Mateo 8:4 - Dios Iwene

⁴ Ikenama, Jesús weinobe otidö loajökwenö: —Jojodönö yöbawökönuwi ökwönö pjatataja̧ma. Ju'wedönö yöbawökönö, Diostjö jojodötjö ö'weje pjabato̧ ö̧jobekwö da̧ji, kwi̧sȩdo̧ otiwi̧ edo jö̧ba̧lö. Ikenama, tji̧sȩdo̧ sulabedötjö otiwanö babibajadö tjiyobö Moisés weinadanö, Diosnö iyawa kwiyo, okobe deinö otiwanö bakibaja̧ tjöwaiso jö̧ba̧lö— weinobe Jesúsma.

Mateo 8:4 Iomraidhean Croise

Isaías 42:21

Jau chömöledö, Isabenö Jo̧ Suli̧ Jwibo̧ Diosma jwaikwöda lȩebo jö̧a̧li̧danö lȩbebo̧. Jo̧kwajabetjö̧ iteda wei̧ yöawobö ösödinobe, —Bi̧ya ökwödönö weti̧ma inesö mikwawi̧, a̧ja̧kwö kwö̧jaduwobö jo̧be, —jö̧ba̧lö.

Mateo 10:18

Ötjö chöba̧ja̧di̧ waisachadököbaduwobetjö̧, luwedö, ja̧danö inesö la'aka luwedö tjöba a'o kwö̧jaduwakobe, ötjö jawa wene jobadönöbi, ju'wedö judío jojodöböködönöbi yökawaduwakobetjö̧.

Mateo 16:20

Jemi ikenama iteda öba̧ja̧di̧ waisachadönö jweinö weinobe: —Jojodönö yöbawökönaduwi, Dios weakwo̧ jö̧a̧linökwema Jesúsda jö̧ba̧löma—.

Mateo 17:9

Jemi ikenama, mö'ösa'obetjö yututjajenama, Jesúsma jobadönö weinobe: —Ja̧ kwedaduwaja̧ma, ju'wedönö yöbawökönaduwi, ötjö jojo baibanö jeminökwema wobajaletjö tjetachajenanö kabatö— jö̧ba̧lö.

Mateo 3:15

Jejenö aebökwe, Jesúsma atadinobe: —Diosma ötjönöbi ojwenö bu̧datakwawa weobe, jo̧kwajabetjö̧ ötjönöbi ojwenö kwubu̧datobö jo̧be, okobe jwiinö Dios wei̧danö ja̧dobö— jö̧ba̧lö atadinobe Jesúsma. Jejenö atadökwe, Jesúsnö ojwenö ubu̧datinobe Juanma.

Mateo 5:17

Tupakwö yöawinobe Jesúsma: —Chömöledö, omukwatökönaduwi, Aaa, Jesúsma Dios weina Moisés iwȩyudinabi, ju'wedö Dios yöawi̧ yöbawadö tjiwȩyudinabi söbebö loobö ichajabe, jö̧ba̧lö. Ja̧ jawa söbebö loto jö̧ba̧löma chichijökötö chömöledö, okobe jwiinö ja̧ tjiwȩyudina jawa badekwachinö ja̧tobö chichijatö.

Mateo 6:1

Tupakwö yöawinobe Jesúsma: —Chömöledö, ökwödö otiwanö ja̧köbaduwenama, sule jojodöda tjedo jö̧ba̧löma ja̧bökönaduwi. Jau chömöledö, jojodöda ökwödönö ösödö tjedobö ja̧köbaduwiökwe, mölejȩbe jo̧ Kwabe'doduwima otiwanö ja̧köbaduwaja̧ mikwa baibanöma iyökakobe, ida̧ökö jojodötjö ja̧tjaja̧ mikwa baibanö emajadö jö̧ba̧lö.

Mateo 9:30

Juluwanö Jesús yöawaja̧danö, tjöbajalebiya otiwachibinobe, ja̧danö Jesúsma jobadönö weinobe: —Jojodönö yöbawökönaduwi ökwödönö pjatataja̧ma— jö̧ba̧lö jweinö weinobe.

