Mateo 9:2 - Dios Iwene

² Ja̧danö, ju'wedö jo̧ba ö̧jobekwö bakwo̧ 'wabo̧nö, wa̧kwawapjonö bo̧nö tjichejebinobe, jo̧ba ö'wöchi̧ Jesús otidö loobö. Jejenö tjömöledöso̧nö tjichejebiökwe, Jesúsma öwaisinobe, Bidöma isabenö chujulu ösödadö, jö̧ba̧lö. Jo̧kwaijayonö jenadama ö'wöchi̧ otidö loinokobe Jesúsma. O̧'wo̧ luwo̧ jawada yöa̧linobe 'wabo̧nö: —Chitji̧, kwujuluwachibanö yötawakwö, kwo̧'wo̧ luwo̧ jawa kwusula söbebö lotakwö— jö̧ba̧lö.

Mateo 9:2 Iomraidhean Croise

Isaías 44:22

Isabenö kwö̧jibaduwinö pjabato̧sa chömöledö, sulabenö weti̧ a̧ja̧kwökönö kwö̧jaduwinajayonö, kwusuladuwima söbebö lotajabe. Sulabenö ja̧bajadö wene kwujuna̧laduwima, jwa̧le'epjo ojwiyo'wo, yȩa'wo jelobekwö e'ewibi̧danö söbebö lotajabe. Isabenö ötjökwö ja̧nö tjekachaduwo chömöledö, isabenö ökwödönö tjöbeba̧lö chö̧jobetjö̧, jö̧ba̧lö laebobe Dios yöa̧li̧ma.

Mateo 14:27

Jo̧kwaijayonö Jesúsma juluwanö yöawinobe: —Juluwachibaduwi. Ötjöma Jesússa. Yebabökönaduwi— jö̧ba̧lö yöawinobe.

Mateo 4:24

Jejenö ja̧iawö̧, ba̧jekwadö tja̧ja̧kwinobe jo̧banöma, ja̧danö Siria niji bakwameachibanö jojodöbi jo̧banö tja̧ja̧kwinobe. Jo̧kwajabetjö̧, jo̧ba ö̧jobekwö tje'ewinobe okobe jwiinö tjö'wöchi̧tenia ja̧danö nitji̧tenia usula emawadönöbi, ja̧danö tjo̧'wo̧ luwo̧nö sulabedönö juna̧ladönöbi, ja̧danö nijinö mebö 'dö̧bachabidönöbi, ja̧danö 'wabadönöbi. Jejenö tjichejebiökwe, Jesúsma okobe deinö jobadönö tjö̧bibajinö otidö loinobe.

Mateo 6:12

Ja̧danö, ökwödönö sulabenö ja̧bajadö sulabenö ja̧tjaja̧ omukwatökönö, jobadönö dösödi̧danö, sulabenö ja̧daja̧ omukwatökönö kwösödo ökwödönö.

Mateo 8:10

Jejenö yöa̧liökwe, Jesúsma jo̧bakwö ichajadönö yöawinobe: —Ayö, bitema Israel jojobö̧kö̧jayonö isabenö otiwanö chujulu ösödo̧. Okobe jwiinö Israel niji ju̧kwadötjö bakwo̧bi bite chujulu ösödi̧danö ösödo̧nö chöbadekwajokobe. Bitema isabenö otiwanö omukwato̧.

Mateo 8:16

Ja̧ yö̧te, jobe ju̧kwadöma ba̧jekwadö tjo̧'wo̧ luwo̧nö sulabedönö juna̧ladönö tjichejebinobe, ja̧danö Jesúsma yöba̧lö a'dewö loinobe tjo̧'wo̧ luwo̧nö sulabedönö. Ja̧danö, okobe deinö ö'wöchadönö otidö loinobe.

Mateo 9:22

Jejenö majiökwe, Jesúsma jalachibö jobujunö edinobe, ja̧danö jobujunö yöa̧linobe: —Chitjiju, kwujuluwachibanö yötawakwö, isabenö juluwo̧ jö̧ba̧lö ötjönö kwösödobetjö̧, otiwanö babibajuja— jö̧ba̧lö yöa̧linobe. Ja̧danö, jenada jö'wöchi̧tjö otiwanö bajibinobe.

