Mateo 7:3 - Dios Iwene

³ Jau chömöledö, ökwödöma kwömöledöduwi wene tjujuna̧li̧ omukwatadöja, ¿jö̧tö? ¿Tajawedö kwömöledöduwi wene tjujuna̧li̧ kwomukwataduwijayonö, ökwödöda wene kwujuna̧laduwi̧ma kwomukwataduwokobeda? ¿Tajawedö ju'wedönö jwekebaduwijayonö, ökwödöda ja̧bö kwö̧jaduwi̧ma jwekekwaduwokobeda? Baikwö wanedö yötawa: Ökwödöma kwömöledöso̧ öbajaletjö iso̧pja̧ ja'yuwo̧pja̧ edadöja, jo̧kwaijayonö ja̧ kwedaduwijayonö, ökwöda kwöbajaletjö towisöte nööte edöködöja.

Mateo 7:3 Iomraidhean Croise

Mateo 7:4

Jejenö ösöte kwöbajalenö a̧jijayonö, kwömöledöso̧nö yöba̧ladöja: Kwöbajaletjö iso̧pja̧ loköbobö pjatato, jö̧ba̧lö. Jejenö ösöte ina kwöbajalenö a̧jonö, ¿dakwö otiwanö edö kwömöledöso̧nö pjakatobö?

Mateo 7:5

Jejenö ja̧bo̧ dötölatajanö omukwato̧nö baikwö yötawa: Abönö ökwöda kwöbajaletjö towisöte emö loköbo. Ikenama lobajo̧, otiwanö kwedena, kwömöledöso̧ öbajaletjö i̧so̧pja emö loköbobö— jö̧ba̧lö wanedö yöawinobe Jesúsma.

Lucas 18:11

Ja̧danö, wainö ja̧nö, fariseo jojoma Diosnö aebinobe baikwö: Dios, ötjöma ju'wedödanöbö̧kö̧chobetjö̧ chösödakwö, otiwa, jö̧ba̧lö. Jau Dios, ju'wedö idöda tjemotö jö̧ba̧lö tjomukwati̧danöma chemotö jöba̧löma omukwatö̧kö̧sa, ja̧danö ju'wedö omöna yötja̧li̧danöma omönama yöba̧lö̧kö̧sa, ja̧danö ju'wedö tji̧lȩkwa̧muböködökwö sulabenö ja̧tji̧danöma chilekwobökujukwö sulabenöma ja̧bö̧kö̧sa. Jau Dios, bite sulabo̧ impuesto ötjabi̧ balada emawa otido̧danöbö̧kö̧chobetjö̧ chösödakwö, otiwa, jö̧ba̧lö.

Romanos 2:1

Chömöledö, babe sulabenö ja̧badö ja̧tji̧ wene yöta̧laja̧ kwa̧ja̧kwaduwenama, idöma sulabedö jö̧ka̧laduwena, Diosma jobadönö lȩebitjö̧ma otiwena, sulabenö ja̧tji̧ mikwa, jö̧ba̧lö. Jejenö jö̧ka̧laduwenama, isabenö idöda jawada jö̧ka̧laduwokobe, i̧seböbi kwi̧sekwaduwobe, Dios ökwödönöbi lȩebobö jo̧be, jö̧ba̧lö. Jobadö ja̧tji̧ma, sula jö̧ba̧lö kwöwaisaduwijayonö, ja̧tji̧danö ja̧badöja ökwödöbi. Ja̧danö, Diosma ökwödönöbi lȩebobö jo̧be, jö̧ba̧lö kwi̧sekwaduwobe.

Gálatas 6:1

Chömöledö, wanedö yötawa: Ökwödötjö bakwo̧ sulabenö ja̧bö meitjö̧ma, ökwödö Dios O̧'wo̧ Luwo̧ yöawi̧ a̧ja̧kwadöma jo̧banö dösölö̧jinö pjabatö kwa̧lapedaduwonö. Ja̧danö, jejenö kwa̧lapedaduwenama, omukwatönö kwö̧jaduwo, jo̧ba sulabenö ja̧i̧danö ökwödöbi ja̧köbaduwobö kwösödaduwapji jö̧ba̧lö.