Marcos 13:9

Jo̧kwaobetjö̧ yötawaduwakwö. Tjöbeba̧lakwawö ju̧kwaduwi ökwödönö sulabenö ja̧tjakobetjö̧. Ja̧danö, ju'wedöma ökwödönö do̧batibö tje'ewakobe lȩekwa jojodö tjö̧bajobekwö, ökwödönöma jwötjeba̧lobö. Ja̧danö, judío jojodö ba̧nö tja̧ja̧kwa̧leju okwa tebachö kwakwatjakobe ökwödönöma. Ötjökwö kwekachaduwobetjö̧ ju'wedöma ökwödönö jwötjeba̧lotö jö̧ba̧lö ökwödönö do̧batibö tjujunakobe la'aka luwedö tjöba a'otjöbi, luwedö tjipjea jojodö tjöba a'otjöbi. Jejenö ja̧nö ökwödöma otiwa jawa wene, Dios iwenema, yökawaduwobö ja̧kobe.

Marcos 3:12

Jejenö jwötjeba̧lökwe Jesúsma labinö webijetö tjo̧'wo̧ luwo̧nö sulabedönöma: —Ökwödö yöka̧laduwaja̧ma, Jesúsma Dios Itji̧, jö̧ba̧löma, jojodönöma ¡yöka̧laduwa!—webijetö.

Marcos 5:43

Ikenama Jesúsma webijetö jobadönöma ju'wedönö yötjawokobö. Ikenama webijetö jukwobö tjiyobö tjemunö.

Marcos 6:11

Jo̧kwaijayonö comunidadbe kwichibaduwena jobe ju̧kwadöma ökwödönö teatakwawabi a̧ja̧kwakwawabi tjöpöjöditjö̧ma, kwömasapaduwitjö kwupjusawaduwo, letiya. Ja̧ kwupjusawaduwi̧ma jobadönö i̧sebakobe, Ökwödöma Dios iwene kwa̧ja̧kwaduwobö kwöpöjödaduwitjö̧ma tjo̧wi̧ta, ökwödönöma kadatiba, jö̧ba̧lö— webijetö Jesúsma iteda öba̧ja̧di̧ waisachadönö jelobe tji̧'yakwa̧ abönö.

Marcos 7:36

Ja̧danö, Jesúsma webijetö jobe ju̧kwadönö ju'wedönö yötja̧lokobö. Jejenö weaja̧jayonö jobadöma a̧ja̧kwijöködötö. Jemi tupakwö ja̧ baledaja̧ma ba̧jekwadönö yöba̧lijadötö.

Marcos 8:30

Jejenö jö̧a̧lökwe Jesúsma jobadönö jö̧ba̧lijetö ju'wedönö yötjawokobö, iteda, Jesúsma Dios weinökwe, jojodö tjö̧jibinö pjaatobö, jö̧ba̧lö, yötjawokobö.

Marcos 9:9

Ikenama, mö'ösa'obetjö yutubajö ȩwa̧jö Jesúsma jobadönö webijetö: —Ja̧ kwedaja̧duwama ju'wedönö yökawaduwoko ju'winö, ötjö, jojo baibanö jeminökwema wobajaletjö tjetachajenanö kabatö— webijetö Jesúsma.

Lucas 17:14

Jwötjiökwe, Jesúsma jobadönö edö weinobe: —Diostjö jojodötjö ö'weje pjabato̧ ö̧jobekwö 'ya̧nö, kwi̧sȩdo̧duwi i̧sebaduwinö, edö bidöma tji̧sȩdo̧ otiwadö jö̧ba̧lö yöawakobetjö̧— jö̧ba̧lö. Weawö̧, weaja̧danö tji̧'yinobe, ja̧danö tji̧'yemi ja'ötjö, okobe deinö tji̧sȩdo̧ sulaja̧ma otiwachibinobe.

Lucas 21:13

Jau chömöledö, ökwödönö öpöjödö jobadö tjöba a'o kwö̧jaduwobö tjujunakobe, ja̧danö jejenö tjujunobetjö̧, otiwanö ötjönö yökawaduwobö baibakobe.

