Mateo 7:29 - Dios Iwene

²⁹ Moisés iwȩyudina jawa ba̧ja̧dadö tjöba̧ja̧di̧danö öba̧ja̧dököwö̧, jejenö tjomukwatinobe, Jesúsma isabenö luwo̧ yöawi̧danö yöawobetjö̧.

Mateo 7:29 Iomraidhean Croise

Isaías 50:4

Chuluwo̧ Isabenö Jo̧ Diosma ötjönö öba̧ja̧dajabe, iteda waisanö yöa̧li̧ yöta̧lobö, me'dawachibadönö tjujuluwachibanö yöta̧lakwa̧ chöwaisakobetjö̧. Ötjönö ba̧ja̧dö, yȩayikwena ötjönö wiludö, ö̧ba̧ja̧di̧ cha̧ja̧kwobö webo̧, waisachadö tjöwaisachi̧danö, Dios öba̧ja̧di̧ jawa a̧ja̧kwö chöwaisachakobetjö̧.

Mateo 28:18

Ikenama Jesúsma jobadö tjö̧jobekwö ichö yöawinobe: —Mölejȩtjöbi, böjȩtjöbi okobe deinö la'aka tjuluwo̧ batibanö ja̧ajabe Diosma,

Mateo 5:20

Jau chömöledö, baikwö yötawaduwakwö: Ökwödöma fariseo ötjabiwö̧ ja̧bö tjö̧ji̧tjö, ja̧danö Moisés iwȩyudina ba̧ja̧dadö ja̧bö tjö̧ji̧tjö ökwödöma bajalekwönönö sulabenö ja̧bökönö jwaikwöda otiwanö ja̧bö kwö̧jaduwökötjö̧ma, la'akatjöda Dios la'aka luwo̧ ö̧jakwa̧ tekachaduwökena— jö̧ba̧lö yöawinobe.

Mateo 5:28

Jo̧kwaijayonö babema jemi bajalekwönönö baikwö yötawaduwakwö ötjöma chömöledö: Sule kwi̧lȩkwa̧muböködökwö kwö̧jitjö̧damaökö, bakwo̧ ilekwobökujunö edö, Aaa, isujunö chö̧jowe, jö̧ba̧lö omukwatitjö̧ma, omajadenö ilekwobökujunö ida̧ökö ö̧jajabe.

Mateo 5:32

Jo̧kwaijayonö, babema baikwö yötawaduwakwö chömöledö: Bakwo̧ iteda ilekwo sulabenö jelo̧kwö jö̧jököjayonö jobujunö kaatibitjö̧ma, jilekwebö̧kö̧kwö jö̧jobö ja̧obe ilekwonö, ja̧danö kaatibinokonö ilekwo bajibanö emo̧ma, jelo̧ ilekwonö ö̧jobe— jö̧ba̧lö yöawinobe Jesúsma.

Mateo 5:44

Jo̧kwaijayonö, baikwö yötawaduwakwö chömöledö: Kwöpöjojodönöbi kwösödaduwo, ja̧danö usula kwemawobö ja̧badönö Diosnö akebaduwo, jö̧ba̧lö yötawaduwakwö.

Mateo 7:28

Ja̧ jawa Jesús yöbawö kaatenama, jo̧banö a̧ja̧kwö ko̧ko̧kwadöma tjöbajale jalaka baibanö tjomukwatinobe, Ayö, bitema ¿dakwö yöbawo̧jö? jö̧ba̧lö.

Mateo 8:1

Jesúsma mö'ösa'obetjö yutuajenama, ba̧jekwadö jojodö jo̧ba ökömanö lutja̧linobe.

Lucas 20:8

Tjatadökwe, Jesúsma yöa̧linobe: —Ökwödönö abebö cha̧ja̧kwaja̧ atadakwawa kwöpöjödaduwobetjö̧, ötjöbi, ¿ti ujulunö kwotidobeda?, jö̧ba̧lö abebö kwa̧ja̧kwaduwaja̧bi chatadökö— jö̧ba̧lö yöa̧linobe Jesúsma.

Hechos 6:10

Jejenö jwöjwötjakwawijayonö jobadöma atadakwawa jwiinö ji̧jadötö, Dios O̧'wo̧ Luwo̧ öba̧ja̧da̧lonö Esteban waisanö yöa̧lobetjö̧.