Mateo 9:1 - Dios Iwene

¹ Jesúsma isowinö a̧jibö, o̧pesobu bakwachobube ȩwa̧jinobe, iteda itebobe.

Mateo 9:1 Iomraidhean Croise

Mateo 4:13

Ajayinöma Nazaret comunidadbe ȩwa̧jinobe, ikenama jobetjö labebö Capernaúm comunidadbe ja̧nö i̧'yinobe. Jobe Capernaúmma, o̧pesobu nöobu Galileasobu ö'öbö comunidad, ja̧danö Israel jojodötjö Zabulónsaso, ja̧danö Neftalísaso jojodö tjitebo.

Mateo 7:6

Tupakwö yöawinobe Jesúsma: —Chömöledö, Dios jawama, Diosnö öpöjödadönö iyökönaduwi, tjöpöjödobetjö̧. Baikwö wanedö yötawa: Inesö otiwi̧ jawa a̧wi̧li̧dönö iyökönaduwi, jobadönö kwiyaduwitjö̧ma tjösödökakwedö, ja̧danö jalachibö ökwödönö metjibakwedö. Ja̧danö, nöinö mikwawi̧ önebiya perla ötjabi̧ önebiyama, ku̧si̧dönö iyökönaduwi, Aaa, nöinö mikwawi̧ jö̧ba̧löma tjomukwatökakobetjö̧, sule kwiyaja̧ma ja̧tö lotjakobe— jö̧ba̧lö yöawinobe Jesúsma.

Mateo 8:18

Jesús iteda ipjeanö ba̧jekwadö jojodö tjoko̧ko̧kwachibobe edö, iteda öba̧ja̧di̧ waisachadönö weinobe, o̧pesobu nöobu bakwachobe petjibobö isowinö.

Mateo 8:23

Jemi ikenama, Jesúsma isowinö a̧jibinobe iteda öba̧ja̧di̧ waisachadökwö, ja̧danö jamatö petjibinobe.

Marcos 5:21

Ikenama Jesúsma öba̧ja̧di̧ waisachadökwö isowinö a̧jibajo̧ ȩwa̧jö pebibijetö o̧pesobu bakwachödöbe. Jödö lamatö Jesúsma isowitjö meibö o̧pesobu ö'öbönö ö̧jobekwö ba̧jekwadö ichö ko̧ko̧kwijadötö.

Lucas 8:37

ja̧danö yötjawiawö̧, jwiinö yetjaibinobe jojodöma. Ja̧danö, jwiinö yetjaibobetjö̧, okobe deinö gadarenos tjitebo jojodöma Jesúsnö atjebinobe, tjitebotjö laebajobö. Ja̧danö, atjebökwe, Jesúsma yemidanö isowinö a̧jibinobe, ȩwa̧jobö.

Lucas 8:40

O̧pesobu bakwachobetjö jojodö ba̧jekwadö Jesús ichibakwa̧ tjite'ada̧linobe, ja̧danö gadarenos tjitebobetjö Jesús ȩwa̧jenama, tjo̧'wo̧ ösöwanö tjedinobe, Jesúsma otiwanö ichibajabe jö̧ba̧lö.

Apocalipsis 22:11

Ja̧danö, sulabenö ju̧kwadöma, sulabenö tjuju̧kwobö jo̧be. Ja̧danö, otiwanö ju̧kwadöma otiwanö tjuju̧kwobö jo̧be. Ja̧danö, taba̧lö̧ji̧ jawada omukwatö ju̧kwadöma taba̧lö̧ji jawada omukwatö tjuju̧kwobö jo̧be. Ja̧danö, otiwanö omukwatö ju̧kwadöma otiwanö omukwatö tjuju̧kwobö jo̧be. Ja̧danö, wainö ja̧nö sulabedökwö pjabacha̧lökönö ju̧kwadöma jejenö, wainö pjabacha̧lökönö tjuju̧kwobö jo̧be— jejenö ángelma jö̧a̧lijatö ötjönöma.