Mateo 9:3 - Dios Iwene

³ Jejenö yöa̧liawö̧, ju'wedö Moisés iwȩyudina ba̧ja̧dadöma tjomukwatinobe, idödada: —Bitema sulabenö yöba̧lo̧ Diosnö. Diosda jojodö tjusula söbebö lobo̧jayonö, kwusula söbebö lotakwö jö̧a̧lajabe. Ötjödasa Dios, jö̧ba̧lö, ¿omukwatenaji̧?— jö̧ba̧lö tjomukwatinobe.

Mateo 9:3 Iomraidhean Croise

Mateo 26:65

Jejenö yöa̧lökwe, ö'weje pjabatadö la'aka tjuluwo̧ma ökamijido̧ kȩ'ekwö lobö yöa̧linobe: —Bitema Diosnö sulabenö yöa̧lajabe. Ökwödöma ökwödöda dölakiyunö jo̧ba sulabenö yöa̧laja̧ da̧ja̧kwobetjö̧, ju'wedö jo̧ba sulabenö ja̧ina edinadönö abebö da̧ja̧kwobö jwiobe, ökwödöda da̧ja̧kwajabetjö̧.

Mateo 7:29

Moisés iwȩyudina jawa ba̧ja̧dadö tjöba̧ja̧di̧danö öba̧ja̧dököwö̧, jejenö tjomukwatinobe, Jesúsma isabenö luwo̧ yöawi̧danö yöawobetjö̧.

Marcos 14:64

Tjo̧wi̧, ökwödöma kwa̧ja̧kwaduwatö Diosnö sulabenö jö̧a̧li̧ma, Ötjöma Dios Itji̧sa, jö̧ba̧lö, omöna jö̧a̧li̧ma. ¿Dakwö ja̧dobö akebaduwakwa̧da jo̧banö? Abebaduwitjö— jö̧ba̧lijetö ö'weje la'aka pjabato̧ma. Jejenö jö̧a̧lawö̧ bakwainö omukwatö okobe deinö jö̧ba̧lijadötö: —Kwabö lodonö—öpöjödö jö̧ba̧lijadötö.

Marcos 3:28

Ina yöbawijetö: —Isabenö jö̧ta̧la ökwödönö. Jojodö sulabe tjujuna̧li̧ma Diosma söbebö lobo̧. Ja̧danö, tjo̧'wo̧ sulawö Diosnö sulabenö yötja̧li̧bi Diosma söbebö lobo̧.

Marcos 3:29

Jo̧kwaijayonö jejenömaökö Dios O̧'wo̧ Luwo̧ jawa sulabenö yötja̧li̧ma. Söbebö loi̧ma yelösöda jwiobe Dios O̧'wo̧ Luwo̧ jawa sulabenö yöba̧ladönöma. La'akatjöda Diosma, iteda O̧'wo̧ Luwo̧ jawa sulabenö yötja̧li̧ma söbebö lobö̧kö̧— jö̧ba̧lö yöbawijetö.

Marcos 7:21

Ja̧danö ¿tajida ja̧ tjomajade okwatjö laebi̧ suli̧ jwöebi̧ma? Biya̧ jawa: Sulabenö omukwatakwawa, ja̧danö, bakwo̧ isuju ilekwodanö emökönö ö̧ji̧, ja̧danö, bakwuju iso̧ jilekwedanö emökönö jö̧ji̧, tjomajade okwatjö laebi̧ suli̧ jwöebi̧ma. Ja̧danö, ju'wibi: Naukwakwawa, ja̧danö, jojodönö kwabö loawa, ja̧danö, bakwo̧ jelo̧ ilekwokwö ö̧ji̧, ja̧danö, bakwuju jeluju jilekwekwö jö̧ji̧, tjomajade okwatjö laebi̧ suli̧ jwöebi̧ma.

Lucas 5:21

Jejenö yöa̧li̧ a̧ja̧kwö, fariseo jojodöbi, Moisés iwȩyudina ba̧ja̧dadöbi tjomukwatinobe idödada: —Bite Jesúsma sulabenö yöba̧lo̧ Diosnö, Diosda jojodö tjo̧'wo̧ luwo̧nö tjusula söbebö lobo̧jayonö, kwusula söbebö lotakwö jö̧a̧lajabe. Jesúsma ötjödasa Dios jö̧ba̧lö ¿omukwatenaji̧? Isabenö Diosnö sulabenö yöba̧lo̧, bite Jesúsma— jö̧ba̧lö tjomukwatinobe.