Lucas 4:41

Ja̧danö, ö'wöchadötjö ba̧jekwadö tjo̧'wo̧ luwo̧nö sulabedönö juna̧ladönöbi otidö loinobe, ja̧danö jobadötjö sulabedö Awetja ömöayedö latjebenama, Ökwöma Dios itji̧köba, jö̧ba̧lö Jesúsnö jwötjeba̧linobe. Jo̧kwaijayonö jejenö jwötjeba̧liökwe Jesúsma jobadönö lȩebinobe: —Jwöbeba̧lökönaduwi. Ötjö Dios itji̧ chö̧ji̧ma jwöbeba̧lökönaduwi. Jwöbeba̧lökönö labebaduwi— jö̧ba̧lö weinobe Jesúsma. Jobadö Awetja ömöayedöma Jesúsnö tjöwaisinobe, Jesúsda Dios weakwo̧ jö̧a̧linökwe, jö̧ba̧lö. Ja̧danö jejenö tjöwaisobetjö̧, jobadönö weinobe, Dios itji̧ chö̧ji̧ yöbawökönö labebaduwi, jö̧ba̧lö.

Lucas 5:14

Ikenama, Jesús weinobe otidö loajökwenö: —Jojodönö yöbawökönuwi ökwönö pjatataja̧ma, jojodönö yöbawökönuwi. Yöbawökönö, Diostjö jojodötjö ö'weje pjabato̧ ö̧jobekwö da̧ji, kwi̧sȩdo̧ otiwi̧ edo jö̧ba̧lö. Ikenama, tji̧sȩdo̧ sulabedötjö otiwanö babibajadö tjiyobö Moisés weinadanö, Diosnö iyawa kwiyo, okobe deinö otiwanö bakibaja̧ tjöwaiso— jö̧ba̧lö weinobe Jesúsma.

Lucas 8:56

Jejenö balediawö̧, tjemu jojo'dobi jabe'dobi tjöbajale jalaka baibanö tjedinobe, ja̧danö Jesúsma jobadönö weinobe: —Ju'wedönö yöbawökönaduwi biya̧ baledaja̧ma— jö̧ba̧lö.

Lucas 9:21

Jesúsma iteda öba̧ja̧di̧ waisachadönö weinobe: —Ötjönö kwöwaisaduwobe, Jesúsma Dios weakwo̧ jö̧a̧linökwe jö̧ba̧lö, jo̧kwaijayonö ina yöbawökönaduwi kwöwaisaduwijayonö. Jau chömöledö, jweinö wetaduwakwö, Jesúsda Dios weakwo̧ jö̧a̧linökwema jö̧ba̧lö ina yöbawökönaduwi jojodönö— jö̧ba̧lö weinobe Jesúsma.

Juan 5:41

Ina yöawinobe: —Ja̧danö, böjȩ jojodö ötjönö ösödö otiwanö yötja̧loböma chisakwokobe— yöawinobe—.

Juan 7:18

Bakwo̧ iteda ösödi̧, iteda omukwati̧ yöbawo̧ma o̧'wo̧ luwo̧ okwa sulabenö omukwato̧, itedada ösödi̧ma. Jojodö itenöda ösödö, Bitema jwiinö waiso̧, jö̧ba̧lö, tjomukwatobö isakwo̧. Jo̧kwaijayonö bakwo̧, jo̧banö webo̧ ösödi̧da ja̧bo̧ma, o̧'wo̧ luwo̧ okwa otiwanö omukwato̧, jojodöma webo̧nöda tjösödobö isakwö. Jobama jweinöda yöbawo̧— yöawinobe—.

Juan 8:50

Ja̧danö, ötjöma jojodö ötjönö tjösödoböma chisakwokobe. Jo̧kwaijayonö Chabe'doma jejenö ösödobe, jojodö ötjönö tjösödoböma. Jo̧bada, Chabe'doda ötjönö ösödö, jweinö yöbawo̧, Jwiinö otiwo̧, jö̧ba̧lö.