Mateo 9:18 - Dios Iwene

¹⁸ Jesús jobekwö yöawemi, judío jojodö ba̧nö tja̧ja̧kwa̧leju jeleju luwo̧ma Jesús öba a'o ichibö, bȩbachibö Jesúsnö aebinobe: —Chitjijuma babeda ö'wö bajibajabe, jo̧kwaijayonö ökwöma ichö kwömamu 'bibeba̧lö maköbitjö̧ma, 'yabibajö jö̧jakwuju— jö̧ba̧lö aebinobe.

Mateo 9:18 Iomraidhean Croise

2 Reyes 5:11

Jobekwö yöawiökwe, ödameakwinobe Naamanma, ja̧danö Eliseo ejutjö labebö yöa̧linobe: —Chomukwatatö, Dios yöawi̧ yöbawo̧ma, itedada isabenö chö̧jobekwö laebena, ja̧danö chöba a'o jamatö, ösödökwe Isabenö Jo̧ Diosnö jwöena, –Isabenö Jo̧, bitenö pjabati, –jö̧ba̧lö. Ja̧danö ömamu wechö, lepra chö'wöchi̧tjö chö̧bibajinö otidö loena, jö̧ba̧lö chomukwatatö.

Mateo 14:33

ja̧danö jejenö balediawö̧, Jesús öba̧ja̧di̧ waisachadöma Jesúsnö ösödö yötja̧linobe: —Isabenö ökwöma Dios itji̧köba— jö̧ba̧lö yötja̧linobe.

Mateo 15:25

Yöa̧loko, ichö Jesús öba a'o bȩbachibö ajebinobe: —Chuluwo̧, pjabatitjö— jö̧ba̧lö.

Mateo 17:14

Jesúsma iteda öba̧ja̧di̧ waisachadökwö mö'ösa'otjö ȩwa̧jö, jojodö tjö̧jobe tjichibenama, bakwo̧ Jesús öba a'o ichibö bȩbachibö Jesúsnö aebinobe:

Mateo 20:20

Ikenama, Zebedeo ilekwoma, ji̧tji̧mu Jacobonöbi, Juannöbi öbibö Jesús öba a'o ichibö, bȩbachibö Jesúsnö ajebobö jö̧ja̧linobe.

Mateo 28:17

Jobe ichibajadö Jesúsnö edö tjösödinobe, jo̧kwaijayonö jobadötjö ju'wedöma, Isabenö Jesúsdaökena, jö̧ba̧lö tjomukwatinobe.

Mateo 8:2

Ja̧danö, bakwo̧ i̧sȩdo̧ sulabo̧ma ichö, Jesús öba a'o bȩbachibö aebinobe: —Chuluwo̧, kwösöditjö̧ma, chi̧sȩdo̧ suli̧ waekwi̧ otiwanö baibobö pjakatena— jö̧ba̧lö.

Mateo 8:25

Jejenö aba̧liawö̧, Jesús öba̧ja̧di̧ waisachadöma jo̧banö tjiwiludinobe: —Duluwo̧, o̧dibapji jö̧ba̧lö dö̧jibinö pjabati— jö̧ba̧lö.

Mateo 9:17

Ja̧danö, ubasobu o̧'dobu tjotidakwedöma, tji̧sȩdo̧tjö otikwa'wo okwa 'yayobu pe'yadö, o̧'dibobö, ¿jö̧tö? Jo̧kwaijayonö, 'yayobu ubasobuma damösa'wo okwama pe'yöködö, o̧'dibö ye'yeachenama isa'wo 'daapji jö̧ba̧lö, ¿jö̧tö? Jau chömöledö, 'yayobuma, sule 'yaya'wo okwada pe'yawa, ubasobubi otiwanö o̧'dibakobetjö̧, ja̧danö isa'wobi 'daökakobetjö̧— jö̧ba̧lö wanedö yöawinobe Jesúsma, damö jawa yöawakwawama, 'yayi̧ jawa yöawakwawakwöma pjaacha̧lökö ji̧ jö̧ba̧lö.

