Mateo 9:9 - Dios Iwene

⁹ Jobetjö labeibö Jesúsma kweachinobe, ja̧danö jelo̧ Mateo mikwo̧nö edinobe, la'aka luwo̧ itea balada impuesto ötjabi̧ balada emajibo̧nö. Mateo otidobe mesasötenö ö̧bobe edinobe, ja̧danö Jesúsma Mateonö weinobe: —Ötjö chökömanö ichi, chöba̧ja̧di̧ waisacho̧ baibanö— jö̧ba̧lö. Jejenö weökwe, Mateoma a̧laibö Jesús ökömanö ichinobe.

Mateo 9:9 Iomraidhean Croise

Mateo 10:3

Ja̧danö Felipebi, Bartolomébi, Tomásbi, Mateo, la'aka luwo̧ itea balada emö otido̧bi. Ja̧danö Alfeo itji̧ Jacobobi, Tadeobi.

Mateo 20:4

Ja̧danö jobadönöbi weinobe: Chöbatjo kwotidaduwitjö̧ma, ökwödönö chimido jö̧ta̧li̧danö chimidocha, jö̧ba̧lö. Weawö̧, jobadöbi otidö tji̧'yinobe.

Mateo 8:22

Jo̧kwaijayonö, jejenö yöa̧lökwe Jesúsma atadinobe: —Ö'wö babibajadönö o̧tjawama woba jojodö tjo̧tji̧. Ökwöma babeda chökömanö kwicho— jö̧ba̧lö atadinobe Jesúsma.

Mateo 9:10

Jemi ikenama, Jesús Mateo ejutjö ukwenama, ba̧jekwadö ju'wedö luwo̧ itea balada emadöbi, ju'wedö sulabedö ötjabiwö̧bi ichö, tjöbamatinobe mesasötenö Jesúskwöbi, öba̧ja̧di̧ waisachadökwöbi.

Marcos 3:18

Ju'wedö, Andrés, Felipe, Bartolomé, Mateo, Tomás, Alfeo itji̧ Jacobo, Tadeo, Jesús 'da̧batö ujuninawö̧ma. Jelo̧nöbi, Simón mikwo̧nöbi 'da̧batö junijetö. Jo̧bama Canaán jojo.

Lucas 6:15

Mateobi, Tomásbi, Alfeo itji̧ Jacobobi, jwaikwöda Romano luwedönö öpöjödo̧ jö̧ba̧lö ötjabökwe Simónbi,

Hechos 1:13

Ikenama Jerusalénnö ichibö jobadö tjabeju mösȩko̧nö, idöda tjabȩko̧nö tebachijadötö. Jobadöma bidö: Pedro, Juan, Jacobo, Andrés, Felipe, Tomás, Bartolomé, Mateo, Alfeo itji̧ Jacobo mikwo̧, Simón, jo̧bama romano jojodönö öpöjödo̧, Jacobo itji̧ Judas mikwo̧.

Gálatas 1:16

Ja̧danö, Dios ösödenama, iteda itji̧ Jesúsnö i̧sebinobe ötjönöma, judío jojodöböködönö Jesús jawa wene yötawo jö̧ba̧lö. Jejenö baibenama, jojodökwödama yöta̧lakwawijökötö, chotidakwa̧ chöwaiso jö̧ba̧löma,