Mateo 8:3 - Dios Iwene

³ Jejenö aebökwe, Jesúsma ömamu debatö jo̧banö mabö yöa̧linobe: —Jau, chösöda. Kwi̧sȩdo̧ otiwo̧ babibi— jö̧ba̧lö. Jejenö Jesús yöa̧lenama, i̧sȩdo̧ sulaja̧ma, jwiinö baibinobe.

Mateo 8:3 Iomraidhean Croise

Génesis 1:3

Ikenama: —¡Dewinö babibi!— jö̧ba̧lö webijetö Diosma. Jejenö dewinö baibijetö, iteda wei̧danö.

2 Reyes 5:11

Jobekwö yöawiökwe, ödameakwinobe Naamanma, ja̧danö Eliseo ejutjö labebö yöa̧linobe: —Chomukwatatö, Dios yöawi̧ yöbawo̧ma, itedada isabenö chö̧jobekwö laebena, ja̧danö chöba a'o jamatö, ösödökwe Isabenö Jo̧ Diosnö jwöena, –Isabenö Jo̧, bitenö pjabati, –jö̧ba̧lö. Ja̧danö ömamu wechö, lepra chö'wöchi̧tjö chö̧bibajinö otidö loena, jö̧ba̧lö chomukwatatö.

2 Reyes 5:14

Yöa̧lökwe, a̧ja̧kwinobe Naamanma, ja̧danö Jordan ojwe okwa tebachö, Dios yöawi̧ yöbawo̧ weaja̧danö, jelemutjö dötölatajanö u̧bu̧dachinobe. Jemi ikenama, i̧sȩdo̧ma bakwainö otiwachibinobe, tjemu ja'yuwo̧ i̧sȩdo̧ otiwi̧danö, ja̧danö lepra ö'wöchi̧ jwiinobe.

Éxodo 4:7

Ikenama webijetö Isabenö Jo̧ma: —Yemidanö kamijido̧ okwanö 'dawekwö 'bibekwa̧li kwomukwonö, kwömamuma— weökwe yemidanö ömamu kamijido̧ okwanö 'dawekwö 'bibekwa̧lajo̧ yemidanö töbekwö edemi ömamuma otiwanö ji̧jetö, ajayi ja̧jadanö.

Mateo 12:13

Jejenö jö̧ba̧lajo̧, Jesúsma ömamu 'wabo̧nö weinobe: —Kwömamu debati— jö̧ba̧lö. Weökwe, ömamu 'wabo̧ma ömamu deatinobe, ja̧danö deatenama, ömamu otiwanö baibinobe, jelemu otiwamudanö.

Marcos 1:41

Ö'wöcho̧ma jejenö ö̧jiökwe Jesúsma lȩlö̧jinö edö jo̧banö mabö jö̧ba̧lijetö: —Jau. Ökwönö otidö lotobö jö̧ta̧la. ¡Seachibökweja!—

Marcos 4:39

Jejenö jö̧tja̧lökwe, Jesúsma a̧laibö, jwa̧lȩ'epjobi o̧pesobubi labinö yöba̧lijetö: —Wi̧ babibö yöbachibi—jö̧ba̧lö. Jejenö jö̧a̧lemi jwa̧lȩ'epjoma yöachibijetö. Balawa loaja̧bi loökönö babibijetö.

Marcos 5:41

'Ya̧wibajo̧ Jesúsma tjemu jömamunö do̧batö jö̧ba̧lijetö, jobadö tjiwenenö: —Talitá kumi— jö̧ba̧lijetö. Jejenö jö̧a̧linama, Tjemu ökwönö weta, A̧laibi, jö̧ba̧lö, yöawobe.

Marcos 7:34

Ikenama Jesúsma o̧'wo̧nö emö mölejȩbe edö jö̧ba̧lijetö: —¡Efata!— jö̧ba̧lijetö. Jejenö jö̧ba̧löma, po̧chachaibi, jö̧ba̧lö.

Marcos 9:25

Ikenama Jesúsma ba̧jekwadö ö'öbakwawö tjichobe edö juluwanö webijetö tjemu o̧'wo̧ luwo̧nö sulabo̧nö jo̧batjö laebobö. Baikwö webijetö: —Ökwö sulabo̧, jojo a̧ja̧kwökönö yöa̧lökönö ja̧binanöma, babema ökwönö weta lakebobö bite tjemutjö, la'akatjöda yadakwödanö tekachibökönö—webijetö Jesúsma.

Lucas 4:27

Ja̧danö Eliseo ö̧jinenama, Israel jojodötjö ba̧jekwadö tji̧sȩdo̧ sulabedöma tjö̧jinobe, ¿jö̧tö? Jo̧kwaijayonö jobadötjö bakwo̧nöbi otidö looböma weinokobe Diosma, sule jelo̧nöda, Israel jojobö̧kö̧ Siria jojo Naamán mikwo̧nöda otidö loobö weinobe, ¿jö̧tö? Babebi ja̧danö, kwöba a'oduwitjö chi̧sebökö chujuluma— jö̧ba̧lö yöa̧linobe Jesúsma.

Lucas 5:13

Aebökwe Jesúsma ömamu debatö jo̧banö mabö yöa̧linobe: —Jau, chösöda. Kwi̧sȩdo̧ otiwo̧ babibi— jö̧ba̧lö. Ja̧danö i̧sȩdo̧ sulaja̧ma, juluwanö jwiinö baibinobe.

Lucas 7:14

Ikenama Jesúsma wobajo̧nö tje'ewöte jo̧bekwö 'ya̧nö, tje'ewöte mainobe, ja̧danö maiawö̧, wobajo̧nö e'ewadöma tjöjamatinobe. Ikenama Jesúsma wobajo̧nö yöa̧linobe: —Möayo̧, baikwö wetakwö: A̧laibi— jö̧ba̧lö.

Juan 11:43

Jejenö abebö kabatö, Jesúsma labinö jwöinobe: —Lázaro jobetjö labebi—jwöinobe.

Juan 15:24

Ja̧danö, jojodökwö ja̧nö juluwi̧ jawa i̧sebiachijatö, jelo̧ la'akatjöda i̧sebajiökö jawama. Ja̧ chi̧sebi̧ edö, Ayö bitema Dios weinökwe, jö̧ba̧lö, tjösödobö ji̧jayonö tjöpöjödijatö ötjönöbi, Chabe'donöbi. Jo̧kwaobetjö̧, jobadönöma lȩebakwawö̧.

Juan 5:21

Ina yöawinobe: —Chabe'do Diosma iteda ösödi̧danö wobajadönö ja̧kwawa iyö, tjetjachajinö otido̧. Ja̧danö, ötjöma Chabe'do Dios otidi̧danö bakwainö otido̧sa. Ja̧danö, ötjöma Chabe'do jojodönö yemidanö tjetjachajinö otidi̧danö otido̧sa, jojodö jejenö tjetjachajobö, ösödö chomukwatawö̧nöma.