Mateo 9:5

Kwedaduwemi, ¿diya̧da bajalekwönönö waiyi̧ma, usula söbebö loawadaena, 'wabo̧ ö'wöchi̧ otidö loawadaena? ¿Usula söbebö loawada o̧penönö waiyobeji̧?

Mateo 9:6

Ja̧maökö. Usula söbebö lotobö chujulu jwititjö̧ma, 'wabo̧ ö̧ji̧ otidö lotoböbi chujulu jwitena. Jo̧kwaijayonö, baikwö chi̧sebaduwakwö: Ötjö jojo baibanö jeminökwema isabenö tjusula söbebö lotoböbi juluwo̧sa— jö̧ba̧lö yöa̧linobe Jesúsma. Ja̧danö jö̧ba̧lajo̧ jalachibö 'wabo̧nö weinobe: —A̧laibi. Wa̧kwawapjo do̧latibö e'ewibö da̧ji— jö̧ba̧lö.

Marcos 1:32

Ikenama, yi̧bena, ja̧wo̧ ida̧ökö meaja̧ tupakwö, jobe nijinö ju̧kwadöma, Jesús otidaja̧ yötjawi̧ a̧ja̧kwajadö, ba̧jekwadö tjömöledö ö'wöchadönöbi, tjo̧'wo̧ luwo̧nö sulabo̧ öjawö̧nöbi ichejebijadötö Jesús ö̧jobekwö.

Marcos 10:49

Jejenö jwöökwe Jesúsma jamatö jö̧ba̧lijetö jobe jukwadönö: —Yöbawaduwinö baikwö ichibo—jö̧ba̧lijetö. Jejenö jö̧a̧lawö̧ öbajale tjewawo̧nö jwöbö jö̧ba̧lijadötö: —Kwujulunö ja̧wi. A̧laibi. Ökwönö jwöatö— jö̧ba̧lijadötö.

Marcos 5:34

Jejenö yöja̧lökwe, Jesúsma jö̧ba̧lijetö jobujunöma: —Chitjiju, otiwanö ötjönö kwo̧'wo̧ kwöwana̧lajabetjö̧, kwö̧bibajabe. Tjo̧wi̧ kwejube da̧ji, kwo̧'wo̧ otiwanö ösödö. Kwö'wöchi̧ma jwiinö baibajabe. Yemidanö ja̧ kwö'wöchi̧ma kwö'wöchökakwujuja—jö̧ba̧lijetö Jesúsma.

Marcos 6:50

Jobadöma yelösöda yebabijadötö. Yetjabiökwe Jesúsma juluwanö labinö jö̧ba̧lijetö: —¡Kwujuluduwinö ja̧duwi! Yekabiduwa. Ötjödasa, Jesússa—jö̧ba̧lijetö.

Juan 16:33

Ja̧danö, babe yötawaja̧ma kwo̧'wo̧ luwo̧duwi tjo̧bekwökönö kwö̧jaduwobö yötawajabe. Chömöledö, böjȩnö ja̧nö usula kwemawaduwakobe. Jo̧kwaijayonö, kwo̧'wo̧duwi̧ ösöwanö kwö̧jaduwo, ötjöma böjȩnö jawa okobe jwiinö chujuluwobetjö̧— yöawinobe Jesúsma öba̧ja̧di̧ waisachadönöma.

Juan 21:5

Ja̧danö, Jesús, so̧bi̧ya̧pu̧ ö'öbö jo̧ma jobadönö jwöinobe: —Chi̧tji̧mu ¿ba̧i̧ jwoköbaduwaji̧?— abebö a̧ja̧kwiawö̧: —Jwodijökötö. Deatö— tjatadinobe.

Hechos 14:9

Jo̧bama Pablo yöawobe ba̧nö a̧ja̧kwa̧lijetö. Ja̧danö, Pabloma jo̧banö jweinö edö omukwatijetö, Bitema jweinö omukwato̧, Dios ujulunö otiwanö batibakwo̧sa, jö̧ba̧lö.

