Mateo 7:23 - Dios Iwene

²³ Jejenö yötja̧lijayonö, baikwö chatadakwo̧sa jobadönö: Chö̧jelö döbibajaduwi, la'akatjöda wajwitawö̧ja ökwödö sulabenö ja̧badönöma, jö̧ba̧lö chatadakwo̧sa— jö̧ba̧lö yöawinobe Jesúsma.

Mateo 7:23 Iomraidhean Croise

Mateo 25:12

Jwötjeba̧lökwe, ilekwonö emajo̧ma atadinobe: Wajwitawö̧ja. Ökwödönö tetatökö, jö̧ba̧lö.

Mateo 25:41

Jemi ikenama wajwitobekwöchobe ju̧kwadönö yötawocha: Ökwödö sulabedöma chö̧jelö labebaduwi. Dios Awetjanöbi, iteda ömöayedönöbi lȩebobö Dios otidö ujuninola ökwöla nöolabe 'ya̧duwi, jobetjö Dios lȩebi̧tjö kwemaduwo jö̧ba̧lö.

Lucas 13:25

Eju luwo̧ a̧laibö apjude utumataja̧ ikenama, teachakwawa jwiakobe. Jau chömöledö, ida̧ökö jeju okwa kwö̧jaduwökötjö̧ma, apjude a̧petukwöchobe ja̧nö jwökeba̧laduwena: Duluwo̧, apjude po̧bebi tedachobö, jö̧ba̧lö. Jo̧kwaijayonö okwatjö atadena: Ökwödönö wajwitawö̧ja, detjö ichadöjö, jö̧ba̧lö, ökwödönö atadena, apjude po̧bebö tetatökö ökwödönö, jö̧ba̧lö.

Lucas 13:27

Jo̧kwaijayonö jejenö yöka̧laduwijayonö, ökwödönö yöa̧lakobe: Yötawaduwakwö, isabenö wajwitawö̧ja, detjö ichadöjö, jö̧ba̧lö. Tetatökö ökwödönöma. Chö̧jelö da̧ja̧duwi okobe deinö ökwödö sulabenö ja̧badöma, jö̧ba̧lö atadakobe.

Juan 10:14

Ja̧danö, ötjöma, jejenömabö̧kö̧sa. Otiwanö te'ada̧lo̧sa. Ötjö cha̧jwi̧munöma chöwaisawö̧. Ja̧danö, cha̧jwi̧muma ötjönö waisadö.

2 Timoteo 2:19

Jo̧kwaijayonö, ju'wedö tjösödi̧ waekwijayonö, Dios yöbawö ujunina wenema waekwokobe, la'akatjöda söawachokobe. Jau Timoteo, Diosma isabenö wene ujuninobe, inawa pjolachibököwadanö. Wanedö yötawa: Diosma isabenö wenesawa inawa ujuninobe, ja̧danö jawanö seyudanö wȩyukwawa jo̧be, ja̧danö baikwö laebobe wȩyukwi̧ma: Diosma iteda ömöledönö waiso̧, jö̧ba̧lö laebobe, ja̧danö ju'wibi laebobe: Okobe deinö Duluwo̧ ömöledösa jö̧ba̧ladöma, sulabetjö 'da̧bachibö tji̧'yobö jo̧be, jö̧ba̧lö laebobe.

Apocalipsis 22:15

Jo̧kwaijayonö ju'wedöma tetjachökakwedö. Jobadöma 'yayi̧ Jerusalén comunidad ö'öböda tjuju̧kwakwedö, sulabedöma. Jobadöma mea bobadöbi, tji̧lȩkwa̧muböködökwö sulabenö ja̧döbi, jojodönö kwabawö lobadöbi, jojodö tjotidina tjo̧'wo̧ jawa tjo̧'wo̧ wana̧ladöbi, omöna yöba̧lö ja̧döbi. Jobadöma tetjachökakwedö— jö̧a̧lijatö Jesúsma.