduwi, Pablonö ina ju'wi jawabi jo̧ba ja̧ina jawa atjeba̧lobö jö̧tja̧la, jö̧ba̧lö. Omöna yöawobö webaduwi, Pablonö kwö̧jaduwobekwö öbibö tjichejebo. Ikenama ja'ö tji̧'yena ökwödöma ju̧kwawö dite'ada̧lakobe, Pablonö kwabö lodoböma— jö̧ba̧lijadötö.

Hechos 25:3

—Festo, Pablonö baikwö, Jerusalénkwö tjichejebobö weköbo— abebijadötö. Jejenö abebö idödada tjo̧'wo̧ sulinö edö omukwatijadötö, Ja'ö tjichena ökwödöma ju̧kwawö dite'ada̧lakobe, Pablonö kwabö lodoböma, jö̧ba̧lö.