Mateo 9:19

Jejenö aebökwe, Jesúsma a̧laibö iteda öba̧ja̧di̧ waisachadökwö jo̧bakwö i̧'yinobe.

Mateo 9:24

Jobadönö edö: —Labebaduwi— jö̧ba̧lö weinobe—. Wobököju tjemuma, sule aba̧löda aba̧luju— jö̧ba̧lö yöawinobe. Jejenö yöawiawö̧, jobe ko̧ko̧kwajadöma Jesúsnö otjinobe,

Lucas 13:14

Jo̧kwaijayonö otikwökö möle jö'wöchi̧ otidö loiökwe, ba̧nö tja̧ja̧kwa̧leju luwo̧ma ödameakwinobe, ja̧danö jojodönö yöawinobe: —Semanakwena jelemutjö bakwöta möle jobe, jojodö otiwanö tjotidoböma, jo̧kwajabetjö̧ ja̧ jelemutjö bakwöta möleda kwichaduwo, kwö'wöchaduwi̧ otidö looböma. Otikwö̧kö̧ möle ökwödönö otidö looböma sula, jo̧kwajabetjö̧ otikwökö möle otidö looböma kwichaduwoko— jö̧ba̧lö.

Lucas 18:18

Ja̧danö, judío jojodö tjuluwedötjö bakwo̧ Jesúsnö abebö a̧ja̧kwinobe: —Ba̧ja̧dakwawa luwo̧ otiwo̧, ¿taji ja̧takwa̧da, ba̧kwȩlö̧jatebö ja̧kwawa chujuna̧loböma?— jö̧ba̧lö.

Lucas 7:2

Jobe bakwo̧ Roma jojodötjö guardia luwo̧, cienbedö guardia jojodö tjuluwo̧ma ö̧jinobe, ja̧danö jo̧ba ömöayedötjö bakwo̧ jwiinö ösödökwe ömöayo̧ma nöinö ö'wöchinobe, ö'wö baibenanö.

Juan 11:25

—Marta ötjödasa wobinadö yemidanö tjetjachinö ja̧bo̧ma. Ötjödasa ji̧bakwawa iyo̧ma. Ötjönö o̧'wo̧ wana̧lo̧ma woaja̧ ikenabi yemidanö ö̧jakwo̧.

Juan 11:32

Ja̧danö Maríama Jesús ö̧jena 'ya̧wibö öba a'o ju̧yu̧ju̧ki̧junö jamatö jö̧ja̧linobe: —Duluwo̧ bena kwö̧jitjö̧ma chöjawo̧ma ö'wö batibokoinobe— jö̧ja̧linobe.

Hechos 13:15

Jejunö ba̧nö tja̧ja̧kwa̧lonö judío jojodö la'aka luwedöma, Moisés iwȩyudina öjiya kwialu eda̧lö yöba̧lijadötö. Ja̧danö, ju'wedö Dios yöawi̧ yöbawinadö tjiwȩyudina öjiya kwialubi eda̧lö yöba̧lijadötö. Jemi ikenama ja̧ yöba̧lö katjatajena ju'wedö judío jojodö la'aka luwedöma webijadötö bakwo̧nö abebö a̧ja̧kwobö Pablonö, Bernabénö: —Chömöledö, ökwödöma ¿yökawaduwobö jö̧ka̧laduwiji̧? Jojodö tjo̧'wo̧ luwo̧ ösöwachibanö tjomukwatobö yöa̧lakwawa kwujuna̧laduwitjö̧ma yökawaduwena, da̧ja̧kwobö— jö̧ba̧lijetö.

Hechos 28:8

Jo̧bakwö dö̧jena abe'doma jwiinö ö'wöchijatö nia'otjö, kwu̧kwi̧ yobi̧tjö. Pabloma jo̧ba abȩko̧ tebachö ömamu jo̧banö 'bibeba̧lö Diosnö aebijatö jo̧banö pjaatobö. Jejenö ömamu 'bibeba̧lö aebena jo̧bama, ö'wöchi̧ jwiinö baibanö otiwanö söawijatö.