Hechos 19:12

Pablo jejenö otidiawö̧ jojodöma, jo̧ba u̧kwa kamijido̧bi emibö ȩwa̧jijadötö, ö'wöchadö wamenö tjöwanobö. Uunö ubutjawa̧laja̧do̧bi, wame jawa 'duawaja̧do̧bi emibö ȩwa̧jijadötö. Ȩwa̧jadö, ja̧do̧ tjöwanawö̧ ö'wöchadöma otiwanö babibijadötö. Ja̧danö, tjo̧'wo̧ luwo̧nö sulabedö ju̧kwadönö juna̧ladönö Pablo u̧kwa kamijido̧ tjöwanemi tjo̧'wo̧ luwo̧nö sulabedöma labekwibijadötö.

Hechos 23:11

Ikenama, ja̧ yö̧tema Pablo jejunö bo̧nö Duluwo̧ Jesúsma öwawachijetö ipjeanö. Öwawachö jö̧ba̧lijetö Pablonö: —Pablo, yekabi ökwönö kwabö lodo jö̧ba̧ladönöma. Ökwöma ina ö'wö babibö̧kö̧ja. Ina ju'wi möle ötjö yötawina yöbawö kwi̧'yakobe Romabe. Jobetjö yökawakobe, belö, Jerusaléntjö yökawinadanö, ötjö yötawinama— jö̧ba̧lijetö Duluwo̧ Jesúsma Pablonö.

Romanos 5:11

Ja̧danö, ju'wibi chömöledö, babema jwiinö do̧'wo̧ ösöwanö dö̧jobe, Babema Dios ömöledösa jö̧ba̧lö. Jau chömöledö, ja̧ Dios ömöledö dö̧ji̧ma, Dios ja̧inada chömöledö, Duluwo̧ Jesucristoda midawö woinobetjö̧.

Santiago 2:18

Jo̧kwaijayonö jejenö, Yöba̧löda yöka̧laduwoko, kwo̧'wo̧ kwöwana̧laduwi̧ma kwi̧sekwaduwoböbi jo̧be, jö̧ba̧lö, yötawiökwe bakwo̧ ötjönö yöa̧lena: —Jesúsnö ösödadöma bakwainöma tjomukwatokobe. Jobadötjö ju'wedöma Jesúsnö tjo̧'wo̧ wana̧löda ja̧dö, i̧sekwökönö, ja̧danö usula emawadönö pjabatökönö. Ja̧danö, Jesúsnö ösödadötjö ju'wedöma i̧sekwadö, usula emawadönö pjabatö. ¿Dakwö yöka̧lobö, kwo̧'wo̧ kwöwana̧laduwi̧ma kwisȩbaduwobö jo̧be, jö̧ba̧lö? Jejenö jö̧kena— yöa̧lena ötjönöma. Ja̧danö, ötjönö jejenö jö̧a̧litjö̧ma jo̧banö chatadena: —Jojodöma ökwö Jesúsnö kwo̧'wo̧ kwöwana̧li̧ma ¿tjedobeji̧? Tjedokobe. Ökwönö edö, dakwö tjöwaisobö, Aaa, itema Jesúsnö o̧'wo̧ wana̧lo̧, jö̧ba̧lö. Jojodönö pjakatokobetjö̧ kwi̧sekwokobe, Ötjöma Jesúsnö cho̧'wo̧ wana̧lo̧sa, jö̧ba̧lö. Jo̧kwaijayonö ötjöma otiwanö pjabatö chö̧jobetjö̧ wajuwanö chi̧sekwobe, Jesúsnö cho̧'wo̧ wana̧lo̧sa, jö̧ba̧lö. Isabenö yötawa, dötölataja jawa bakobe dötewinö ji̧ma. Jesúsnö tjo̧'wo̧ wana̧lakwawakwö, ja̧danö, otiwanö pjabatö ja̧awakwö bakobe dötewinö ji̧— chatadena ötjönö jöba̧lo̧nö, Ju'wedöma Jesúsnö tjo̧'wo̧ wana̧löda ja̧dö, i̧sekwökönö, jö̧ba̧lo̧nöma.