Mateo 7:4 - Dios Iwene

⁴ Jejenö ösöte kwöbajalenö a̧jijayonö, kwömöledöso̧nö yöba̧ladöja: Kwöbajaletjö iso̧pja̧ loköbobö pjatato, jö̧ba̧lö. Jejenö ösöte ina kwöbajalenö a̧jonö, ¿dakwö otiwanö edö kwömöledöso̧nö pjakatobö?

Mateo 7:4 Iomraidhean Croise

Proverbios 26:7

Ja̧danö, ju'wibi yötawa: Jweinö omukwatö̧kö̧ma jwebebö yöawakwawa jawanö wanekwachi̧ jawa yöawoböma waiyobe. Wanedö yötawa: I̧bȩjwi̧ya waabo̧ kweachobö waiyi̧danö waiyobe, jweinö omukwatö̧kö̧ma jwebebö yöawakwawa jawanö wanekwachi̧ jawa yöawoböma.

Mateo 23:24

jo̧kwaijayonö ökwödö kwöbajaleduwi tjewawadö jojodönö öbibadöma, Dios weina jawatjö ju'wi jaye otiwanö ja̧köbaduwijayonö, inesö mikwawi̧ weawa junibadöja. Ja̧bö kwö̧jaduwi̧ma baikwö wanedö yötawa: Kwowaduwakwa̧ abönö ojwiyoma te'ada̧lönö pjebatadöja, 'do̧jwiyanö kwö̧kataduwapji jö̧ba̧lö, jo̧kwaijayonö 'do̧jwiyanö kwö̧ka̧taduwököjayonö, omukwatökönö nöbo̧nö kameyunö ö̧katadöja ichejekwa, inesö mikwawi̧ Dios weina jawa ja̧bö kwö̧jaduwokobetjö̧— jö̧ba̧lö yöawinobe Jesúsma.

Mateo 7:3

Jau chömöledö, ökwödöma kwömöledöduwi wene tjujuna̧li̧ omukwatadöja, ¿jö̧tö? ¿Tajawedö kwömöledöduwi wene tjujuna̧li̧ kwomukwataduwijayonö, ökwödöda wene kwujuna̧laduwi̧ma kwomukwataduwokobeda? ¿Tajawedö ju'wedönö jwekebaduwijayonö, ökwödöda ja̧bö kwö̧jaduwi̧ma jwekekwaduwokobeda? Baikwö wanedö yötawa: Ökwödöma kwömöledöso̧ öbajaletjö iso̧pja̧ ja'yuwo̧pja̧ edadöja, jo̧kwaijayonö ja̧ kwedaduwijayonö, ökwöda kwöbajaletjö towisöte nööte edöködöja.

Mateo 7:5

Jejenö ja̧bo̧ dötölatajanö omukwato̧nö baikwö yötawa: Abönö ökwöda kwöbajaletjö towisöte emö loköbo. Ikenama lobajo̧, otiwanö kwedena, kwömöledöso̧ öbajaletjö i̧so̧pja emö loköbobö— jö̧ba̧lö wanedö yöawinobe Jesúsma.

Lucas 6:42

Jejenö ösöte kwöbajalenö a̧jijayonö, kwömöledöso̧nö yöba̧ladöja, Kwöbajaletjö iso̧pja̧ loköbobö pjatatakwö, jö̧ba̧lö. Jo̧kwaijayonö ösöte kwöbajalenö a̧jöte kwedökötjö̧ma, ¿dakwö otiwanö edö kwömöledöso̧nö pjakatobö? Jejenö ja̧bo̧ dötölatajanö omukwato̧nö baikwö yötawa: Abönö ökwöda kwöbajaletjö towisöte emawö loköbo, ikena emö lobajo̧, otiwanö kwedena, kwömöledöso̧ öbajaletjö iso̧pja̧ emö loköbobö— jö̧ba̧lö wanedö yöawinobe Jesúsma.