Mateo 8:17 - Dios Iwene

¹⁷ Ja̧ baledi̧ma, damötjö Dios yöawi̧ yöbawo̧ Isaías yöawinadanö baledinobe. Baikwö laebobe Isaías iwȩyudinama: Jo̧bama dö'wöchi̧bi, usula demawi̧bi eminobe, jö̧ba̧lö.

Mateo 8:17 Iomraidhean Croise

Génesis 22:6

Ikenama Abrahamma Isaac öböbe'onö kabebö wanijetö. Wanajo̧ i̧sa̧pi̧, ökwöla juawa 'dö̧tekwa e'ewö 'yi̧jetö, itji̧ Isaac imi e'ewo̧kwö.

Isaías 53:4

Jo̧ba usula emawobe edö domukwatijatö, —Iteda sulabenö ja̧bö ö̧jobetjö̧ Dios lȩebökwe, wainö lȩebo jö̧a̧lökwe, —jö̧ba̧lö. Jo̧banö wajwidijatö, —O̧'wo tjobekwö ö̧ji̧ma, iteda jawamaökö, ökwödöda jawa emawo̧, ökwödöda inia tjödo jö̧da̧li̧ma emawo̧, —jö̧ba̧lö.

Mateo 1:22

Jejenö baledi̧ma baledinobe, Duluwo̧ yöawinadanö baledakobetjö̧. Dios yöawi̧ yöbawo̧ma ja̧ Duluwo̧ yöawina damötjö iwȩyudinobe, baikwö:

Mateo 2:15

ja̧danö jobe tjö̧jinobe, Herodes ö'wö baibenanö kabatö. Ja̧ baledi̧ma Duluwo̧ damötjö yöawinadanö baledinobe. Baikwö iwȩyudinobe Dios yöawi̧ yöbawo̧ma, ja̧ Duluwo̧ yöawinama: Chitji̧nö Egypto nijitjö laebobö jwötajabe, jö̧ba̧lö laebobe.

Mateo 2:23

Ja̧danö, Galilea nijibe 'ya̧nö, Nazaret comunidadnö tjö̧jinobe. Ja̧ baledi̧ma Dios yöawi̧ yöbawadö Dios weakwo̧nö tjiwȩyudinadanö baledinobe. Baikwö laebobe Dios iwene, damötjö tjiwȩyudinama: Jo̧banö Nazaret jojo ötjabikobe, jö̧ba̧lö laebobe.

Marcos 1:32

Ikenama, yi̧bena, ja̧wo̧ ida̧ökö meaja̧ tupakwö, jobe nijinö ju̧kwadöma, Jesús otidaja̧ yötjawi̧ a̧ja̧kwajadö, ba̧jekwadö tjömöledö ö'wöchadönöbi, tjo̧'wo̧ luwo̧nö sulabo̧ öjawö̧nöbi ichejebijadötö Jesús ö̧jobekwö.

Lucas 4:40

Jemi ikenama, yȩatibena, comunidad bakwameachibanö jojodöma tjömöledötjö ö'wöchadönö tjichejebinobe Jesús ö̧jobekwö, ju'witjö tjö'wöchi̧bi, ju'wi tjö'wöchi̧tjöbi ö'wöchadönöma, ja̧danö okobe jwiinö tjö'wöchajiatjö tjö̧bibajinö ömamunö mabö otidö loinobe Jesúsma.

2 Corintios 12:10

Jo̧kwajabetjö̧, chujulu jwienabi, ja̧danö ötjönö sulabenö yötja̧lenabi, ja̧danö usula chemawenabi, ja̧danö ju'wedö usula chemawobö ja̧tjenabi, ja̧danö wene chöbaledenabi, cho̧'wo̧ ösöwanö chö̧jobe chömöledö, Cristonö chösödobetjö̧ biya̧ baledo̧sa jö̧ba̧lö. Jau chömöledö, ja̧ jawa cho̧'wo̧ ösöwanö chöbaledobe, jejenö ötjöda chujulu jwienama, isabenö ujulu chujuna̧lobetjö̧.

1 Pedro 2:24

Jau chömöledö, Cristoma isabenö ökwödönö pjabatö usula emawinobe. Ökwödö sulabenö ja̧dobetjö̧ Dios lȩebi̧tjö demo jö̧da̧linobe chömöledö, jo̧kwaijayonö ökwödö demawo jö̧da̧linama, jo̧bada dusula emawö towisa'onö ö̧linobe. Jejenö midawö woinobe, ökwödöma suli̧ ujulutjö ji̧bö, otiwanö ja̧bö dö̧jakobetjö̧. Jau chömöledö, kwakwatji̧tjö jo̧bada usula emawinobetjö̧, ökwödöma kwö'wöchaduwi̧tjö ji̧binadöja.