Mateo 9:5 - Dios Iwene

⁵ Kwedaduwemi, ¿diya̧da bajalekwönönö waiyi̧ma, usula söbebö loawadaena, 'wabo̧ ö'wöchi̧ otidö loawadaena? ¿Usula söbebö loawada o̧penönö waiyobeji̧?

Mateo 9:5 Iomraidhean Croise

Mateo 9:2

Ja̧danö, ju'wedö jo̧ba ö̧jobekwö bakwo̧ 'wabo̧nö, wa̧kwawapjonö bo̧nö tjichejebinobe, jo̧ba ö'wöchi̧ Jesús otidö loobö. Jejenö tjömöledöso̧nö tjichejebiökwe, Jesúsma öwaisinobe, Bidöma isabenö chujulu ösödadö, jö̧ba̧lö. Jo̧kwaijayonö jenadama ö'wöchi̧ otidö loinokobe Jesúsma. O̧'wo̧ luwo̧ jawada yöa̧linobe 'wabo̧nö: —Chitji̧, kwujuluwachibanö yötawakwö, kwo̧'wo̧ luwo̧ jawa kwusula söbebö lotakwö— jö̧ba̧lö.

Mateo 9:6

Ja̧maökö. Usula söbebö lotobö chujulu jwititjö̧ma, 'wabo̧ ö̧ji̧ otidö lotoböbi chujulu jwitena. Jo̧kwaijayonö, baikwö chi̧sebaduwakwö: Ötjö jojo baibanö jeminökwema isabenö tjusula söbebö lotoböbi juluwo̧sa— jö̧ba̧lö yöa̧linobe Jesúsma. Ja̧danö jö̧ba̧lajo̧ jalachibö 'wabo̧nö weinobe: —A̧laibi. Wa̧kwawapjo do̧latibö e'ewibö da̧ji— jö̧ba̧lö.

Marcos 2:5

Jejenö 'wabo̧nö pjatjatiökwe, Jesúsma jobadönö edö omukwatijetö, Aaa, isabenö bidöma ötjönöma jweinö omukwatadö, Jesúsma isabenö dömöledöso̧ otiwanö baibobö otidö lobo̧, jö̧ba̧lö. Jejenö omukwatijetö Jesúsma jobadönöma. Ja̧danö, 'wabo̧nö ichejebadö jejenö jweinö tjomukwatiökwe Jesúsma 'wabo̧nö edö jö̧ba̧lijetö: —Chömöledöso̧, a̧ja̧kwitjö. Kwo̧'wo̧ luwo̧nö kwusuli̧ma söbebö lotakwö— jö̧ba̧lijetö Jesúsma 'wabo̧nöma.

Lucas 5:20

Jejenö tjömöledöso̧nö tjichejebiökwe, Jesúsma öwaisinobe, Bidöma isabenö chujulu ösödadö, jö̧ba̧lö. Jo̧kwaijayonö jenadama ö'wöchi̧ otidö loinokobe Jesúsma. O̧'wo̧ luwo̧ jawada yöa̧linobe 'wabo̧nö: —Chömöledöso̧, sulabenö ja̧köbajabetjö kwo̧'wo̧ luwo̧ usula söbebö lotakwö— jö̧ba̧lö.

Lucas 7:48

Ikenama Jesúsma jojosujunö yöawinobe: —Jojosuju, kwusula söbebö lotajabe.

Hechos 3:16

Ökwödöma Jesúsnö dösödobetjö̧ bite kwebachö̧kö̧nö otiwanö baibaja̧bi Jesús ujulunöda baibajabe. Babema jo̧banö kwedaduwobe. Kwöwaisaduwökwe. Ökwödöma Jesúsnö dösödobetjö̧ iteda ujulunö otiwanö baibajabe bitenöma, ökwödö kweda̧laduwonö— yöbawijetö Pedroma.

Hechos 9:34

Ja̧danö, Pedroma Eneasnö edö jö̧ba̧lijetö: —Eneas, Jesucristo ökwönö otiwanö bakibanö ja̧ajabe. A̧laibö kamapjo do̧lati— jö̧ba̧lijetö. Jejenö jö̧a̧lemi Eneasma omönanö otiwanö baibajökwema a̧laibijetö.