Proverbios 1:1 - Dios Iwene

¹ Bemi tupakwö laebakwa̧ma Salomón, Israel jojodötjö inesö la'aka luwo̧bina wanekwachi̧ iwȩyudina jawa, jwebebö yöawakwawa jawanö wanekwachi̧ jawama. Ja̧danö, Salomónma Israel jojodötjö inesö la'aka luwo̧bina Davidmine itji̧inobe.

Proverbios 1:1 Iomraidhean Croise

1 Reyes 2:12

Ja̧danö, David webö ö̧jinemi, itji̧ Salomonda webö ö̧jinobe, isabenö okobe jwiinö abe'do David webö ö̧jinemi 'dii̧nö janö webö ö̧jinobe Salomonma.

1 Reyes 5:12

Isabenö Jo̧ ajayinö Salomonnö yöbawö ujuninadanö, Salomon waisanö omukwatobö pjaatinobe, ja̧danö waisanö omukwatö, Salomonma Hiramkwö dösö̧lö̧jinö pjabatakwawö tjö̧jakwa̧ wene yöbawö tjujuninobe, jadanö wene jwiinö tjö̧jinobe.

1 Crónicas 22:9

Jo̧kwaijayonö, ökwöma kwitji̧nö kwujunala̧kwo̧ja, ö'wö bakibaja̧ ikena la'aka luwo̧ baibakwo̧ma. Ja̧danö, ökwö ölakwabikwawö kwö̧jinadanöma ö̧jökakwo̧ kwitji̧ma. Jo̧banö pjabatö wetocha, israel niji ö'öbötenia ju̧kwadö tjöpöjojodöma, jo̧bakwö ölakwabikwawökönö dösölö̧jinö tjö̧jobö. Jau, kwitji̧ma Salomon imikwakwo̧, wene jwiobe jö̧ba̧lö, ja̧danö jo̧ba webö ö̧jena baledibanö, israel jojodö wene jwiinö ölakwabikwawökönö tjö̧jobö wetocha.

1 Crónicas 28:5

Ja̧danö, Isabenö Jo̧ma ötjönö iyinobe, chi̧tji̧mu ba̧jȩkwadönö 'yatebobö chömöledö, ja̧danö okobe deinö chi̧tji̧mutjö, bakwo̧nöda, Salomonnöda omudawö ujuninobe Isabenö Jo̧ma, chö̧jajemi Salomonda Isabenö Jo̧ ömöledö Israel jojodötjö inesö la'aka luwo̧ ö̧jakobetjö̧.

1 Crónicas 29:23

Ja̧danö, inesö la'aka luwo̧ baibanö 'da̧batö tjujuniökwe, abe'do David ö̧binemi öbamatinobe Salomonma, Isabenö Jo̧ ömöledö israel jojodötjö inesö la'aka luwo̧ ö̧bakanö. Ja̧danö, la'aka luwo̧ babibajo̧, okobe jwiinö webö ö̧ji̧ otiwanö laebi̧nö ö̧jinobe, ja̧danö okobe deinö israel jojodöma otiwanö Salomon wei̧ a̧ja̧kwö tjö̧jinobe.

1 Crónicas 29:28

Ja̧danö, lekwe möle otiwanö ö̧jinobe Davidma, iteabi nöinö ujuna̧linobe, ja̧danö ju'wibi jojodö otiwanö tjomukwatökwe ö̧jinobe. Jemi ikenama, jwiinö pöe babibajo̧, bajalianö ö'wö baibinobe Davidma. Ja̧danö, israel jojodötjö la'aka luwo̧ David ö̧jinemi, itji̧ Salomonma inesö la'aka luwo̧ baibinobe.

Proverbios 10:1

Ju'wi Salomón jwebebö yöawina jawa baikwö laebobe: Isabenö yötawa: Tji̧tji̧mu̧ma jweinö omukwatö tjö̧jitjö̧ma tjabe'do tjojo'do tjo̧'wo̧ ösöwanö tjö̧jakwedö. Jo̧kwaijayonö tji̧tji̧mu̧ma jweinö omukwatökönö tjö̧jitjö̧ma tjabe'do tjojo'do tjo̧'wo̧ tjo̧bekwöda tjö̧jakwedö.

Proverbios 22:21

Ja̧ yötawi̧ma ökwödönö öbibö pjaatakobe, isabenö mikwawinö ja̧kwawama kwöwaisachibaduwobö. Jobekwö mikwawinö ja̧kwawa jawa kwöwaisaduwobetjö̧ jweinö kwatadaduwakwedöja̧ ökwödönö kwöwaisachaduwobö webinadönöma.

Proverbios 25:1

Bemi tupakwö laebakwa̧ma ju'wi Salomón jwebebö yöawakwawa jawanö wanekwachi̧ jawama. Ja̧danö, Salomón woinobe okobe lekwinemi ikena jelo̧, Judá mikwemi inesö la'aka luwo̧, Ezequías mikwo̧ma ö̧binobe. Jo̧ba Ezequíasma weinobe ömöayedönö Salomón iwȩyudinatjö̧ eda̧lö tjiwȩyudobö. Ja̧ tjiwȩyudinama baikwö laebobe:

Juan 16:25

Jesúsma ina yöawinobe öba̧ja̧di̧ waisachadönöma: —Chömöledö, nöinö wanedö yötawajabe ökwödönöma. Ja̧danö, jweinö yötawakwa̧ möle yöneawacha babema. Ja̧ mölema Dabe'do Dios jawa yötawena wanedöma yötawokobe. Jweinöda yötawocha.